Македонија

ЦУК: Изминатото деноноќие четири пожари на отворено, сите се изгаснати

На бројот за итни случаи 112 во ЦУК изминатото деноноќие имало 1 752 повици, од нив „реални“ повици биле  61,76 отсто, а 38,24 отсто биле за други потреби на граѓаните што не биле итни.

Во изминатото деноноќие на територија на цела држава имало четири пожари на отворено и сите се изгаснати. Интервенирале пожарникарите од Скопје, Битола, Струмица и од Тетово, гаснејќи депонии, ѓубришта, мешана шума и ниска вегетација, соопшти денеска Центарот за управување со кризи (ЦУК).

На бројот за итни случаи 112 во ЦУК изминатото деноноќие имало 1 752 повици, од нив „реални“ повици биле 61,76 отсто, а 38,24 отсто биле за други потреби на граѓаните што не биле итни.

Кон полиција биле упатени 64,74 отсто, кон итната медицинска помош 23,99 отсто, кон пожарникарите 1,73 отсто, а кон АМСМ 0,29 отсто од реалните повици кон 112 во ЦУК.

Од ЈПКР „Услуга“- Берово информирале дека водата од водоснабдителниот систем во Општина Берово од 12 ноември 2024 година се уште е забранета за пиење и готвење, заради зголемено присуство на манган.

Од ЈСП „Скопје“ известиле дека поголем дел од автобусите не се вклучени во јавниот превоз и дека само мал дел сообраќаат по делничен возен ред во последното деноноќие и дека денеска се очекува да се нормализира јавниот градски превоз во Скопје.

Од ЦУК информираат дека жичницата на Водно во последното деноноќие не работела поради врнежи од дожд и силен ветер. Јачината на ветерот ги надминала дозволените граници за функционирање непречено и безбедно. Кога ќе се создадат соодветни временски услови за работа, ќе продолжела со непречено превезување на патниците.

Здравје

Андовски: Граѓаните навреме да ги откажуваат прегледите доколку не одат

20 проценти од закажаните пргледи за компјутреска томографија не не биле направени а тремните останале празни, бидејќи пациентите не дошле а не ги откажале навреме прегледите. 

За пет проценти повеќе 25 проценти од пациените не дошле на магнетна резонанаца а исто така не пријавле дека нема да дојдат. Од министерството за здравство со апел до граѓаните навреме да ги откажуваат прегледите доколку не одат, бидејќи тие прегледи се итни и потребни за голем број пациенти. Во голем број од европските земји по неоткажувањето на одреден преглед наредниот преглед се плаќа приватно.

Андовски исто така апелира до седум илјади граѓани кои се пријавиле а не примиле вакцина против грип да дојдат во друг ден или термин во договор со матичниот. Оние граѓани кои сакаат да примат вакцина а не се пријавле може да се пријават на вакцинација мк.

Оваа година се вакцинирале скоро 67 илајди граѓани против грип. Докторите апелираат за оваа вакцина бидејќи во пикот на грипот таа треба да ги заштити постарите луѓе, хронично болните, децата и бремените жени од тешки компликации од грип.

Македонија

Димитриеска-Кочоска: Денеска завршен состанок на банките за парите од унгарскиот заем

Се чека конечен одговор од банките за каматата што ќе биде пониска од 3,25 проценти.

Министерството за финансии имаше состаноци со секоја банка поединечно и денеска тие ќе имаат завршен состанок да ги додефинираат работите, за парите од унгарскиот заем, изјави министерката за финансии Гордана Димитриеска Кочоска, појаснувајќи дека се чека конечен одговор од банките за каматата што ќе биде пониска од 3,25 проценти.

Регион

Бугарското Народно собрание по петти пат не успеа да избере свој претседател

 И петтиот обид за избор на претседател на 51. состав на бугарското Народно собрание пропадна.

Повторно најмногу гласови собра доајенот и претседавач со седницата Силви Кирилов од Има таков народ (ИТН). Тој доби 101 глас „за“, 99 пратеници беа „против“, а 37 воздржани. Него го поддржаа 17 пратеници од „Продолжуваме со промените-Демократска Бугарија“, 35 од „Преродба“, 19 од „Сојуз за права и слободи“, ИТН - 18, МЕЧ - 12. Против Кирилов беа еден пратеник од ПП-ДБ, 30 од „ДПС-Нов почеток“ и 68 од ГЕРБ-СДС. „Воздржано“ гласаа 17 народни претставници од ПП-ДБ и 20 од „БСП-Обединета левица“.

Според процедуралните правила, за избран ќе се смета кандидатот кој добил повеќе од половина од гласовите на присутните во пленарната сала.

Службениот премиер Димитар Главчев го коментираше петтиот неуспешен обид за избор на претседател на Народното собрание, истакнувајќи дека службената влада е активна, за разлика од некои институции кои треба да работат во интерес на граѓаните.

Главчев изрази надеж дека наскоро ќе биде формирана редовна влада. - Не сме виновни што нема редовна влада, но прво треба да се избере претседател на Парламентот, додаде тој.

На денешната седница, освен Кирилов, се гласаше и за Раја Назарјан од ГЕРБ-СДС. Наредната седница е закажана за среда, 27 ноември, во 11:00 часот.

притисни ентер