Потребни состојки : 900 гр. брашно, 1 лажичка сол, 5 јајца, малку маргарин, 250 мл. млеко, малку нишесте, 600-700 гр. мелени ореви, околу 300 мл. масло, 1 л. вода, 1,5 кг. шеќер и малку лимонов сок.
Постапка:
Во поголем сад со брашно се става: сол, јајца, малку маргарин и млеко и се замесува тесто.
Тестото треба добро да се измеси.
Се дели на 10 дела и од секој дел се сука поголема кора.
При сукањето корите се поросуваат со нишесте.
Откако ќе се исукаат тенки кори се сечат во форма на тепсијата во која ќе се печат.
Се реди еден слој кори во тепсијата и одозгора се ставаат мелени ореви.
Врз нив се става втор слој на кори и баклавата се сече на помали парчиња.
Баклавата се полева со масло и се пече во загреана рерна околу 45 минути.
За тоа време се подготвува шербетот.
Во тенџере со 1 литар вода и малку лимонов сок се става 1,5 кг. шеќер да проврие.
Откако ќе се испече баклавата веднаш се полева со зовриениот шербет.