Македонија

„Стоп за лоши навики“ - ЗЛС најавува нов проект за подигнување на свеста за здрав животен стил

Здружението на лекари специјализанти (ЗЛС) наскоро ќе започне со спроведување на новиот проект под наслов „Стоп за лоши навики“, чија главна цел е подигнување на јавната свест за значењето на здравиот животен стил и бенефитите што произлегуваат.

Овој проект, кој треба да биде имплементиран до крајот на 2024 година, има за цел да ги информира и едуцира македонските граѓани за важноста на донесувањето свесни и информирани одлуки кои можат значително да го подобрат квалитетот на нивниот живот.

Проектот се темели на фактот дека одржувањето на здравиот животен стил не е само индивидуален избор, туку и општествена одговорност. Со оглед на тоа што кардиоваскуларните заболувања во моментов се и ќе останат водечки причинители на морбидитет и морталитет во светот, потребата од акција е повеќе од очигледна. Проектот има за цел да ја мобилизира и едуцира јавноста, како и да обезбеди алатки и ресурси за да се направат вистинските чекори кон подобро здравје.

Како дел од амбициозниот проект, ЗЛС ќе изработи и објави прв водич за здрави животни навики во нашата земја. Овој водич ќе биде резултат на соработка помеѓу искусни лекари, специјализанти и специјалисти од различни медицински области, во тесна соработка со нутриционисти и фитнес тренери. Водичот ќе биде практичен и лесен за користење, со цел да им обезбеди на граѓаните информации и препораки за одржување на здрав начин на живот, како и насоки за справување со најчестите ризик-фактори кои водат до хронични заболувања.

Проектот „Стоп за лоши навики“ има за цел да го подигне нивото на свест за важноста на модифицирачките ризик-фактори, како што се хипертензијата, дијабетот, обезноста, нарушениот метаболизам на мастите, физичката неактивност, несоодветната исхрана и пушењето. Според бројни статистики, во развиените земји се забележува тренд на намалување на смртноста од кардиоваскуларни заболувања, додека во земјите во развој, како што е Македонија, сè уште постои нагорен тренд. Оваа состојба бара итни мерки и акција, што е токму и целта на овој проект.

Во рамките на проектот, ЗЛС ќе организира и серија настани, вклучувајќи и панел дискусија под наслов „Стоп за лоши навики! Време е за промена - одлучи денес". Оваа дискусија на едно место ќе собере еминентни лекари и професионалци од различни области, кои ќе ги разгледаат и разменат своите ставови и искуства за предизвиците и бенефитите од здравиот животен стил. Учесниците ќе имаат можност да добијат одговори на бројни дилеми поврзани со здравите животни навики, како и да научат за значењето на раната интервенција и превенција, особено кај лицата со зголемен ризик.

„Стоп за лоши навики“ претставува повик до сите граѓани на Македонија да преземат активна улога во подобрувањето на своето здравје и благосостојба. Овој проект не е само за поединците, туку за целата заедница - затоа што секој од нас може да направи разлика. Време е за промена, и таа промена започнува со одлуката што ќе ја донесете денес.

Свет

Шолц: Нови 1,4 милијарди евра за Украина од пакетот помош

Германскиот канцелар Олаф Шолц денеска изјави дека земјата и нејзините партнери ќе обезбедат 1,4 милијарди евра од пакетот помош за поддршка на украинските одбранбени напори до крајот на годината.

„До крајот на годината, со поддршка на нашите партнери од Белгија, Данска и Норвешка, ќе испорачаме уште еден пакет (помош) во вредност од 1,4 милијарди евра на Украина“, рече Шолц во Берлин на прес-конференција со украинскиот претседател Володимир. Зеленски, објави Униан.

Во тој пакет, наведе тој, ќе бидат вклучени системот за наведување Ирис-Т, системи за противвоздушна одбрана Скинек, противвоздушни пушки Гепард, самоодна артилерија, оклопни возила, борбени дронови, радари и муниција.

„Ќе ја продолжиме воената поддршка за Украина и следната година, веќе вклучивме четири милијарди евра во нашиот буџет, тоа е директна билатерална воена помош“, рече Солц.

Како што наведе, земјите од Г7 годинава ќе и дадат на Украина дополнителен заем од 50 милијарди евра согласно одлуката на самитот на Г7 во Пуља, Италија.

Шолц, исто така, рече дека од Германија веќе е доставен нов пакет воена помош во вредност од 600 милиони евра во Украина, кој вклучува петти систем за воздушна одбрана Iris-T SLM, борбени возила на пешадија, тенкови, хаубици, муниција и беспилотни летала.

Тој рече дека Украина и во иднина може да смета на германската поддршка и нагласи дека Германија и пружила на Украина најголема воена поддршка од сите европски земји.

Шолц, исто така, ја истакна финансиската и економската помош дадена на Украина од страна на Г7 и Европската унија.

Тој нагласи дека Германија нема да дозволи Русија да ги диктира условите за мир и дека мирот во Украина „може да се постигне само врз основа на меѓународното право“, пренесува Укринформ.

Шолц истакна дека рускиот претседател Владимир Путин треба да биде присутен на следниот мировен самит во Швајцарија во јуни.

Зеленски и се заблагодари на Германија за помошта, особено за обезбедувањето системи за противвоздушна одбрана.

Ова е четврта посета на Зеленски на Германија од почетокот на 2024 година.

Свет

Портокалов метеоаларм во Париз поради опасност од излевање на реките

Агенцијата Метео Франс објави дека нивото на предупредување за поплави од денеска е намалено од црвено на портокалово во департманот Сена и Марн, така што ниту еден француски департман повеќе не е под црвена тревога.

По пустошењето на бурата Кирк, Метео Франс го држеше во состојба на готовност департманот Сена и Марн поради опасност од поплави до вчера навечер, а департманот Ер-е-Лоара, кој исто така беше под црвена тревога, претходно беше во портокалов аларм, јавува БФМ телевизија.

Метео Франс во среда во 16 часот прогласи црвен временски аларм – режим на максимална тревога поради високиот ризик од излевање на реката Гран Морин.

Македонија

Платите на наставниците и професорите ќе се зголемат за пет проценти

Претседателот на Самостојниот синдикат за образование, наука и култура (СОНК) Јаким Неделков на денешната прес-конференција по средбата со премиерот Христијан Мицкоски, потврди дека и оваа година, поточно од овој месец, ќе има зголемување на платите.

Претседателот на Самостојниот синдикат за образование, наука и култура (СОНК) Јаким Неделков на денешната прес-конференција по средбата со премиерот Христијан Мицкоски, потврди дека и оваа година, поточно од овој месец, ќе има зголемување на платите во основно и средно образование за пет проценти.

-Тоа значи дека од овој месец, односно од октомвриската плата, вработените во основното и средо образование ќе имаат зголемена плата за пет проценти. Задоволството е уште поголемо што се договоривме за континуиран раст на платите во основно и средно образование во период од четири години, каде според нашите заеднички математики, конечно вработените во основно и средно образование, носителите на дејност наставниците и професорите ќе имаат плата во висина од просечна или нешто над просечна плата, рече Неделков.

Како што додаде, ова е голем успех во преговорите, во социјалниот дијалог и партнерство и е доказ дека со заемно почитување и разбирање како социјални партнери, може да се дојде до прифатливи решенија.

Премиерот Христијан Мицкоски денеска на прес-конференцијата посочи дека после неколку неделни преговори и анализи, и врз основа на она што го имаат како информација како се полни буџетот и кои се проекциите за годините кои следат, сакале да постигнат договор кој ќе биде долгорочен и ќе биде во насока на подобрување на финансиска состојба на наставниците.

притисни ентер