Култура

„Квинтето Адриатико“ за љубителите на класиката на „Охридско лето“

Музичката програма на фестивалот „Охридско лето“ вечерва продолжува со  концертот на  „Квинето Адриатико“ што ќе се одржи во црквата „Света Софија“ во стандардниот фестивалски термин од 21 часот.

Ансамблот „Квинтето Адриатико“ е нов проект на италијанскиот пијанист Федерико Ловато, хрватската виолончелистка Латица Аниќ и Хрватско-македонскиот контрабасист и долгогодишен соработник на фестивалот „Охридско лето“, Илин -Диме Димовски.

Квинтетот е плод на повеќе од 20-годишната соработка на Ловато и Димовски кои преку нивното учество и соработка во оркестарот на Фондацијата „Сан Марко“, како и гудачкиот оркестар „Солисти ин Вила“ во Портогруаро (Италија) настапуваат на фестивалот „Санта Чечилија“ во музички партнерства со бројни познати музичари. Во постојана потрага по нови предизвици и квалитетно заедничко музицирање тие ја контактираат фантастичната виолончелистка Латица Аниќ која гради интернационална кариера како солист и педагог на академијата во Лихтенштајн, како и македонската виолинистка Фросина Богдановска која е концерт-мајстор на оркестарот во Клагенфурт. Заедно, таа и Димовски се долгогодишни соработници во меѓународни ансамбли како оркестарот „No Borders” и „Ингац Фукс“ ансамблот. Последен член на квинтетот е талентираната виолистка Дагмар Корбар, победничка на годинашниот натпревар „Папандопуло“, водач на секцијата виоли во Холандската филхармонија и асистент професор на музичката академија во Загреб.

На овој концерт како гостин им се придружува и македонската пијанистка која живее и работи во САД- Јана Павловска Молц.

Македонија

Рокас: Очекувам овој пат и ЕУ да може да испорачува резултати со забрзана динамика

Од новиот состав на Европската Комисија треба да очекувате многу напорна работа, изјави денеска шефот на Делегација на ЕУ во земјава, Михалис Рокас.

На прес-конференција во Битола, евроамбасадорот Рокас нагласи дека очекува овој пат и Европската унија да може да испорачува резултати со забрзана динамика.

- Од новиот состав на Европската Комисија треба да очекувате многу напорна работа. Процесот на проширување на Европската унија е врвен приоритет за самата Европска унија. Како сведоштво или како доказ за тој врвен приоритет е тоа што имаме комесар за проширување, а имаме и политички директор кој што ја има функцијата за проширување. Значи ги имаме сите алатки на раполагање и треба да ги ставиме во дејство од првиот ден на работата на новиот состав на Европската комисија. Ние како Делегација на ЕУ заедно со мојот тим и сите други членки на ЕУ тука присутни, остануваме посветени на самиот напредок за да може да ги искористиме сите можности кои ЕУ ги нуди. Имаме на располагање различни финансиски механизми, како што е Планот за раст на Европската комисија и исто така реформската агенда на самата Влада. Очекувам ние како ЕУ, овој пат и ние да можеме да испорачуваме резултати со многу забрзана динамика, истакна Рокас.

Шефот на Делегација на ЕУ во земјава денеска е во посета на Општина Битола и други институции во овој град.

Македонија

Се реконструира фасадата на економското училиште во Велес

 Во тек се градежните активности на реконструкција на фасадата во енергетски ефикасна на oпштинското средно училиште „Јовче Тесличков", попознато како Економска во Велес.

За таа намена обезбедени се средства за реконструкција на фасадата на ова училиште, информира градоначалникот Марко Колев.

- Со целосната реконструкција на фасадата на зградата оваа средно eкономско училиште добива нов лик. Инаку, оваа зграда е изградена во далечната 1961 година, првично за ОУ „Трајко Андреев“, а од 2006 година од септември тука се пресели економското училиште. Со реконструкција на фасадата, стара 63 години, значително ќе се подобрат условите за учење на учениците и за работа на наставниците и целокупниот кадар. Со новата енергетски ефикасна фасада ќе се постигне поголема енергетска ефикасност, односно поголема топлина во зима на сите простории во училиштето и ќе се заштеди во електрична енергијата, потенцира Колев.

Македонија

ЕСМ понуди поскапа цена на тендерот на ЕВН ХОУМ

62 евра за мегават час е новата цена која државни електрани ја понудија на тендерот на ЕВН ХОУМ, за покривање на 100 % од потребите.

Оваа цена е за 3,33% повисока од претходната која изнесува 60 евра за мегават час ..

Од оваа цена најмногу зависи какви сметки ќе плаќаат граѓаните од први јануари. За покривање на загубите на струја, пак на одржаните тендери електродистрибуција доби просечна цена од 106 евра за мегават час, додека претходната цена изнесуваше 105 евра . Новата цена на струјата треба да се донесе до крајот на годинава, а да важи од први јануари......

притисни ентер