Тој успешно го заврши бизарниот предизвик што неговите следбеници можеа да го следат во живо 00-24 на Интернет.

Доколку не сте запознаени со ликот и делото на овој Австралиец, ќе кажеме дека и претходно испробал слични предизвици. Тврди дека успеал да остане буден 12 дена, но и да изел кактус.

Во изминатиот период армија негови следбеници беа вклучени во преносот од просторијата во која Норме престојувал во тотален мрак. Предизвикот започнал на 16 октомври и сѐ изгледало во ред до 22 ден, кога младиот човек бил фатен на камера како се ниша напред-назад и гризе нешто.

Обожавателите биле загрижени дека го изгубил умот, а еден од нив коментирал: „Ве молам кажете ми дека не ја гризе вратата?!“. Друг продолжи со реченицата дека „осаменоста може да го полуди човекот“.

Имало и такви кои не биле воодушевени од потфатот на Јутјуберот, а едно лице напишало: „Тој само бара внимание. Бев во самица со месеци и не е толку страшно“.

По еден месец „затвор“, Јутјуберот на 15 ноември излегол надвор, а преносот го гледале 100.000 луѓе. Со него бил пријател, а на главата носел крпа за да се заштити од светлината.

После тоа ги отвори очите, погледна кон небото и врескаше со олеснување. Потоа почна да се однесува неконтролирано. Тој скокаше горе-долу, испушташе чудни звуци и велеше дека „очите ужасно го болат“, пренесува LadBible.

„Како да ми беа забиени илјада ножеви во очите. Како да сум во друга димензија“, му рекол Норме на својот пријател пред камерата.

Гледачите забележале бројни дамки на неговата кошула и заклучиле дека „не се туширал еден месец“. Други биле загрижени дека тој се однесувал како „луд научник“ и побарале од него да престане со бизарните предизвици.

„Добро е што има кој да мисли на граѓаните, а тоа е Владата на Република Македонија, која на денешната седница донесе и одлука не за некаква награда, туку апсолутно тоа е позајмување на гориво до Градот Скопје и ЈСП,“ изјави советникот во Советот на Град Скопје од ВМРО-ДПМНЕ, Мартин Стојановски.

Советничката група на Левица остро ја критикуваше градската власт. Нивната критика наиде на контрареакција од советникот Мартин Стојановски.

„Па сакам, ете, јавно да ја прашам советничката Катерина, зошто сеуште три директори од партијата Левица имаат во јавните установи на Градот Скопје и зошто, ако не се сложуваат со политиките на актуелната политичка градска власт, одамна не ги напуштија местата и не беа дел од градските институции? Сомнително е зошто толку се сменија 40 тина директори, а не се сменија токму тие 3 директори, не се пипнати од политичката партија Левица,“ рече Стојановски.

„Да не го политизираат ова, колешката Катерина од советничката група на Левица, мислам дека политички го одржа својот говор денеска на оваа седница“, истакна Стојановски.

И покрај владината интервенција, останува прашањето за долгорочната стабилност на јавниот превоз. За скопјани оваа состојба не е само технички проблем, туку и доказ за политичките игри што го доведоа ЈСП до колапс. „Нафта утре ќе има, а јавната набавка за една недела ќе биде реализирана од страна на Градот Скопје и повторно автобусите би требало да возат, секако доколку тоа успеат службите од Градот Скопје да го менаџираат“, рече Стојановски.

За граѓаните, оваа состојба не е само технички проблем, туку и доказ за политичките игри што го доведоа ЈСП до колапс. Левица, критикувајќи ја градската власт, мора да одговори на прашањето – зошто нејзините тројца директори останаа на своите функции, ако партијата не се согласува со политиките на Арсовска?

На седницата беше најавено дека по интервенцијата на Владата со нафта од државните резерви за седум дена, утре изутрина ќе биде нормализиран автобускиот превоз во град Скопје.

- Да истакнам една благодарност не само од мое име туку и од име на градот Скопје и од граѓаните на градот Скопје затоа што утре ќе можат да си стигнат на своите работни места сите оние коишто се движат со јавен превоз и учениците ќе можат да стигнат на училиште. Едновремено би сакала да апелирам до сите вас да се следи овој позитивен пример затоа што доколку е дојден моментот да покажеме пред граѓаните дека сме способни да направиме исчекор и консензус да имаме за прашања коишто се од клучно значење за нивниот интерес тоа можеме да го направиме и повторно со тоа што на следната седница ќе се гласаат сите оние работи коишто навистина се неопходни за нив, рече градоначалничката на Скопје Данела Арсовска пред советниците.

За кризата во ЈСП, Арсовска вели дека не е резултат на несоодветното менаџирање на претпријатието, туку поради што редовната јавна набавка била предмет на управна контрола од страна на Бирото за јавни набавки.

-Она кое што се случи вчера, а тоа е да застане превозот поради недостаток на нафта, морам да кажам дека не е предизвикано од тоа што некој несоодветно си ја завршил својата работа, туку е предизвикано од тоа што во редовна јавна набавка, односно постапка за јавна набавка, која што во рок е завршена за да нема никакви проблеми, беше предмет на управна контрола од страна на Бирото за јавни набавки и истата беше поништена, и покрај тоа што се работи за јавна набавка која што е за суштинскиот енергенс, рече Арсовска.

Доколку не била поништена оваа јавна набавка, Арсовска вели овој проблем немало да постои.

-Доколку не беше оваа јавна набавка поништена, ние денес овој проблем немаше да го имаме. Од друга страна, морам да кажам дека денес имавме можност да видиме она кое што го зборуваме веќе во изминатите три години, чекорот којшто беше направен од страна на Владата и од страна на премиерот, којшто во рекордно време од истато тоа Биро за јавни набавки успеавме да добиеме одобрение за директна спогодба за да може Јавното сообраќајно претпријатие во овие услови во какви што беше ставано од истата таа институција да може да испреговара и да се снабди со нафта, додаде Арсовска.

Таа посочи дека денеска во рекордно време од Бирото за јавни набавки успеале да добијат одобрение за директна спогодба за да може ЈСП во вакви услови да испреговара и да се снабди со овој енергенс.

-Успеавме од страна на Владата во разговор со претседателот на Владата да добиеме ветување и тоа ветување тој го исполни да ја добиеме потребната количина на горива, односно на нафтени деривати коишто ќе бидат сосема доволни за претпријатието до моментот додека не се склучи новиот договор за да може ЈСП да функционира во нормални услови како што требаше и во изминатите денови, рече Арсовска.

На седницата зборуваат и советниците од Советот на Градот Скопје, кои изнесуваат свои предлози за излез од ситуацијата со автобускиот превоз во која се најде главниот град.