Македонија

Вонредна седница на Советот на Град Скопје: Од утре Скопје ќе има автобуски превоз

Советот на Градот Скопје одржува вонредна седница по кризата во Јавното сообраќајно претпријатие (ЈСП) кое од синоќа остана без нафта. 

На седницата беше најавено дека по интервенцијата на Владата со нафта од државните резерви за седум дена, утре изутрина ќе биде нормализиран автобускиот превоз во град Скопје.

- Да истакнам една благодарност не само од мое име туку и од име на градот Скопје и од граѓаните на градот Скопје затоа што утре ќе можат да си стигнат на своите работни места сите оние коишто се движат со јавен превоз и учениците ќе можат да стигнат на училиште. Едновремено би сакала да апелирам до сите вас да се следи овој позитивен пример затоа што доколку е дојден моментот да покажеме пред граѓаните дека сме способни да направиме исчекор и консензус да имаме за прашања коишто се од клучно значење за нивниот интерес тоа можеме да го направиме и повторно со тоа што на следната седница ќе се гласаат сите оние работи коишто навистина се неопходни за нив, рече градоначалничката на Скопје Данела Арсовска пред советниците.

За кризата во ЈСП, Арсовска вели дека не е резултат на несоодветното менаџирање на претпријатието, туку поради што редовната јавна набавка била предмет на управна контрола од страна на Бирото за јавни набавки.

-Она кое што се случи вчера, а тоа е да застане превозот поради недостаток на нафта, морам да кажам дека не е предизвикано од тоа што некој несоодветно си ја завршил својата работа, туку е предизвикано од тоа што во редовна јавна набавка, односно постапка за јавна набавка, која што во рок е завршена за да нема никакви проблеми, беше предмет на управна контрола од страна на Бирото за јавни набавки и истата беше поништена, и покрај тоа што се работи за јавна набавка која што е за суштинскиот енергенс, рече Арсовска.

Доколку не била поништена оваа јавна набавка, Арсовска вели овој проблем немало да постои.

-Доколку не беше оваа јавна набавка поништена, ние денес овој проблем немаше да го имаме. Од друга страна, морам да кажам дека денес имавме можност да видиме она кое што го зборуваме веќе во изминатите три години, чекорот којшто беше направен од страна на Владата и од страна на премиерот, којшто во рекордно време од истато тоа Биро за јавни набавки успеавме да добиеме одобрение за директна спогодба за да може Јавното сообраќајно претпријатие во овие услови во какви што беше ставано од истата таа институција да може да испреговара и да се снабди со нафта, додаде Арсовска.

Таа посочи дека денеска во рекордно време од Бирото за јавни набавки успеале да добијат одобрение за директна спогодба за да може ЈСП во вакви услови да испреговара и да се снабди со овој енергенс.

-Успеавме од страна на Владата во разговор со претседателот на Владата да добиеме ветување и тоа ветување тој го исполни да ја добиеме потребната количина на горива, односно на нафтени деривати коишто ќе бидат сосема доволни за претпријатието до моментот додека не се склучи новиот договор за да може ЈСП да функционира во нормални услови како што требаше и во изминатите денови, рече Арсовска.

На седницата зборуваат и советниците од Советот на Градот Скопје, кои изнесуваат свои предлози за излез од ситуацијата со автобускиот превоз во која се најде главниот град.

Живот

Снимен е неверојатен напад на сибирски тигар- човекот за чудо преживеа (ВИДЕО)

Кинеските власти упатија предупредување до граѓаните да внимаваат на околината, по ненадеен напад од сибирски тигар.

Застрашувачкиот инцидент се случил во провинцијата Хејлонгџијанг на крајниот североисток на земјата.

Се сомневаат дека по овој крај се шетаат два крволочни ѕверови, а засега нема информации за нивно заробување. На социјалните мрежи се појави видео од напад врз земјоделец, кој за чудо го избегнал најлошото.

Локалните медиуми јавуваат дека сибирски тигри досега нападнале две лица, меѓу кои и 65-годишен маж на кого морало да му биде извршена операција на раката.

На видеото од вториот напад се гледа како човек излегува на улица, по што се појавува дивиот ѕвер кој ја урива оградата. Исплашената жртва брзо се повлекува, а тигарот исчезнува во маглата.

Се наведува дека синот на мажот ги известил властите за инцидентот, а мештаните биле предупредени да го заштитат својот добиток и да повикаат помош доколку видат диви животни, пренесува Индипендент.

Сибирските тигри се загрозен подвид и ги има многу малку во природата. Може да се најдат во долините на реките Амур и Усури во регионите Приморски и Хабаровск во Русија, како и во помал број во Манџурија (Кина).

Во просек, тие се долги околу три метри, високи околу 112 сантиметри и тежат меѓу 180 и 300 килограми. Тие не се пребирливи животни, јадат сѐ, од кожа со крзно до коски.

Инаку, ова не е прв случај сибирски тигар да залута во урбана средина. Во декември минатата година, див ѕвер нападна и уби човек кој го шетал своето куче во источен Хабаровск, Русија.

Свет

21- годишна мајка од Италија за две години закопала две бебиња во градината, сега открива зошто

Мајката (21) Кјара Петролини ги закопала своите две бебиња во дворот од куќата во Парма, Италија, а потоа признала дека првото било мртво родено, додека второто било живо.

Меѓутоа, набргу откако го родила бебето, новороденчето престанало да дише, поради што испаничила и решила да го закопа, пренесува Ла Република.

„Сфатив дека срцето на бебето повеќе не чука“, рече таа откако го родила бебето во август минатата година и го закопала во градината на нејзиниот дом.

Како што пренесуваат италијанските медиуми, жената по име Кјара признала дека набргу по раѓањето „станала свесна за виталноста на детето и дека неговото срце повеќе не чука“.

Тоа го потврдија и наодите од обдукцијата, а како што велат експертите, бебето било родено живо и во белите дробови се гледаат траги од воздух, како да „се обидело да вдиши воздух, но не успеало“.

Оваа мајка имала сличен случај една година порано кога родила мртво бебе. Потоа се обидела да го затресе за да провери дали дише, но кога сфатила дека за жал не е така, ѝ паднало на памет да го остави во градината.

"Го потресов да видам дали е мртов, дали дише. Потоа помислив да го закопам во градината. Со голи раце ископав дупка", објаснила жената.

Таа за прв пат родила мртво бебе во 2022 година, а второто раѓање се случило на 7 август минатата година. Таа сама ја пресекла папочната врвца со кујнски ножици пред да ја фрли во тоалетот.

По породувањето се онесвестила, а сето тоа се случило во куќата додека нејзините родители и брат ѝ спиеле горе.

Жителите на Траверстоло, во провинцијата Парма, се уште се во неверување поради сѐ што се случило.

„Ние не сме заедница која молчи. Мојот апел е секој што знае нешто - да се изјасни.“ изјави радоначалникот Симоне Дал Орто за медиумите.

Кјара наводно рекла дека сама се породила дома и ги закопала децата, но во градот се зголемува сомнежот за тоа.

Свет

Скандал во САД:Човек викнал полиција поради грабеж, го застрелале пред ќерка му (ВИДЕО)

43-годишен маж бил застрелан и убиен од полицијата во Лас Вегас откако им се јавил додека се борел со провалник во неговиот дом.

Семејството на Брендон Дурам, вклучително и неговата 15-годишна ќерка, која се криела во блиската соба, повикале полицаецот да биде отпуштен, објави Би-Би-Си.

Тинејџерската ќерка на Дурам рече дека е „згрозена“ од полицијата во Лас Вегас затоа што го третирала како „осомничен“, а не како „жртва“.

Адвокатот на Александар Букмен, полицаецот кој го застрела Дурам, рече дека тој не извршил никакви кривични дела. Полициската управа во Лас Вегас соопшти дека Букмен (26) е ставен на платено административно отсуство додека тие спроведуваат внатрешен преглед на инцидентот од 12 ноември.

Дурам ја повикал полицијата кобната ноќ да пријави две лица кои пукале надвор и се обидувале да упаднат во неговиот дом, соопшти полицијата.

Полицајците кои реагирале на пријавата пронашле автомобили со скршени предни стакла. Тие, исто така, забележале оштетување на домот и слушнале викање одвнатре, соопшти полицијата, поради што Букмен ја удрил влезната врата за да влезе.

На снимката од камерите на телото објавена од полицијата се гледа како Букмен шета низ куќата со изваден пиштол, додека врисоци и удирање се слушаат надвор од видното поле.

Свртувајќи на аголот на ходникот во облик на L, полицаецот го нашол Дурам без кошула како се бори за нож со жена која носи маска за скијање, подоцна идентификувана како 31-годишната Алехандра Будро.

Полицаецот вика: „Еј, пушти го ножот, фрли го ножот“, неколку секунди пред да испука истрел кој го погодува Дурам и ги исрфла него и Будо на подот.

Букмен потоа пука уште пет куршуми во Дурам и вели: „Крени ги рацете“, според снимките од камерата на телото објавени од полицијата.

Дарам е прогласен за мртов на местото на настанот. Будро е уапсена и обвинета по четири точки, вклучително и упад во дом со смртоносно оружје.

– Згрозена сум што полицијата му рече на татко ми, откако го уби, да остане долу – изјави ќерката на Дурам за локалните медиуми: „Згрозена сум што полицијата ме остави да живеам без татко ми до крајот на мојот живот“.

Адвокатот на семејството побарал итен налог за апсење на Букмен.

- За разлика од граѓанските постапки, во кои станува збор за небрежност на поединец, кривичните предмети бараат доказ за криминалната намера на лицето.

Повикувајќи се на полициски извештај, локалните весници објавија дека Дурам и Будро претходно биле во романтична врска.

Помошникот шериф Дори Корен рече дека полицијата не пронашла пиштол на местото на настанот, и покрај повеќекратните извештаи за испукани истрели.

Инцидентот ги врати полициските престрелки во центарот на вниманието, кои дојдоа само неколку дена пред Министерството за правда да отвори истрага за смртта на Соња Меса, која беше смртно застрелана од полицаец во нејзиниот дом во Илиноис во јули.

На социјалните мрежи е објавено и видео од убиството снимено на камерата на телото на полицаецот. Внимавајте - снимката е крајно вознемирувачка.

притисни ентер