Регион

Вучиќ се сретна со конзорциумот „Хјундаи-УГТР“,потпишан договор за изградба на соларни централи

Потпишувањето на договорот Претседателот Вучиќ го најави минатата недела.

Претседателот на Србија, Александар Вучиќ, се сретна денесka со претставници на конзорциумот на компаниите "Hyundai Engineering" и "UGT Renewables", со кои е потпишан Договорот за реализација на Проектот за изградба на соларни самобалансирани соларни електрани, кои ќе обезбеди еден гигават новоинсталирана моќност преку соларни панели, јави дописникот на МИА од Белград.

Договорот за реализација на Проектот за изградба без управување и одржување на самобалансирани соларни централи со голем капацитет со вкупна инсталирана моќност од најмалку 1.000 MWAC/1.200 MWDC со батериски системи за складирање на електрична енергија со вкупна инсталирана моќност од најмногу 200 MW/400 MWh потпишаа министерката за енергетика Дубравка Ѓедовиќ Хандановиќ и генералниот директор на ЕПС Душан Живковиќ.

Своите потписи пред конзорциумот ги ставија извршниот директор на UGT Renewables Адам Кортезе, претседателот и извршен директор на Hyndai Engineering Хјон Сонг Хонг и стратешкиот менаџер на филијалата на Hyundai Engineering во Белград, Санг Мин-Парк.

Потпишувањето на договорот Претседателот Вучиќ го најави минатата недела.

-Следната недела ќе го потпишеме договорот со УГТР. Цело време зборував за тоа со претседателот Бајден. И тој лично кажа колку е важна оваа компанија и колку е важно да продолжиме да инвестираме во енергетиката, бидејќи нема да имаме струја ако не побрзаме. Тој проект треба да ни донесе еден гигават новопоставена моќност преку соларни панели, рече Вучиќ

Владата на Србија на 10 октомври го усвои Заклучокот за проектот за изградба без управување и одржување на самобалансирани соларни централи со голем капацитет со батериски системи за складирање на електрична енергија во Србија, како проект од значење за Србија.

Со него се предвидува изградба на соларни централи на териториите на општините Неготин, Зајечар, Оџаци, Лебане, Лесковац и Бујановац. Проектот опфаќа развој, изградба, пуштање во употреба, управување и одржување на овие електрани две години по изградбата.

Владата наведе дека соларните централи ќе се состојат од фотоволтаични панели, носачи на соларни панели со системи за следење на движењето на сонцето, т.н. тракери, батериски системи за складирање на електрична енергија, како и придружна нисконапонска, среднонапонска и високонапонска опрема. Со овој проект се постигнуваат целите на енергетската транзиција и се исполнуваат меѓународните обврски, а ќе се елиминира потребата од увоз на електрична енергија и ќе се обезбеди долгорочно снабдување на потрошувачите по економски поволни цени.

Министерот за надворешни работи на Србија, Марко Ѓуриќ и потсекретарот на Соединетите Американски Држави за економски раст, енергетика и животна средина, Хозе Фернандез, во септември во Вашингтон го потпишаа Договорот за стратешка соработка во енергетскиот сектор меѓу Србија и САД.

Македонија

Меџити оствари средба со министерот за животна средина на Косово, Либурн Алиу

Првиот вицепремиер и министер за животна средина и просторно планирање, Изет Меџити, денеска одржа важна средба со министерот за животна средина, просторно планирање и инфраструктура на Република Косово, Либурн Алиу. 

Ова е прва официјална посета на министерот Алиу по формирањето на новата влада.

На оваа средба, вицепремиерот Меџити изрази благодарност до министерот Алиу и неговата делегација, вклучително и амбасадорот на Република Косово, Флоријан Ќехаја, истакнувајќи ја неговата и владината определба за соработка на секое поле што е од интерес за граѓаните на двете земји.

Разговорите се фокусираа на прекуграничната соработка, при што беше споменат проектот за заштита на реката Лепенц преку интегрирано управување со водните ресурси.

На посебна средба одржана подоцна, министерот Меџити беше домаќин на делегација од Министерството за животна средина на Република Косово, на која се разговараше за унапредување на соработката меѓу двете министерства за решавање на важни еколошки прашања и подобрување на квалитетот на животот на граѓаните. Косовската делегација го претстави проектот за хидросистем Ибер-Лепенц, финансиран од WBIF, и ја истакна потребата од продлабочување на соработката во областа на екологијата.

Двајцата министри се согласија дека е од суштинско значење да се продолжи со подобрување на односите и да се искористи потенцијалот за продлабочување на соработката во еколошките прашања.

Оваа посета и одржаните средби ја нагласуваат силната посветеност на двете земји да работат заедно за постабилна и побезбедна иднина за своите граѓани, се наведува во соопштението.

Свет

Во Северна Каролина речиси сто луѓе се водат како исчезнати по ураганот Хелен

Најмалку 92 луѓе се водат како исчезнати во американската сојузна држава Северна Каролина откако ураганот Хелен ги погоди САД кон крајот на септември.

- Сакам да предупредам дека ова не е конечната бројка, бидејќи работната група продолжува со работа, наведе гувернерот на Северна Каролина, Рој Купер.

Хелен ги погоди САД на 26 септември, тоа е вториот најсмртоносниот ураган во земјата изминатите 55 години. Најмалку 243 лица загинаа во неколку сојузни држави, вклучувајќи 118 во Северна Каролина./МИА

Македонија

Сиљановска Давкова го прими генерал Метин Ѓурак, началник на ГШ на Вооружените сили на Турција

Претседателката Гордана Сиљановска Давкова денеска го прими генерал Метин Ѓурак, началник на Генералштабот на Вооружените сили на Република Турција.

На средбата беше разговаранo за севкупните билатерални односи меѓу двете држави во областа на одбраната, коишто бележат континуиран развој, во духот на НАТО сојузништвото и стратешкото партнерство во сите области од заемен интерес.

Во таа насока, претседателката Сиљановска Давкова го нагласи исклучително значајниот придонес на турските вооружени сили преку воено-финансиските договори, како и годишните планови за соработка кои обезбедуваат финансиска поддршка, воена опрема, одбранбени системи и обука на нашиот воен персонал.

Изразувајќи задоволство од непоколебливата и конкретна поддршка од Турција и турските институции од осамостојувањето на македонската држава, претседателката Сиљановска Давкова ја нагласи нејзината заложба за дополнително негување и зајакнување на блиските врски меѓу двете држави и за поттикнување на меѓусебни посети на високо ниво, соопштуваат од Кабинетот на претседрателката .

притисни ентер