Неочекуваниот победник од првиот круг на романските претседателски избори, екстремно десничарскиот Калин Георгеску негира дека сака да ги напушти НАТО и Европската унија и се чини дека омекна некои од неговите ставови во екот на протестите поради неговата победа.

Пред првиот круг од изборите во неделата, независниот десничарски политичар Георгеску (62) имаше поддршка од само 4 до 7 отсто од испитаниците во анкетите и неговата шокантна победа покрена прашања за тоа како е можно такво изненадување. Во вториот круг на 8 декември тој ќе се соочи со центристичката противничка Елена Ласкони.

Георгеску доби најмногу гласови од младите гласачи и Романците кои живеат во странство, а неговата кампања беше силно поттикната од ТикТок.

Стотици луѓе протестираа во неколку романски градови, изразувајќи незадоволство од независниот кандидат за претседател Калин Георгеску поради неговите ставови кои ги сметаат за антиевропски и поврзани со екстремистички идеи.

Георгеску претходно ги пофали романските фашистички политичари од 1930-тите како национални херои и маченици, беше критичен кон НАТО и романската проукраинска позиција и рече дека земјата треба да се ангажира наместо да ја предизвикува Русија.

„Не сакам да го напуштам НАТО, не сакам да ја напуштам Европската унија. Меѓутоа, сакам да заземам став, а не да клечиме таму, да не прифаќаме се, како што реков, треба да сториме се што е во наш национален интерес“, објави синоќа Георгеску на својот фејсбук профил./МИА

„Внимателно го разгледав 9 месечниот финансиски извештај на ова Јавно претпријатие. Како советник и како активист, како љубител на животни некој кој најмногу се радуваше за отворање на ваков тип на претпријатие имам неколку забелешки за недомаќинското работење на ова Јавно претпријатие“, истакна советникот на ВМРО-ДПМНЕ Стефан Кирков во своето воведно обраќање на денешната седница за советнички прашања на Град Скопје, по однос на разгледување на финансискиот извештај и за целокупното работење на ЈП Лајка заклучно септември оваа година.

Кирков напомена дека претпријатието Лајка нема видливи резултати, исто така посочи дека единствено што може да се забележи е исполнети билтени на МВР од луѓе кои се нападнати од кучиња и незадоволни туристи.

„Функционира повеќе од 8 години и ние не можеме да се пофалиме дека гледаме видливи резултати. Напротив гледаме дека билтените на МВР се полни од луѓе кои се нападнати од кучињата скитници кои се во Скопје. Разговараме за град на култура, град на туризмот, сакаме да привлечеме туристи. А во сите оние портали каде се рекламира Скопје како град кој што треба да се посети стои забелешка “Внимавајте Скопје е преполно од кучиња бездомни“ и тоа е навистина жално“, дециден беше Кирков.

Според Кирков доколку се разгледа детално финансискиот извештај она што јасно се забележува е одлевање на огромна сума на пари од касата на Град Скопје. Јавно побара да добие одговори од надлежните на ова претпријатие се со цел да може да биде известена македонската јавност.

„Доколку го разгледате детално финансискиот извештај, ќе забележите дека има стотици илјади евра кои се одлеваат од касата на Град Скопје, пари на граѓаните. Ние како советници треба да знаеме каде завршуваат нашите пари. ЈП Лајка не ги исполни очекувањата на скопјани, ситуацијата во Скопје е алармантна, очекувам целосна ревизија во ова претпријатие и ќе побараме одговорност“ , заклучи Кирков.

Според него кога ќе се смени градоначалничката Арсовска сите претпријатија ќе профункционираат, не само ЈП Лајка, се наведува во партиското соопштение.

-Овие летови траат долго време. Неодамна станаа интересни. Нема ништо необично, сето тоа го има МВР на својата веб-страница. Тоа е практично рутинска работа која не предизвикува некои поголеми пореметувања, изјави Пленковиќ.

Дојче веле денеска објави дека Германија планира да ги засили депортациите на барателите на азил кои дошле во земјата преку друга членка на Европската унија, вклучително и во Хрватска.

„Помеѓу 1 јануари 2023 година и 30 септември 2024 година, од Баварија полетаа вкупно пет чартер летови во правец на Хрватска со вкупно 21 протерано лице“, пренесува Дојче веле, повикувајќи се на Баварската служба за азил и враќање мигранти.

Тоа го поттикна претседателскиот кандидат Миро Буља да побара итна изјава од Пленковиќ и министерот за внатрешни работи Давор Божиновиќ за „тајните летови со кои илегалните мигранти се враќаат во Хрватска“. Буљ тврди дека ова „ја претвора Хрватска во европско жариште“.

-Ова не се некои мистифицирачки летови од Германија. Постои Даблинска регулатива, таканаречена Даблин III, која регулира во која земја оние кои бараат меѓународна заштита можат да го поднесат тоа барање, додаде тој.

Станува збор за Уредбата за утврдување критериуми и механизми за утврдување на земја-членка одговорна за разгледување на барање за меѓународна заштита поднесено во една од земјите-членки од државјанин на трета земја или лице без државјанство. Со други зборови, за барателите на азил, надлежната земја членка на Европската унија во која лицето првпат стапнало на тлото на блокот.

-Тоа е невозможно. На западнобалканската рута, ако некој стигне до Хрватска, а претходно не бил регистриран, тоа значи дека властите на земјите низ кои поминале мигрантите не го регистрирале, рече премиерот на отворањето на реновираната зграда на Министерството за надворешни и европски работи во Загреб. /МИА