Годишните награди „Ние народите“ им оддаваат признание на оние кои „постигнале големо влијание на светската сцена“, соопшти Фондацијата на ОН.

На Ардерн и беше доделена наградата „Шампион за глобални промени“, како признание за „нејзиното врвно и емпатично лидерство, посветеноста на застапувањето на правата на жените и негувањето на единството и мирот“, се вели во цитатот.

Меѓу другите добитници на наградите беа „Тајм“, поетесата и активистка Аманда Горман, кантавторката Анжелик Киџо, претприемачката Луиз Мабуло и луѓето за итна реакција на ОН.

Ардерн, која минатиот месец беше прогласена за дама, едно од највисоките почести во Нов Зеланд, неочекувано поднесе оставка од премиерската функција во јануари 2023 година, наведувајќи ја исцрпеноста по пет години како лидерка.

Таа сега е покровител на Крајстчерч Кол, кој го воспостави по терористичкиот напад во Крајстчерч во кој загинаа 50 луѓе во 2019 година. Ардерн, исто така, се приклучи на одборот на доверители на наградата Earthshot на принцот Вилијам и моментално пишува книга, а датумот на издавање допрва треба да се одреди./МИА

Почитувани сограѓани Албанци,

22 ноември е историски важен датум за Албанците, но и за македонската држава. Пред 116 години во Битола е унифицирана албанската азбука, чин којшто ја зацврстил јазичната самосвест на албанскиот народ и создал темел за понатамошен културен и цивилизациски прогрес.

Унифицирањето на албанската азбука не е само акт на јазична реформа, туку и симбол на стремежот за еманципација и просветување.

Јазикот создава простор за разбирање, за соработка и за обединување околу идентитетските вредности. Преку него, различностите стануваат богатство, а иднината – можност за индивидуален и колективен раст.

Албанскиот јазик и култура се вградени во нашето социјално ткиво и отвораат простор за меѓусебно разбирање и соживот. Почитувањето на јазичните разлики нѐ прави демократско мултикултурно општество.

Бевме и остануваме пример на посветеност кон зачувување и унапредување на етничката, јазичната, културната и верската разноликост, овозможувајќи образование на мајчиниот јазик во сите степени, како и слободно и достоинствено изразување на колективната меморија и духовност.

Честит 22 Ноември, Денот на албанската азбука!

Гордана Сиљановска Давкова

Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е во слободен пад, па посегнаа по алтернативни методи во Собранието и на помош го повикаа и активираа насилникот и пудлицата на Венко, Димитар Апасиев од Левица.

Филипче во паника и агонија користи нарачано насилство и провокации како единствен начин да го сврти вниманието кон опозицијата во Собранието. Поради тоа СДС го активира насилникот и пудлицата на Венко, Димитар Апасиев.

Примитивни и недолични се обидите на СДС преку нивниот приврзок, Левица и насилникот и пудлицата на Венко, Апасиев да прават драми во законодавниот дом каде наместо цивилизирана и аргументирана дебата, конструктивни и продуктивни решенија нудат дефокус, политиканство и циркус.

Во текот на вчерашниот ден во видео од неколку секунди јавноста имаше можност да ја види целата мизерија на СДС и Левица.

На виделина излезе целиот примитивизам со кој се служи Филипче, а за профилот на политичкиот циркузант и акробациите на насилникот и пудлицата на Венко, Апасиев кој во Собранието јавно навредуваше семејства и деца на пратеници, јавноста може самата да суди.

СДС и Левица се елементарна непогода на политичката сцена. Во современа демократија за која се залага ВМРО-ДПМНЕ нема простор за девијантно однесување, циркузанти, политиканство и деструкција.

Време е во политиката да има поинаков пристап. Време е за идеи, проекти и работа во интерес на граѓаните во Македонија.

ВМРО ДПМНЕ со жалење и разочарување гледа на вчерашниот инцидент во Собранието, осудувајќи ги намерите на поедини пратеници од опозицијата да предизвикаат инцидент.

ВМРО-ДПМНЕ