Забава

Кои се работни занимања од соништата за генерацијата Z?

Некои од наведените дејности ќе ве изненадат

Веб-страницата Class Central посветена за пребарување на онлајн курсеви, спроведе анкета на Инстаграм која ги откри најпопуларните занимања меѓу членовите на генерацијата Z.

Модел, инфлуенсер, личен тренер, уметник...

Според истражувањата, работата од соништата за генерацијата Z е - манекенството. Листата е составена со помош на анализа на користењето „хаштази“ во врска со кариерата на Инстаграм, а манекенството се нашло на врвот на листата со дури 380 милиони објави на социјалната мрежа.

На второ место на скалата е професијата уметник, а потоа фотограф и шминкер, блогер, како и работата во маркетинг.

Пејач, личен тренер, актер, инфлуенсер, стилски блогер, танчар, готвач, писател, „јутјубер“, моден дизајнер, креатор на содржини, спортист, фризер и маникер се занимањата кои влегоа во топ 20=те најбарани меѓу генерацијата Z.

Интересно е што потрадиционалната професија, доктор, е рангирана на 24-тото место со 18,300,000 „хаштази“, работната позиција инженер се најде на 30-тото место со 7,600,000 „хаштази“, занимањето правник е рангирано на 32-тото место со 6,500,000 „хаштази“, а работното место астронаут е на 450-тото место со 2.500.000 „хаштази“.

„Генерацијата Z ја привлекуваат покреативните индустрии“

„Ова истражување покажува дека на генерацијата Z ѝ е попривлечна креативната индустрија, особено онаа што е силно поврзана со социјалните медиуми“, изјави Давал Шах, извршниот директор на Class Central.

Иако генерацијата Z се стекна со репутација дека сака да биде инфлуенсер и јутјубер, оваа студија покажува дека сè уште ѝ се привлечни работните места за кои се потребни практични вештини. На пример, занимањата „стример“ и фудбалер се наведени под занимањата архитект и готвач.

Генерацијата Z ја привлекуваат и традиционалните работни дејности

„Без оглед на вообичаените концепции, истражувањата покажуваат дека генерацијата Z сè уште ја привлекуваат и традиционалните работни дејности. Професиите доктор, медицинска сестра, учител и стоматолог се појавуваат меѓу првите 25“, изјавил извршниот директор на Class central.

„Фасцинантно е да се види како социјалните медиуми влијаеле врз кариерите на помладите генерации и дали традиционални деловни улоги ќе гравитираат пониско на скалата во иднина“, заклучил тој.

Свет

Евакуација на домаќинства во Лондон поради радиоактивен отпад пронајден во вреќи

Отпад за кој се верува дека е радиоактивен е пронајден во вреќи со ѓубре во близина на основно училиште во Хамерсмит, Лондон, што предизвика евакуација на најмалку дванаесет домаќинства.

Дејли Мејл пришува дека сомнителниот радиоактивен отпад го открил работник во градската чистота.

Специјална единица ја блокирала улицата и ги евакуирала жителите од околните домови предупредувајќи ги да не влегуваат на улицата додека не се смири ситуацијата.

Еден од градските работници за чистење, кој се претставил како Џорџ, рекол дека верува оти во домот пред кој бил пронајден отпадот живеела 90-годишна жена која починала, додека машкиот жител бил сместен во дом за стари лица. Тој додаде дека секоја соба во куќата е преполна со работи кои не биле фрлени со години.

-Онесов еден круг ѓубре на депонија и кога го скенираа, ми рекоа дека не можам да ги оставам работите бидејќи се радиоактивни. Не ни знаев што има во нив, имаше толку многу ѓубре. Не знаев што да правам, рече Џорџ.

Еден од полициските службеници кој пристигнал на местото на настанот изјавил дека предметот бил проверен и констатирано е дека е безбеден.

Македонија

Стоилковиќ со честитката по повод 22 Ноември - Денот на албанската азбука

Јазикот, како што посочува вицепремиерот Стоилковиќ, е моќна алатка и идентитет на еден народ. 

Чествувајќи го Денот на албанската азбука уште еднаш ја потврдуваме посветеноста кон негувањето на соживотот во мултиетничкото и мултијазичното општество, напиша вицепремиерот и министер за односи меѓу заедниците Иван Стоилковиќ во честитката по повод 22 Ноември - Денот на албанската азбука.

- Овој ден е потсетник за богатството на различностите и за важноста на зачувувањето на јазичните и културните вредности на сите етнички етнички заедници кои живеат во земјава. Потсетник дека Македонија и понатаму, и покрај фактот што живееме во едно комплексно време, останува пример за заедништво, почитување и заемно разбирање меѓу граѓаните, па затоа чествувајќи го Денот на албанската азбука уште еднаш ја потврдуваме посветеноста кон негувањето на соживотот во мултиетничкото и мултијазичното општество, итакнува Стоилковиќ.

Јазикот, како што посочува вицепремиерот Стоилковиќ, е моќна алатка и идентитет на еден народ.

-Тој е сеопштиот сврзен елемент на сите човечки култури. Алатка која обединува и овозможува напредок, но во исто време и потсетник дека и покрај разликите делиме иста судбина и мораме да градиме заедничка иднина. На сите припадници на албанската заедница им го честитам Денот на албанската азбука, напиша Стоилковиќ во честитката.

Македонија

Честитка од Ахмети по повод Денот на албанската азбука

Али Ахмети го честита 22 ноември: До вчера го напредувавме, денеска мора да го браниме албанскиот јазик 

Претседателот на Демократската унија за интеграција, г. Али Ахмети на сите Албанци им го честита 22 ноември, денот на Конгресот во Битола и азбуката на албанскиот јазик.

„За мене денеска е ден на албанскиот јазик, не само денот на азбуката на нашиот свет јазик и на конгресот во Битола.

Мора да го негуваме и промовираме нашиот древен јазик, да се здружиме и да се ставиме во првите редови на напорите да го заштитиме од секојдневните напади.

До вчера работевме на унапредување на употребата на нашиот јазик, а денес сме во позиција да го штитиме постигнатото.

Националното прашање, јазикот, знамето, унијата и интеграцијата бараат посветеност од мажи и жени-идеалисти и мисионери!

Денеска сум во Швајцарија, покрај нашите иселеници, заедно да ги прославиме албанските ноемвриски празници и уште еднаш да се ставиме на чело на националните процеси, заедно да го заштитиме постигнатото и да одиме напред.

Честит 22 ноември, денот на азбуката на албанскиот јазик!“ пишува Али Ахмети.

ДУИ

притисни ентер