Во врска со денешната изјава на министерот за внатрешни работи Панче Тошковски во однос на можноста за определување мерки за обезбедување против едно осомничено лице во предметот “Адитив”, обвинителството појаснува дека МВР вчера (26.12.2024 година) до Основното јавно обвинителство за гонење на организиран криминал и корупција достави Известување за постапување по сите 77 наредби за претрес издадени од Основниот кривичен суд – Скопје во кое, во точката што се однесува на наведениот осомничен е наведено дека тој во моментот на претресот не бил пронајден на домашната адреса и не бил забележан подолг период од страна на соседите.

Законот за кривична постапка е јасен и дециден во вакви случаи – МВР треба најпрво да го извести судот кој ќе побара од полицијата да ја утврди достапноста на лицето. Доколку притоа се утврди дека лицето е недостапно, судот известувањето на МВР ќе го достави на запознавање во случајов до Основното јавно обвинителство за гонење на организиран криминал и корупција и ќе побара обвинителството да се произнесе во однос на предлогот за определување на мерките на обезбедување.

До денес, Основниот кривичен суд – Скопје нема доставено ваков документ до обвинителството и предметните обвинители не можат прескокнувајќи постапки и институции да носат предлози или одлуки надвор од нивните законски овластувања. Во моментот кога ОЈОГОКК ќе добие известување дека осомничениот е недостапен на органите на прогонот, надлежните јавни обвинители ќе постапат согласно законските надлежности во поглед на мерките за обезбедување.

Островот Бали е прогласен за најромантичното место за одмор во светот, на „Светските награди на патувања 2024“ (World Travel Awards 2024), зацврстувајќи го така својот углед како најдобра дестинација за парови кои бараат незаборавно патување и искуства. Ова, инаку, е првпат дестинација на Индонезија или во Југоисточна Азија да го добие ова признание.

„Редовно рангиран меѓу најдобрите светски туристички дестинации, Бали нуди редок спој на богато културно наследство, неверојатна природна убавина, добри домаќини и широка палета искуства. Познат како 'Островот на боговите', неговата длабоко вкоренета духовност е во остар контраст со современата слика на постојана посетена туристичка точка. Оваа динамика е она што го прави Бали бескрајно фасцинантен и често погрешно разбран“, соопшти организаторот.

Романтичниот шарм на Бали му ја донесе титулата за најдобра дестинација за меден месец, пишува „Трипедвајзор“ (TripAdvisor).

„Ова признание нѐ мотивира да продолжиме да му ја покажуваме убавината на Индонезија на светот и да се погрижиме Бали, заедно со другите дестинации, да блесне уште повеќе“, велат од индонезиското Министерство за туризам.

Тропскиот рај на Индонезија, во трката за таа престижна титула, ги победи Малдивите, Сант Лусија на Карибите и Маурициус. Бали е познат е по своите недопрени плажи, природниот пејсаж и богатото културно наследство, коешто со години го прави омилен остров меѓу туристите и патниците, а и сѐ повеќе љубовни двојки се одлучуваат и за свадби или меден месец тука.

Според шпанските медиуми, Реал Мадрид одлучил да го смени името на својот стадион, поточно да го скрати.

Отсега за комерцијални цели ќе се вика само - „Бернабеу“. Така, без Сантијаго, легендарниот играч и поранешен претседател.

- Засега Реал Мадрид молчи по ова прашање, а промените се забележуваат само во одредени маркетиншки акции. Веб-страницата на стадионот се вика „Бернабеу“, како и официјалниот профил на социјалните мрежи. Обиколката на стадионот се вика „Тур Бернабеу“, а дури и подарокот што клубот го понуди на своите Божиќни состаноци, модел на стадионот, беше крстен без името на Дон Сантијаго. Истото се случува и со рекламите на стадионите или чашите кои се продаваа на концертните денови. Ниту трага од Сантијаго – пишува „Марка“ и додава: - Дефинитивната промена на името би требало да помине на Собрание на акционери, што досега не се случило.