Како што соопшти нејзиниот Кабинет на средбата се разговарало за важноста на односите меѓу дијаспората и матичната држава, со посебен акцент на зајакнувањето на културните, економските и образовните врски.

Сиљановска-Давкова изразила поддршка, почит и благодарност за активностите на ОМД во промовирањето и зачувувањето на македонскиот идентитет и култура ширум светот и ја истакнала посветеноста кон дијаспората и можностите за отворање нови хоризонти за соработка и развој, што ќе се придонесе за зајакнување на македонското присуство и влијание на глобално ниво.

Во тој контекст, претседателката ги претставила своите заложби за формирање Национален совет за соработка со дијаспората, што ќе работи на координирање, конкретизирање и продлабочување на врските со дијаспората во потрага по најдобри решенија за нејзино вклучување во научниот, образовниот, културниот, економскиот и друг развој на државата. Сиљановска-Давкова изразила желба и подготвеност за вклучување на млади од дијаспората во работата на Советот за млади.

Таа ја истакнала важноста на дијаспората за македонското национално ткиво, како негов неразделен дел, амбасадор во САД и неговите политички институции, лобист за македонската кауза и промотор на националната традиција.

На средбата, посочуваат од Кабинетот на претседателката, била изразена поддршка на реализацијата на проекти што ќе ги зајакнат врските на државата со нејзината дијаспора, со акцент на заедничката визија за иднината во која Македонците, без разлика каде живеат, ќе бидат обединети околу заложбите за промовирање на заедничката култура, јазик и идентитет и развојот на матичната држава.

Кабинет на претседател

Артан Груби и Перпарим Бајрами системски краделе од лотарија и ваквиот криминал, од надлежните институции, е документиран и истражен. За неколку месеци од преземањето на власта од страна на ВМРО-ДПМНЕ, документиран е случајот со Државна лотарија и покренати се истражни постапки и кривични пријави.

Криминалот во Лотарија се шири, а Груби и другар му Перпарим злоупотребиле многу повеќе од 8 милиони евра. Во Државна лотарија се договарани тендери за набавка на телевизори, принтери, компјутерска и комуникациска опрема во вредност од над 400.000 илјади евра.

Но, криминалот во овие тендерски постапки за набавка на телевизори и компјутерска опрема лежи во тоа што, иако е потпишан прием за нив, по спроведените проверки и попис не се пронајдени.

За ваквиот криминал, кој имал епидемиски размери и кој по само шест месеци по промената на власта можеше да се документира, истражи и да се процесуира, не е можно да не знаеле СДС.

СДС сигурно знаеле за ваквиот криминал во Лотарија, но ги оставиле Груби и ДУИ да крадат од македонските институции, за што подолго останат на власт и во удобните фотелји.

И сега, кога сиот криминал на Груби, посебно во Лотарија кои СДС го знаеле, излегува на површина, ги нема да го осудат, дистанцираат и да го повикаат да се врати во Македонија и да се соочи со правдата.

СДС, наместо осуда за Губи, ги гледаме секојдневно како смислуваат разно разни приказни и конструкции, но од друга страна пак, тоа е единственото кое што им остана.

Затоа што, Македонија се трансформира и следува одговорност за сите што работеле спротивно на закон, се наведува во партиското соопштение.

Причината за смртта се уште не е позната, но потврдено е дека тој починал вчера попладне. Веста е објавена на Инстаграм со порака: „Со големо жалење ја објавуваме смртта на саканиот син, брат, пријател и боксерски шампион Пол Бамба, чија љубов и светлина допреа многу животи“.

Бамба минатиот викенд ја освои златната титула на WBA Gold Cruiserweight со победата над Рохелио Медина Луна и постигна рекорд во кариерата од 19 победи и три порази. Тој имаше одлична година во 2024 година каде забележа 14 победи, сите со нокаут, соборувајќи го рекордот на Мајк Тајсон од 13 нокаути за 12 месеци. По неговата последна победа, Бамба го предизвика Џејк Пол на борба.

„Џејк, можеш да дојдеш, можеш да се бориш или можеш да продолжиш да лажираш борби. На крајот на денот, јас си ја завршив работата. Можеш да кажеш дека боксот го сфаќаш сериозно и направи многу пари, но не си заработил почит во боксот“, изјави Бамба пред неколку дена.

Пол Бамба требаше да се бори со Томи Фјури, полубратот на Тајсон Фјури, во 2020 година во Дубаи, но борбата потоа беше откажана бидејќи Фјури имаше проблеми со тежината. „Тој беше борец со голема самодоверба и непоколеблива амбиција да постигне врвни резултати.“

Но, пред сѐ, тој беше неверојатен човек кој инспирираше многумина. Ние сме уништени од неговата смрт и љубезно бараме приватност и разбирање во овој тежок момент додека тагуваме заедно“, се заклучува во објавата.