Вечерва во „Само Вистина“ дебатираа Орце Ѓорѓиевски и Горан Герасимовски

Ѓорѓиевски: Во Македонија е јасно на која страна се граѓаните. Герасимовски: Многу е рано да се говори за анкети и предизборни резултати.

Ѓорѓиевски: Собранието треба да е лулка на демократијата, тоа што денеска беше оштетено внатре е државен имот, повторно ќе треба да се надомести со парите на граѓаните. Лош чекор е без разлика од која политчка партија сте. На таков начин да водите политика не е добро, за осуда е чинот, тоа се ситни политички поени. Не сме политичари до 16 век, во услови не предизборие се собираат ситни поени. Во однос на хигиената сите треба да постапуваме совесно, но со тројца или петмина вработени хигиеничари не е возможно да се исчисти смет направен од шеесет илјади жители. Не се базирам на анкети, но сум често меѓу граѓаните, претпоставувам дека на СДСМ ќе му биде земено она што им беше дадено изминатите седум години, бидејќи не покажаа резултати. Во Македонија е јасно на која страна се граѓаните.

Герасимовски: Невкусно во храмот на демократијата да се случува кршење предмети и недолично однесување. Гласот може да се искаже на друг начин, не преку насилство, а на сметка на парите на граѓаните. Во пресрет на пристигање на навивачите на Англија целото подрачје во Ценатр е исчистено. Во ова време не ги оправдувам зголемувањата на платите, но со судска одлука се стори покачувањето, сега има и работни групи кои треба да го разгледуваат тоа покачување и со законски измени да се намалат бодовите за да се намали таа плата. Многу е рано да се говори за анкети и предизборни резултати. Во предизборието очекувани се директни или индиректни напади, тоа е дел од играта на политичките партии во пресрет на изборите.

Погледнете ја вечерашната емисија „Само вистина“:

Курти ѝ се пожалил на американската државна потсекретарка за заканите од Србија кон Косово

Курти ја изрази својата загриженост поради постојаните закани на Србија кон косовската држава.

Косовскиот премиер, Албин Курти на денешната средба со потсекретарката за јавна дипломатија на Стејт департментот на САД, Елизабет Ален, која престојува во Косово, ја изрази својата загриженост поради постојаните закани на Србија кон косовската држава, јави дописникот на МИА од Приштина.

Како што соопшти владината служба за информирање, Курти на средбата со Ален рекол дека „авторот и водач на терористичката и паравоена српска група“, која го изврши нападот во Бањска во северно Косово во септември минатата година, Милан Радоичиќ, сè уште е на слобода во Србија.

Косовскиот премиер изразил и жалење што барањето на Косово за членство во оваа институција не е ставено на агендата на Комитетот на министри на Советот на Европа за 17 мај.

„На средбата се разговараше и за односите меѓу Косово и Србија и за процесот на дијалог со посредство на Европската унија. По ова прашање премиерот Курти ја истакна важноста од целосно и безусловно спроведување на основниот договор и неговиот анекс. Во однос на патот на Косово кон евроинтеграциите, премиерот Курти изрази жалење што Комитетот на министри на Советот на Европа одби да го вклучи Косово во агендата за гласање на 17 мај, со оглед на тоа што Косово ги исполни сите критериуми за членство“, се вели во соопштението од кабинетот на премиерот.

Во текот на разговорот, Курти ја запознал Ален со „случувањата во земјата, напредокот во владеењето на правото, социјалните политики кои ги поддржуваат жените и децата, реформите во образованието со цел поврзување на образованието со пазарот на трудот, како и политиките и инвестициите во енергетиката“.

Курти изјави дека САД се сојузник и историски партнер на Косово и очекува зајакнување на меѓусебните односи во иднина, особено на полето на економијата и трговијата.

Пред да се сретне со Курти, американската дипломатка, Ален претпладнево се сретна и со претседателката на Косово, Вјоса Османи, со која потпиша договор за разбирање меѓу владите на САД и Република Косово, против манипулациите со информации од други држави. /МИА

Идентификувана точната локација на падот на хеликоптерот Раиси

 Командантот на Корпусот на Исламската револуционерна гарда (ИРГЦ) во Источен Азербејџан, Асгар Абасголизадех изјави дека ИРЦГ откриле сигнал од хеликоптерот и од мобилен телефон на еден од екипажот на местото на инцидентот.

- Во моментов, заминуваме со сите воени сили во областа и се надевам дека ќе им дадеме добри вести на луѓето, посочи Абасголизадех

Претходно, иранскиот заменик-претседател за извршни работи Мохсен Мансури изјави дека двајца патници од хеликоптерот со кој патуваше претседaтeлот Ебрахим Раиси, комуницирале со спасувачките сили.

Мансури истакна дека тоа значи оти несреќата најверојатно била со помал интензитет. /МИА

Се зголемува бројот на земји кои му нудат помош на Иран во потрагата по хеликоптерот на Раиси

Саудиска Арабија изрази подготвеност да обезбеди каква било помош за Иран по уривањето на хеликоптерот со кој патуваше иранскиот претседател Ебрахим Раиси.

Во соопштението до саудиското Министерство за надворешни работи се наведува Кралството ги следи извештаите за несреќата со „голема загриженост“.

И Катар соопшти дела е подготвен да му помогне на Иран во потрагата по хеликоптерот.

Во меѓувреме и турското Министерство за надворешни работи соопшти дека Иран „побарал техничка поддршка во потрагата“ и оти се разговара каква помош би можела да биде испратена што е можно поскоро.

- Се надеваме дека иранските власти, вклучително и иранскиот претседател Ебрахим Раиси и министерот за надворешни работи, Хосеин Амирабдолахиан, се здрави и здрави, се посочува во соопштението на турското МНР.

Претходно, Европската комисија на барање на Иран ја активираше услугата за сателитско мапирање за да помогне во лоцирањето на хеликоптерот на иранскиот претседател. Помош на Иран му понудија и Русија, Ирак и Азербејџан. /MИА

притисни ентер