Од МВР во Магдебург потврдија дека едно полициско возило не било на предвидената локација, пишува ДВ.

Според Министерството, во моментот на нападот, полициски возила биле распоредени на четири конкретни точки околу божиќниот базар. Меѓутоа, едно возило било лоцирано во такси просторот на Ернст-Ројтер-Але, што не е во согласност со полицискиот распоред. Причината за ова несовпаѓање ќе биде предмет на понатамошна истрага.

Се разговара и за прашањата на безбедносниот план на организаторите на божиќниот базар. Фокусот е на она што го предвидувал планот за заштита на саемот, вклучително и техничкото обезбедување на излезите за евакуација и рутите за спасувачките тимови. „Се истражува дали организаторот ги спровел овие мерки и ако не, зошто не“, се наведува.

Министерството објави и дека е поднесена кривична пријава против градот Магдебург и полициската управа во Магдебург. „Така, безбедносниот план на организаторите на саемот и полицискиот оперативен план, како и нивното спроведување, би можело да стане предмет на кривична истрага. Во тој случај, полициската истрага би ја презела полициската управа Хале (Зале), доколку има потреба.“

Следниот понеделник Комисијата за внатрешни работи на Бундестагот ќе го разгледува случајот со нападот на божиќниот базар во Магдебург. Сојузната канцеларија за криминалистички истраги (БКА) и МВР планираат дотогаш да ја претстават хронологијата на случајот поврзан со напаѓачот.

Според ДПА, откако безбедносните служби ги информирале претставниците на Бундестагот, сојузната министерка за внатрешни работи Ненси Фезер (СПД) и шефот на БКА, Холгер Минх, на парламентарците им ветиле преглед на сите информации за овој случај. Целта е да се разјасни кои институции во кој момент имале информации за напаѓачот Талеб А. и како реагирале на таа информација.

Се вели дека властите во најмалку шест сојузни провинции биле во контакт со напаѓачот. Сега сите информации ќе се комбинираат за да се добие целосна слика за случајот.

Германската министерка за внатрешни работи Ненси Фезер најави дека ќе обезбеди целосна транспарентност во врска со нападот на божиќниот базар во Магдебург. На прашањето дали безбедносните служби можеле да го спречат нападот, Фезер изјави за Funke Mediengruppe: „Тоа ќе биде детално испитано во текот на истрагата. Секој детал ќе биде проверен и ќе се обезбеди целосна транспарентност“.

Фезер ја предупреди АфД против обидите да се инструментализира овој случај. „Секој обид да се искористи таков ужасен чин за политички цели и да се злоупотреби страдањето на жртвите е одвратен“, рече таа, додавајќи дека таквите потези го откриваат карактерот на оние што го прават тоа.

По нападот, АфД во понеделникот организираше протест во Магдебург, на кој, според полицијата, присуствувале околу 3.500 луѓе. Претседателката на АфД, Алис Вајдел, го коментираше напаѓачот Талеб А., велејќи дека „оној што ги презира граѓаните на земјата што му дава азил не ни припаѓа нам“. За време на митингот, толпата извикуваше „Депортација! Депортација!“

Напаѓачот, кој е во притвор, во петокот вечерта со својот џип влета на божиќниот базар во главниот град на германската покраина Саксонија-Анхалт. Во нападот загинаа пет лица, а повеќе од 200 беа повредени. Истрагата за мотивите на напаѓачот, доктор по потекло од Саудиска Арабија, кој во Германија дошол во 2006 година, се уште трае.

Според досегашните информации, напаѓачот во последно време на социјалните мрежи објавувал сѐ порадикални и исклучени ставови. Во едно неодамнешно интервју, тој се опишал себеси како обожавател на Илон Маск и обожавател на АфД, тврдејќи дека ги споделува нивните цели, но во исто време изјавил дека е политички левичар.

Министерката за внатрешни работи, Ненси Фезер, уште еднаш ја истакна важноста од расветлување на овој случај: „Правиме сѐ за да се расветли оваа трагедија. Жалиме за жртвите и мислиме на нивните семејства.“ Фезер нагласи и дека во болниците се прават максимални напори за помош на тешко повредените. Таа изрази посебна благодарност до првите што реагираа на местото на несреќата и до сите војници кои се соочија со тешките предизвици и покажаа исклучителна храброст.

Пожар избувна во блокот 1200 на улицата Саут Хоуп, при што 17 противпожарни служби се борат со огнот, објави Си-Би-Ес.

Се очекува гаснењето на пожарот да потрае, а додека гаснењето продолжува тој дел од градот е затворен за сообраќај.

Видео кое кружи на социјалните мрежи покажува дека целата зграда гори, додека чад се издига високо кон небото.

BREAKING VIDEO: Firefighters battling massive fire at four story vacant building in downtown Los Angeles, California. #Breaking

pic.twitter.com/5pTxKBRhXU

— Breaking News Video (@BreakingAlerter) December 26, 2024

„На возачите им се препорачува да го избегнуваат овој дел од градот, соопшти противпожарната служба.

За среќа, во пожарот нема повредени.

Европјанин се станува со владеење на правото, со либерална економија, со борба против корупција и криминал, е сега почнуваат да излегуваат на виделина неверојатни нешта, за оние пред нас, изјави претседателката Гордана Сиљановска Давкова во „Само интервју“ на Канал 5 телевизија.

Според неа, формализирањето на европеизацијата ништо не носи и ако беа уставните промени гарант за европеизација, ние сега ќе претседававме со ЕУ. Таа смета дека во реалноста ниту Албанија, ниту Црна Гора се понапред од нас, а тоа, вели, го покажал и скрининг процесот.

-Триесет и шест амандмани за 30 години, крајно време е да ги мериме потезите. Јас не мислам дека доколку ние посегнеме по реформи, доколку ние си ги остваруваме Копенхагенските критериуми дека многу ќе изгубиме, ниту пак мислам дека ако речеме ајде и сега и уставни измени, па тоа е малку и спорно, бидејќи навредливо за пратениците да го менуваат Уставот по којзнае кој пат. Па тие ги претставуваат граѓаните. Ако 80 проценти од граѓаните имаат проблем со ваквиот начин на отварање на преговорите, јас морам да внимавам на легитимитетот, мене не ми извира легитимитетот од меѓународната заедница, туку од граѓаните. Јас не знам колку пати во Парламентот, а и било каде сме укажувале дека процедурата е гаранција за демократија. Не може некој да ја киднапира државата, да си ја присвои државата, тоа се случуваше, нагласи Сиљановска Давкова.

Претседателката истакна дека односот на ЕУ кон нас ќе се смени ако ние навистина опстоиме на реформите.

-Европската Унија покажала кретативност кога требало, може да посегне и сега по некое креативно решение, а мислам дека тоа ќе биде гаранција дека ќе биде загрозен процесот на проширување. И нема да остане овој преседан инспиративен за другите. Бидејќи веќе слушаме и од нашите соседи и од други, дека оваа приказна не е завршена, вели таа.

Сиљановска во однос на Реформската агенда за Планот за раст, вели дека имаме подобра легислатива од сите други во поглед на хармонизацијата на закободавството, а имаме и една од најдобрите оценки за Планот за раст.

-Мора да манифестирате политичка волја штом сте ја направиле агендата, интересно е што во случајот се работи за заедничко чекорење. Бидејќи и парите се врзуваат за успесите, тоа ве стимулира и на некој начин точно се предвидени активностите во институциите. Досега не сме имале таква прецизирана агенда, рече претседателката.

Во однос на уставните измени, Сиљановска Давкова повтори дека за тоа е неопходно двотретинско мнозинство.

-Претходната власт не убедуваше дека го има потребното мнозинство дури и дека прогресивни пратеници од опозицијата ќе застанеле зад нивните мудри одлуки. Тие тогаш ги прифатија, без да имаат согласност од опозицијата, затоа не може тоа така, да не зборувам за граѓаните... Претседателот на Собранието тоаш наспроти непочитување на процедурата за уставни измени, си тераше по свое, рече Сиљановска Давкова.