Регион

Уaпсени осум лица и запленето оружје во рацијата во северно Косово по нападот врз каналот

Уaпсени осум лица и запленето оружје во рацијата во северно Косово по нападот врз каналот Ибар-Лепенец.

– Косовската полиција уапси осуммина осомничени и заплени оружје, вклучително и експлозиви и друга воена опрема, по опсежната операција, ден по експлозијата во каналот Ибaр-Лепенeц во северно Косово, јави дописникот на МИА од Приштина.

Министерот за внатрешни работи на Косово, Џељаљ Свечља и главниот командант на косовската полиција, Газменд Хоџа, на вечерашната конференција за медиумите, одржана во кампот на специјалните полициски сили во јужна Митровица, изнесоа детали за денешната акција, а го презентираа и запленетото оружје.

Свечља рече дека експлозијата во каналот Ибар-Лепенец, кој снабдува делови од земјата со вода, а служи и за ладење на турбините за главниот енергетски комбинат во земјата, термоцентралите Косова1 и Косово2, е „најтешката против критичната инфраструктура на земјата од војната во Косово“ во 1998-1999 година.

„Овој терористички напад не е обичен напад, туку е координиран од терористички организации... Целта беше да се нанесе максимална штета на државата Косово и нејзините граѓани“, рече Свечља.

Косовските безбедносни власти, вклучително и Косовската разузнавачка агенција, спроведоа опсежна операција во саботата на 10 локации во северно Косово, во областа, неселана со мнозинско српско население, во која се случи нападот.

„Контролата резултира со заплена на арсенал на оружје и муниција, експлозиви, разновидна опрема, вклучително и стотици униформи и воена опрема. Тие ќе послужат како доказ за овие кривични дела“, рече Свечља.

Директорот на косовската полиција, Газменд Хоџа на заедничката прес-конференција со министерот за внатрешни работи, рече дека во нападот на каналот Ибер-Лепенец бил употребен експлозив до 20 килограми.

„Врз основа на истрагите на местото на настанот, постои сомневање дека за извршување на овој терористички напад било употребено поголемо количество експлозив - меѓу 15 и 20 килограми. Експлозивот бил ставен во црна кеса и се активирал со механички детонатор, преку бавно горечки фитил“, изјави Хоџа.

Од полицијата велат дека експлозијата предизвикала големи штети, поради што во многу области и локалитети е прекинато снабдувањето со вода за пиење.

Свет

Трамп: Кинески војници илегално управуваат со Панамскиот канал

Новоизбраниот американски претседател Доналд Трамп го избра Кевин Марино Кабрера за амбасадор во Панама, откако тој се закани дека повторно ќе воспостави американска контрола врз Панамскиот канал, кој ѝ го предаде на Панама пред 25 години.

Трамп рече дека Кабрера бил многу важен во поттикнувањето на економскиот раст и поттикнувањето на меѓународните партнерства. „Малкумина ја разбираат политиката во Латинска Америка како Кевин. Тој ќе заврши фантастична работа застапувајќи ги интересите на нашата земја во Панама“, напиша Трамп во објавата на платформата Truth Social.

Во неделата, Трамп се закани дека повторно ќе воспостави американска контрола над Панамскиот канал, со кој САД управуваа со децении пред да и го предадат на Панама во 1999 година. Трамп рече дека централноамериканската земја, со која САД имаат дипломатски односи од 1903 година, „ја краде Америка на Панамскиот канал во незамисливи размери“.

Тој ги обвини кинеските војници дека незаконски управуваат со каналот и „секогаш се грижат САД да вложат милијарди долари во фондот за поправка без да имаат улога на одлучување“.

Панамскиот претседател Хозе Раул Мулино рече дека Кина нема никакво влијание врз управувањето со каналот, додавајќи денеска дека нема кинески војници во каналот. „До Бога, нема кинески војници, светот е слободен да го посети каналот“, рече тој во денешниот говор.

Кина не го контролира ниту управува со каналот, но подружницата на CK Hutchison Holdings со седиште во Хонг Конг долго време управува со две пристаништа на влезот на каналот на Карибите и Пацификот.

Свет

Шефот на СЗО бил на аеродромот во Јемен за време на израелски напад, итно се обрати до јавноста

Шефот на Светската здравствена организација (СЗО) рече дека бил на јеменскиот аеродром во Сана кога бил погоден од израелски воздушни напади.

Тедрос Аданом Гебрејесус рече дека требало да се качи на лет од Сана со персоналот на ОН и СЗО кога „аеродромот бил бомбардиран од воздух“.

„Еден од членовите на екипажот на нашиот авион е повреден. Најмалку две лица загинаа на аеродромот“, рече тој.

Тој додаде дека биле оштетени кулата за контрола на летање, салонот за поаѓање, кој бил на неколку метри од него и пистата.

Свет

Шокантен пресврт во истрагата за причините за падот на патничкиот авион во Казахстан

Истрагата во Казахстан не покажала дека азербејџанскиот патнички авион што се урна вчера бил соборен од руската авијација, изјави сообраќајниот обвинител на областа Мангистау, Абилајбек Ордабаев.

„Истрагата во Казахстан не доведе до заклучок дека руската воздушна одбрана го соборила азербејџанскиот авион“, рече обвинителот.

Властите на Казахстан изјавија и дека „ниту може да се потврди, ниту да се негира дека руската воздушна одбрана го соборила азербејџанскиот авион“. Најавено е дека и денеска не можат да дадат официјално објаснување за тоа што се случило, пренесе Ројтерс.

Од друга страна, како што јави Јуроњуз, повикувајќи се на извори од азербејџанската влада, прелиминарната истрага покажала дека руска ракета земја-воздух го предизвикала соборувањето на авионот на Азербејџан ерлајнс во Казахстан.

Според изворите, проектилот бил истрелан кон летот 8432 за време на воздушната активност на беспилотни летала над градот Грозни, а шрапнели ги погодиле патниците и екипажот во кабината откако дронот експлодирал покрај авионот среде лет.

Владини извори за Euronews изјавија дека на оштетениот авион не му било дозволено да слета на ниту еден руски аеродром и покрај барањата на пилотот за итно слетување и му било наредено да прелета преку Каспиското Море до градот Актау во западен Казахстан.

Според податоците, GPS навигациските системи на авионот биле заглавени во текот на целата патека на летот над морето.

Ракетата била истрелана од системот за противвоздушна одбрана Pancir-S, објави весникот „AnewZ“, повикувајќи се на извори од азербејџанската влада.

Меѓу жртвите има и државјани на Русија, како и оние од соседните земји, јавува Јуроњуз.

Авион на Азербејџан ерлајнс летал од главниот град Баку за Грозни кога излетал од курсот и се урнал вчера додека се обидувал принудно да слета во близина на градот Актау во Казахстан откако го прелетал Каспиското Море.

Во Азербејџан денеска е прогласен Ден на жалост поради авионската несреќа во која загинаа 38 лица, а 29 преживеаја, додека причината за авионската несреќа сѐ уште не е позната.

притисни ентер