Македонија

Суљејмани: За враќање на Груевски, претставници на ДУИ, СДСМ и Пендаровски се сретнале во март

Дритон Суљејмани од „Влен“ на денешната прес-конференција нагласи дека за враќање на поранешниот премиер Никола Груевски од Будимпешта во март во Вила Водно се сретнале претставници на ДУИ, СДСМ и поранешниот претседател на државата Стево Пендаровски

-Високи експоненти на ДУИ оркестрираа враќање на поранешниот премиеро Никола Груевски во Скопје. Ова партија т.н. албанска, тивко работеше за враќање на теророт на Албанците – Груевски, само да го продолжи нејзиното владеење. Сега се обидуваат да го покријат нивниот неуспешен план, но ние ќе зборуваме гласно додека секој граѓанин каде и да живее не ја разбира горчливата вистина што се крие зад амблемот на оваа партија. Во Вила Водно имаше средба за враќање на Груевски. На оваа средба што се одржа во март учествуваа Стево Пендаровски, Димитар Ковачевски, Али Ахмети, Бојан Маричиќ, Артан Груби и Бујар Османи. Али, кој има толкава носталгија за Никола Груевски кој толку многу и нанесе зло на Албанците, нагласи дека истиот може да се врати на два начини, и тоа преку помилување од претседателот на државата или преку „нашите луѓе“ како што кажуваат тие во судовите, рече тој.

Како што кажа Суљејмани, Ахмети и ДУИ за да го спроведат својот план за ослободување на Груевски вршеле силен притисок врз Врховниот суд, но тука наидоа на отпорот на претседателката на овој суд Беса Адеми против која подоцна беше покрената иницијатива за разрешување како резултат на непослушност кон наредите.

-„Влен“ веќе два дена јавно го прашува ДУИ и Али Ахмети зошто сета ова носталгија за Никола? Што ве спојува вас? Што ви сторија Албанците за да им го вратите Груевски? Али не молчи. Излези и кажи им на Албанците какви случаи си планирал да монтираш заедно со Груевски, со тоа што ги жртвуваш Албанците? Албанскиот народ и целата држава очекува одговорност. Нема начин да се избегне правдата, која ќе допре до вас и до сите оние кои ја злоупотребиле својата моќ. Заврши времето на политички игри. Албанците бараат правда, вистината и крај на скандалите кои ја втурнаа оваа земја во мрак, потенцира Суљејмани.

Македонија

Јанчев: Светнаа споменикот и бистите на 12 Ваташки младинци во Моклиште

Светнаа споменикот и бистите на 12 Ваташки младинци во месноста Моклиште, соопшти првиот човек на Општина Кавадарци, Митко Јанчев.

Во рамките на проектот ,,Реконструкција и доградба на постоечката надземна мрежа за улично осветлување’’ одделението за улично осветлување при Општина Кавадарци постави ново улично осветлување на м.в ,, 12 Ваташки младинци’’ во месноста Моклиште, нови енергетско ефикасни светилки со подобра илуминација.

Се осветлија 12 бисти со 12 рефлектори поставени на земја и споменикот со дополнителни 8 рефлектори исто поставени на земја!

Дел од тендерот за нови нисконапонски инсталации за улично осветлување, со вкупна вредност од 65 милиони денари, соопшти градоначалникот на Општина Кавадарци, Митко Јанчев.

Нова патека во Општина Кавадарци за сите кои уживаат во пешачењето

„Интензивно се работи на новата велосипедско пешачка патека Глишиќ – Марена во должина од 854 метри. Инвестицијата од 10.000.000 денари е на Општина Кавадарци, а изведувач на работите е фирмата Градба Промет.

Кавадарци за сите“, соопшти градоначалникот на Општина Кавадарци, Митко Јанчев.

Свет

Тајани: Г7 бара заеднички став за налогот на МКС за апсење на Нетанјаху

Шефот на италијанската дипломатија, Антонио Тајани, изјави дека групата Г7, со која годинава претседава Италија, бара заеднички став за налогот на Меѓународниот кривичен суд (МКС) за апсење на израелскиот премиер Бенјамин Нетанјаху.

Покрај Нетанјаху, пред МКС се обвинети и поранешниот израелски министер за одбрана, Јоав Галант, како и лидерот на военото крило на Хамас, Мохамед Диаб Ибрахим ал-Масри.

-Мора да бидеме обединети за ова прашање, рече Тајани на почетокот на состанокот на министрите за надворешни работи на Г7.

САД, кои се дел од Г7, во првичната реакција ја отфрлија одлуката на МКС. /МИА

Свет

Русин осуден на 14 години затвор за испраќање видеа од руската армија на Украинци

Рускиот државјанин Никита Журавел денеска беше осуден на 14 години затвор откако беше прогласен за виновен за велепредавство за наводно испраќање видео од руската војска до украинските разузнавачки служби.

Окружниот суд во Волгоград соопшти дека Журавел „не се согласува со политиката на Руската Федерација“ и дека преку интернет се допишувал со претставник на украинските безбедносни служби и извршувал задачи за него.

Обвинителите изјавија дека Журавел снимил воз полн со воена опрема и воени авиони во 2023 година, а потоа го испратил видеото до претставник на украинската агенција за безбедност.

Журавел веќе отслужува казна од три и пол години за палење на Куранот пред џамијата што му беше изречена во февруари.

Активистите за човекови права велат дека Журавел е политички затвореник и дека бил претепан додека бил во притвор.

Тој беше претепан од 15-годишниот син на Рамзан Кадиров, лидерот на Чеченија. Кадиров дури објави видео на социјалните мрежи и го пофали својот син, што предизвика гнев во јавноста.

Бројот на судења за предавство и шпионажа нагло се зголеми во Русија откако претседателот Владимир Путин влезе во војна со Украина во февруари 2022 година.