Свет

Судот во Њујорк следната недела решава за пресудата против Трамп по аферата со порно ѕвездата

Судот во Њујорк следната недела ќе одлучи дали ќе ја отфрли пресудата против новоизбраниот американски претседател Доналд Трамп во случајот за фалсификување деловни документи, поврзани со аферата со порно актерката Сторми Даниелс.

Судијата на Менхетен, Хуан Меркан, следната недела ќе одлучи дали ќе го прифати барањето на Трамп, кое го поднесе пред изборите, за отфрлање на оваа пресуда, јавува Би-Би-Си.

Во мај, поротата во Њујорк го прогласи Трамп за виновен за фалсификување деловни досиеја, што произлегува од обидот на Трамп да ги прикрие надоместоците на неговиот поранешен адвокат Мајкл Коен, кој ѝ платил на Сторми Даниелс во 2016 година да молчи за наводната сексуална врска со Трамп.

Адвокатите на Трамп тврдат дека неодамнешната одлука на Врховниот суд на САД со која на претседателите им се доделува одреден степен на имунитет од гонење се однесува на одредени аспекти на овој случај, и затоа обвинението и осудата треба да бидат отфрлени.

Обвинителството тврди дека Трамп со фалсификувањето на овие документи всушност сакал да го прикрие своето влијание врз изборната кампања во 2016 година, односно да ја намали штетата што би била предизвикана од обелоденувањето на наводните афери.

Во текот на судењето, судијата Меркан не ги прифати аргументите на адвокатите на Трамп дека овој случај треба да биде отфрлен врз основа на неговиот претседателски имунитет.

Судењето се одржа неколку месеци пред претседателските избори претходно оваа недела, и пред Трамп да извојува убедлива победа над демократите.

Доколку судијата ја отфрли осудителната пресуда, случајот завршува таму, но доколку одлуката биде спротивна, пресудата ќе се изрече на 26 ноември.

Експертите тврдат дека има мали шанси за изрекување казна поради обврските на Трамп поврзани со транзицијата во Белата куќа пред инаугурацијата во јануари, како и сложеноста на изрекувањето на казната на актуелниот претседател.

„Мислам дека најверојатниот исход во овој случај е судијата да го одложи изрекувањето на казната до крајот на мандатот на Трамп“, рече Даниел Чарлс Ричман, професор на Правниот факултет во Колумбија.

Свет

Загина озлогласен руски генерал, чии трупи измачувале заробеници

Генерал-мајор Павел Клименко (47), командант на Петтата специјална моторизирана бригада, загинал на фронтот во Украина.

Како што јави „Радио Слободна Европа“ (РСЕ), неговите сестри ја потврдија смртта на рускиот командант и тој е осмиот генерал на армијата на Руската Федерација, кој загинал од почетокот на инвазијата на Украина во февруари 2022 година.

Деталите за неговата смрт не се официјално соопштени, а британски „Сан“ наведува дека генералот Клименко возел мотор недалеку од линијата на фронтот кога бил цел на беспилотно летало камиказа на Вооружените сили на Украина.

Генералот Клименко бил ранет во тој напад и итно бил префрлен во болница во Доњецк, каде подоцна им подлегнал на повредите. Тој, наводно, ги проверувал контролните пунктови и набљудувачките пунктови кога бил погоден.

Украинските медиуми јавуваат дека генералот Клименко командувал со бригадата во Доњецк, позната по логорите за мачење. Во тие логори затворениците биле мачени и изгладнувани, а повеќе личеле на неформални затвори.

Тие често вклучувале руски војници кои морале да им дадат на генералот и неговите соработници дел од надоместокот што го добивале како резултат на ранетите на фронтот.

Во исто време, генералот Клименко е познат и по испраќањето руски војници во сигурна смрт во таканаречените бранови напади врз украинските позиции попознати како „мелници за месо“.

Тој бил унапреден во чин генерал-мајор пред шест месеци. Според непотврдени информации, по смртта на генералот, неговите соборци го разнеле неговото тело за да ги прикријат трагите од успешниот украински напад.

Регион

Протести во Нови Сад: Приведени активистки, блокиран мост (ВИДЕО)

Демонстрантите во Нови Сад вечерва го блокираа сообраќајот преку Варадински мост.

На протестот, кој треба да трае до полноќ, насобраните повикаа уште еднаш да се утврди одговорноста на сите одговорни за трагедијата на станицата во Нови Сад во која загинаа 14 лица, а тројца се тешко повредени, пренесе Индекс.

Во блокадата на Варадинскиот мост во Нови Сад учествуваат околу 1.500 луѓе кои бараат одговорност за трагедијата на станицата, јавува репортер на агенцијата Бета.

Неколку претставници на опозицијата и некои активисти и новинари се пред полициската станица Стари град во Нови Сад. Претходно приведените активистки Мила Пајтиќ и Доротеја Антиќ наводно ги нема, иако Антиќ пред неколку часа стапила во контакт со нејзиниот татко и му ја дала таа адреса.

Барањата се исти како и на протестот одржан во Нови Сад во вторник. Се бараат оставки од градоначалникот на Нови Сад, Милан Ѓуриќ и премиерот Милош Вучевиќ, како и отстранување на ознаката за тајност од договорот за реконструкција на станицата.

Шоу биз

Мадона јасно покажа дека не го сака Трамп: Се прејадов (ФОТО)

Победата на Доналд Трамп на претседателските избори во САД налути многу ѕвезди, меѓу кои и Мадона, која сподели со своите следбеници дека јадела торта со натпис „ Fuck Trump“.

„Изедов премногу“, напиша таа покрај фотографијата од тортата што ја објави во нејзината приказна на Инстаграм. После тоа, 66-годишната пејачка објави приказна во која размислува за неговата победа.

„Се обидувам да сфатам зошто осуден криминалец, силувач, фанатик е избран да ја води нашата земја. Затоа што е добар за економијата?“ напиша таа.

Во пресрет на изборите, Мадона ја поддржа американската потпретседателка и демократска кандидатка Камала Харис и на Инстаграм објави дека се враќа дома од Париз за да гласа.

„Париз беше многу забавен! Беше тешко да се напушти, но морав да одам дома за да гласам за Камала Харис. Претседателка!“ напиша таа минатиот четврток.

Покрај Мадона, Камала ја поддржаа и Тејлор Свифт, Бијонсе, Џенифер Лопез и Карди Би, која исто така го сподели своето незадоволство од резултатите на американските избори.

притисни ентер