Други спортови

Скопје подготвено за Светското воено првенство во борење

Македонија од 19 до 25 септември е домаќин на 31. Светско воено првенство во борење на кое ќе учествуваат над 400 спортисти од 32 земји од четири континенти.

- Ова е најголемиот спортски настан годинава и ние сме целосно подготвени. Очекуваме врвни резултати како од учесниците од земјите, така и од претставниците на Република Македонија, истакна државниот секретар во Министерството за одбрана, Елизабета Чуповска Ристова, која е и претседател на Организацискиот одбор на првенството, на денешната прес-конференција во ВИП Арената „СЦ Борис Трајковски“.

Таа нагласи дека реализацијата и организацијата на Светското воено првенство во борење е доказ дека Министерството за одбрана и АРМ се посветени на развојот и негувањето на спортот на припадниците на АРМ.

Македонија, посочи, има голема традиција во овој спорт и затоа сме задоволни што ни се укажа можноста да бидеме домаќини на ова светско натпреварување.

Заменик-началникот на ГШ на АРМ, генерал-мајор Мухамет Рацај додаде дека спортските активности се од голема важност за одржување на здравјето и подобрување на индивидуалната физичка подготвеност и издржливост во армиите.

- Овие натпревари се и прилика за стекнување на нови пријателства, како и за продлабочување на меѓусебното почитување и соработка, рече генералот Рацај.

Техничкиот директор на Светското првенство, Трајче Димков, информираше дека иако станува збор за воено првенство, важат сите правила и прописи на Светската борачка федерација. Тој додаде дека натпреварите ќе се одржат во Вип Арената и Вип мала сала кои се наоѓаат во комплексот на Спортскиот центар „Борис Трајковски“ и дека на првенството ќе бидат застапени два стила: слободен и грчко-римски.

За квалитетот на военото првенство говори и фактот дека 19 натпреварувачи биле дел и од олимписките игри во Рио, годинава, а неколкумина се и носители на златни медали од олимписките игри и светските првенства. Република Македонија ќе биде претставена од 18 припадници на Армијата, а дополнително од земјата учество ќе земат и три судии и два тренера.

Македонија

Командантот на украинската армија вели дека ситуацијата на фронтот се „влошува“

Главниот командант на вооружените сили на Украина денеска објави дека позицијата на Киев на фронтот е влошена и дека Русија постигнала голем број придобивки на бојното поле.

„Ситуацијата на фронтот се влоши“, наведе Олександр Сирски во објава на Фејсбук.

Тој додава дека Русија „напаѓа по целата линија на фронтот“ и постигнала „тактички успех во некои сектори“.

Фудбал

Баришиќ пред трансфер во Трабзон

Хрватскиот фудбалер Борна Баришиќ на лето би можел да ги засили редовите на турски прволигаш Трабзонспор во чиј редови настапува македонскиот капитен Енис Барди.

Договорот на хрватскиот репрезентативец од редовите на Глазгов Ренџерс истекува на лето, а се погласни се шпекулациите дека ќе ја смени средината.

Според италијанскиот инсајдер Лоренцо Лепоре, во летниот преоден рок Баришиќ ќе се пресели во Турција, а со него во турскиот клуб би заминал и Џон Лундстрам.

Македонија

Николоски: Прилеп секоја година од владата ќе добива околу 8 милиони евра

Прилеп секоја година од владата ќе добива околу 8 милиони евра со кои ќе се решат многу инфраструктурните проекти во општината.

Денеска сме тука заедно со прилепчани на еден исклучително убав хепенинг кој ретко се гледа во цела држава и навистина сакам да честитам на општината и на сите кои го организираат.

Се наоѓаме на Могилата на непобедените, многу симболично место, место кое актуелната власт на заминување на СДСМ и ДУИ би сакала да го заборави, да го избрише затоа што го потпишаа срамниот француски предлог со кој ја бришат македонската историја и македонската култура и засебност. Но, ова не може да се избрише и жртвите кои паднале за слобода во Втората светска војна секако не можат да се избришат.

Во следниот период очекуваме уште поголема мобилизација и уште поголема победа на вториот круг на претседателски избори и на парламентарните избори на 8 мај.

Очекуваме најмногу гласови за ВМРО-ДПМНЕ во изборната единица 4 и најмногу пратеници кои ќе овозможат стабилна влада, влада во која нема да бидат дел ни еден од двата партнери во актуелната влада, ни СДСМ ни ДУИ со цел да можеме да ги реализираме проектите кои ги ветуваме, а за Прилеп се бројни.

Во делот на инфраструктурата ветуваме завршување во трите фази на експресниот пат Прилеп-Градско до крај на 2026 година, понатаму до крај на мандатот изградба на обиколница околу Прилеп, изградба на автопатско решение Прилеп-Битола граница со Грција. Планираме заживување на железничката пруга помеѓу Прилеп и Битола да се спојат практично двата града преку една брза линија, а понатаму да има редовна линија и помеѓу Прилеп, Битола и Солун со целосна реконструкција на железничката линија. Секако тука е и поддршката за решавање на инфраструктурните проекти во рамки на општината преку средствата кои ќе ги добива општина Прилеп секоја година и кои ќе бидат околу 8 милиони евра годишно. Тука се проектите за пензионерите, зголемување на пензијата за околу 5 илјади денари уште во првата година. Проектите за најмладите каде ќе има директен поврат на средства за родено прво дете некаде околу 30 до 40 илјади денари, за родено второ дете и до 100 илјади денари и за родено трето дете поврат на персонален данок додека детето не наполни 18 години што значи уште една плата да влегува во семејствата. Тука е и проектот купи или изгради куќа каде до половина од трошоците ќе ги покрива државата. И бројни други проекти за што ни е потребна стабилна влада, влада која ќе го штити македонскиот национален интерес, ќе ја враќа македонската национална гордост, ќе воведува функционална правна држава и ќе се бори силно со организираниот криминал и корупција.

Александар Николоски, носител на изборна единица 4

Центар за комуникации на ВМРО-ДПМНЕ