Имено, кога магнетните полиња во јонизираниот гас (плазма) околу ѕвездата наеднаш ќе го променат правецот или ќе се преполоват, доаѓа до голем излив на енергија, односно исфрлање на короналната маса.

Астрономите забележале сличен феномен во горната атмосфера на Марс исполнета со плазма, иако планетата има само „џебови“ од магнетно поле, а не глобално магнетно поле како Сонцето.

Сепак, до неодамна не беа забележани масовни исфрлања на Црвената планета.

Физичарот Лу-Чуанг Ли од Институтот за науки за Земјата во Тајван и неговите колеги, додека ги анализираа податоците од сателитот на НАСА за атмосферата на Марс и испарлива еволуција (MAVEN), забележаа три експлозивни масовни исфрлања од јоносферата на Марс што се случиле во 2014, 2016 и во 2019 година.

Овој феномен не се забележува лесно на Марс, за разлика од масовните исфрлања од Сонцето, кои се доволно густи за да ја рефлектираат сончевата светлина и можат да се видат од Земјата. Затоа научниците бараа области во јоносферата каде што очигледно нема плазма.

Ли и неговите колеги мислат дека исфрлањата на Марс се предизвикани од интеракциите помеѓу неговото нерамномерно магнетно поле и сончевиот ветер.

Постојаниот прилив на наелектризирани честички предизвикува раскинување на линиите на магнетното поле на планетата и исфрлање на плазмата.

„Ако ова се случува во атмосферата на Марс, тоа може да значи дека слични процеси се случуваат на други планети кои исто така немаат глобално магнетно поле, како што е Венера“, вели физичарот Метју Овенс од Универзитетот Ридинг во Велика Британија.

Сојузот на Македонците со исламска религија, СМИР, уште еднаш ги повикува Македонците во областа Гора, Призренска Жупа и цело Косово, на пописот на населението кој е во тек, да се попишат како Македонци, со мајчин македонски јазик, вероисповед муслимани.

- СМИР ги повикува и сите Македонци од Гора, Призренска Жупа и Косово, кои живеат и престојуваат во Македонија, да се потпишат на Косово како Македонци со мајчин македонски јазик и вероисповед муслимани, за тоа да ги известат и своите роднини во Гора, Призренска Жупа и Косово, стои во повикот потпишан од Латиф Пајкоски, претседател на СМИР.

Се потсетува дека, Македонија во 2001 година издаде околу 15.000 македонски државјанства во областа Гора, Призренска Жупа и цело Косово, врз основа на своерачно потпишани изјави на месните жители дека се етнички Македонци чиј мајчин јазик е македонскиот јазик.

- Жителите на областа Гора и Призренска Жупа, не се ништо друго, освен етнички Македонци, независно дури и од албанизацијата во некои села на Призренска Жупа, се наведува понатаму во повикот.

Се посочува дека „тие се неотуѓив, нераскинлив и неотстапен дел од македонскиот народ и неприфатливи се сите обиди за нивна денационализација и асимилација во Бугари, Срби, Албанци, Бошњаци или Турци“.

- СМИР ја осудува Владата во Софија, која врши агресија врз Македонците во областа Гора и Призренска Жупа, на Косово, во намерите на пописот да се попишат како етнички Бугари, иако етнички Бугари на Косово никогаш во историјата немало, нема, ниту ќе има, како што ги нема ниту во Албанија и Македонија, стои во повикот.

Најголемиот шумски пожар во сезоната продолжи да гори низ западна Канада додека пожарникарите се обидуваат да го спречат неговото ширење, властите евакуираа град во Британска Колумбија и ги советуваа жителите во нафтениот центар Алберта да се подготват за бегство.

Властите во Алберта објавија дека шумскиот пожар бил екстремен и неконтролиран и дека достигнал 16 километри југозападно од Форт Мекмареј. Во Британска Колумбија, на илјадници жители на северните карпести планини и Форт Нелсон им било кажано да се евакуираат.

Градоначалникот на северните Карпести планини, Роб Фрејзиер, изјави дека пожарот избувнал кога силните ветрови урнале дрво на далновод.

#Watch | Wildfire evacuation notice issued for #Canada oil town

An evacuation alert has been issued for Fort #McMurray, #Alberta, as an out-of-control fire rages southwest of the major Canadian oil town, making it among the first actions ahead of the wildfire season. pic.twitter.com/OOuvC5Uquo

— DD News (@DDNewslive) May 12, 2024

Пет противпожарни екипи, шест хеликоптери и цистерни за вода се бореле вчера со пожарот, додека пониските вечерни температури би требало да го забават шумскиот пожар, соопштија властите во Алберта.

Иако немало директен ризик за заедниците, известувањето за евакуација било да се подготват жителите доколку условите се влошат.

Федералната влада предупреди дека Канада се соочува со уште една „катастрофална“ сезона на шумски пожари бидејќи временските прогнози предвидуваат потопли од нормалното пролетни и летни температури низ поголемиот дел од земјата.

Канада доживеала една од најтоплите зими со малку или без снег во многу области, што ги зголемиле стравувањата од топло лето кое може да предизвика шумски пожари предизвикани од суша.

Во 2016 година, повеќе од 80.000 луѓе го евакуираа Форт Мекмареј откако шумски пожар уништи илјадници домови и згради.