Оваа тврдина била изградена од кралот Свере Сигурдсон, кој владеел со земјата од 1184 до 1202 година и за тоа време често војувал (против локалните ривали, Данска и Шведска).

Поради недостиг на средства, истражувачите ги испитувале само коските, а потеклото останало мистерија.

Сè се сменило неодамна, кога биле направени подетални анализи и конечно е откриено кому му припаѓаат посмртните останки, пренесува Унилад.

Откритието е објавено во списанието „Cell Press journal iScience“, каде што е опишано како изгледа несреќната личност, што е направено благодарение на технолошките иновации.

A medieval saga told of a man thrown in a well. Scientists found him.
Free WaPo gift link:https://t.co/mo1deRaH7W

— Nicole Apostola (@niccommawoo) October 28, 2024

Се покажало дека дел од решението се крие и во старата нордиска литература. Научниците направиле врска помеѓу записот од 1197 година, во кој се споменува напад на замокот.

Таму се наведува дека непријателските напаѓачи решиле да го фрлат телото на мртвиот во бунарот „за да го отрујат главниот водовод“.

Врз основа на стари записи и анализа на пронајдениот скелет, истражувачите заклучиле дека се работи за истата личност, иако идентитетот останува непознат.

DNA helps match 'Well Man' skeleton to 800-year-old Norwegian saga https://t.co/242FamaJZ6

— New Scientist (@newscientist) October 25, 2024

„Ова е првпат да се најде лице кое се споменува во историските текстови. Во него пишува дека војниците го зеле мртвиот човек и го фрлиле во бунарот, а потоа го покриле со камења. Во текот на 2014 и 2016 година беа извршени дополнителни ископувања кога беа пронајдени повеќе остатоци и однесени на испитување“, изјави Мајкл Д. Мартин, професор на Универзитетот во Трондхајм.

Истражувачите сугерираат дека човекот имал помеѓу 30 и 40 години во моментот на неговата смрт. Тие веруваат дека тој бил убиен со тап удар во главата.

„Несреќниот човек не е локален жител, бидејќи неговото потекло се враќа во одредени делови на јужна Норвешка. Ова сугерира дека непријателската војска фрлила еден од своите во бунарот“, вели главниот автор на студијата, д-р Мартин Елегард.

Тој истакнува дека археолошката наука, древната ДНК и генетските анализи им овозможуваат на научниците да ги одделат фактите од фикцијата, на крајот обезбедувајќи пообјективен и поцелосен поглед на човечката историја.

Здравствените власти во Газа и Хамас негираа дека имало воено присуство во болницата, во која израелските сили упаднаа во петокот и ја напуштија во саботата.

„Војниците заробија приближно 100 терористи во комплексот, вклучително и терористи кои се обидоа да избегаат за време на евакуацијата на цивилите. Тие пронајдоа оружје, пари и разузнавачки документи во болницата“, соопшти војската.

Министерството за здравство на Газа соопшти дека војниците привеле десетици машки работници и ја оштетиле болницата, која веќе едвај функционирала поради израелските воени операции во областа.

„Неколку идентификувани терористи се маскираа како медицински персонал, така што немавме алтернатива, освен што моравме да го провериме и медицинскиот персонал“, изјави воен претставник за новинарите на онлајн брифингот.

Снимката објавена од Министерството за здравство на Газа во саботата, која Ројтерс не можел независно да ја потврди, покажува оштетување на неколку згради по повлекувањето на израелските сили.

Воен функционер изјави дека војниците нанеле ограничена штета на болницата кога влегле и дека морале да уништат опрема за „двојна намена“, како што се боци со кислород, што можело да повреди секого во комплексот во случај на детонација.

Медицинскиот персонал одбил да ја напушти болницата и да ги остави своите пациенти без надзор. Таму засолниште побарале и стотици раселени Палестинци.

„Ги евакуираа сите што се засолниле таму... Ги одвоија мажите од жените и направија две колони, тоа беше многу понижувачки за нашите мажи бидејќи ги носеа без облека и немаа со што да се покријат“, изјави болничарот Мејсун Алиан.

Воениот претставник додаде дека осомничените членови на Хамас биле соблечени за да се провери дали носат оружје.

„По проверката, им дадовме облека“, рече тој.

Болничарите во Газа соопштија дека најмалку две деца загинале во единицата за интензивна нега откако израелски оган ги погодил генераторите и станицата за кислород во петокот.

Војската соопшти дека цивилите во болницата се безбедни и покрај тешките борби во близина на комплексот. Гориво, медицинска опрема и крв се доставени во болницата, а обезбедени се и снабдувањето со електрична енергија и кислород, соопшти војската.

Шармахд минатата година беше осуден на смрт за „корупција на Земјата“, откако беше обвинет дека ја водел промонархистичката група „Кралството на Иран“ со седиште во САД, пишува Би-Би-Си.

Тој ги негирал обвиненијата, додека неговото семејство тврдело дека тој бил само портпарол на групата, позната и како Тондар (персиски за гром).

Шармахд, кој живеел во САД, се верува дека бил киднапиран од ирански агенти во Дубаи во 2020 година, а потоа насилно одведен во Иран преку Оман.

Амнести интернешнал тврдеше дека бил принуден да признае и му кажал на семејството дека бил мачен во притвор. Според групата за човекови права, Шармахд создал веб-страница за објавување изјави од КАИ, малку позната група со седиште во САД која се обидува да ја врати монархијата која беше соборена во Исламската револуција во 1979 година.

Сепак, иранските власти соопштија дека тој бил водачот на Тондар и дека „планирал 23 терористички напади“, од кои „пет биле успешни“, вклучувајќи го и бомбашкиот напад во џамијата во Шираз во 2008 година, во кој загинаа 14 лица.

Кога Шармахд бил осуден во февруари минатата година, германската министерка за надворешни работи Аналена Баербок го осуди како „апсолутно неприфатливо“.

Тој бил погубен вчера, по одобрение на Врховниот суд, е објавено денеска на веб-страницата на иранското Министерство за правда.