Живот

Сензационално тврдење на австриски новинар: Знам каде е нацистичкото богатство, сакам да копам

Австриецот Букарт Лист (75), кој повеќе од една деценија трага по изгубеното нацистичко богатство, верува дека ја нашол неговата локација во германската покраина Саксонија.

Сепак, тој се пожали дека „бирократијата го спречува да ја ископа тајната соба“, која, како што тврди, содржи непроценливи уметнички дела, злато и накит, украдени во Унгарија за време на окупацијата, објави Дејли Меил.

Букарт Лист е сигурен дека единиците на СС ја сокриле украдената уметност и вредни предмети длабоко под шумата, недалеку од германското село Дојктариненберг.

Австриски новинар смета дека нацистите донеле најмалку 800 слики, меѓу кои и дела на Клод Моне, Пол Сезан и Ками Писаро, како и злато и накит „вредни милијарди“.

Лист во последните години е на чело на експедиција која бара уметнички дела од познатата колекција на баронот Ференц Хатвани, која беше ограбена за време на окупацијата на Будимпешта.

Тој тврди дека претходно добил документација од архивата на Вермахт која укажува на „масовна испорака“ во два подземни бункери, лоцирани во планинскиот венец Рудна Гора, на границата меѓу Германија и Чешка.

„Записите покажуваат дека зимата 1944-1945 г мистериозен транспорт пристигна од Будимпешта, кој беше шифриран строго доверливо“, додаде тој.

Со дозвола на градоначалникот на Дојктариненберг, Лист инсталирал уреди за геофизички истражувања. На длабочина од 40 метри, тврди тој, пронашол траги кои укажуваат на постоење на „форми направени од човекот“.

„Не сакам да земам ништо за себе. Знам дека ова им припаѓа на потомците на луѓето кои ги загубија животите“, објасни австрискиот новинар.

Но, локалната самоуправа не дозволила истражувањето да продолжи, бидејќи во непосредна близина е пронајден артефакт од каменото време, па целиот простор е прогласен за археолошки локалитет.

Лист наведува дека поднел жалба на одлуката и се надева дека во блиска иднина ќе може да ги докаже своите тврдења и да му го врати изгубеното нацистичко богатство на светот.

Македонија

ВМРО-ДПМНЕ: Филипче е марионета на Заев во СДС кој не нуди ништо ново на политичката сцена

Филипче е марионета на Заев во СДС кој не нуди ништо ново на политичката сцена туку континуитет на погубните политики, предавства, афери и скандали.

Во СДС ништо не се менува, Филипче и новите кадри се продолжена рака на Заев.

Филипче е лојален на Заев, ги поддржува и е дел од сите предавства, скандали и криминали на претходното раководство.

Филипче не се откажува од Заев а со тоа не се откажува ниту од криминалите кој тој ги правел во РЕК Битола, ЕСМ и предавствата со Бугарија.

Филипче не се откажува од Заев и старите политики и афери како издавањето на над 200 пасоши на белосветски криминалци, како и од рекетот и криминалот во фирмите кои ги правеле.

Филипче не се откажува од Заев затоа што тој верно го следи Заев и сака да биде како Заев.

Филипче е бледа копија на Заев. Заев е тој што раководи со СДС од далечина, додека се рашетува по Дубаи и светот со парите спечалени на грбот на македонскиот народ.

Филипче и тимот на СДС не нудат ништо ново на политичката сцена. Дека тимот на Филипче не е ништо поразличен и е континуитет со политиките на Заев знаат и членовите на СДС, а тоа се гледа и во кадровската криза и проблемите во екипирањето.

Во раководството на СДС на важни позиции има личности кои што немаат ниту ден партиски стаж и коишто се јавно непознати, но се верни слуги на Филипче и Заев.

Нема јака опозиција си вакви репрезенти кои се континуитет на погубните политики на Заев.


Со почит,

Центар за комуникации на ВМРО-ДПМНЕ

Регион

Писмото на Тачи за заминување на безбедносните сили на северот на Косово „се уште важи“

 Ветувањето на Косово дека нема да ги распореди своите безбедносни сили на северот на земјата без претходно одобрение од НАТО е се уште на сила.

Ветувањето на Косово дека нема да ги распореди своите безбедносни сили на северот на земјата без претходно одобрение од НАТО е се уште на сила, иако мандатот на тие сили во меѓувреме е променет, изјави Бесфорт Рецај, професор по меѓународно право на Универзитетот во Приштина за Радио Слободна Европа.

Тој објаснува дека изјавите или декларациите на една држава се сметаат за обврзувачки.

„Косово мора да го почитува тоа ветување додека не биде сменето од премиер или друг претставник на државата Косово“, вели Рецај.

Во 2013 година, Хашим Тачи, во својство на премиер на Косово, разменил писма со тогашниот генерален секретар на НАТО, Андерс Фог Расмусен, во кои тој се обврзал дека Косовските безбедносни сили (КБС) нема да бидат распоредени на северот на Косово. - каде живее мнозинското српско население - без претходна согласност на мисијата на НАТО во Косово (КФОР).

„Во име на Владата на Република Косово, гарантирам дека КБС ќе преземе мисии на северот на Косово само со претходно одобрение на КФОР“, се наведува во писмото потпишано од Тачи на 19 април 2013 година.

„За НАТО, КБС не се промени, но ние ги сменивме нив (нивната мисија преку законски измени)“, изјави за Радио Слободна Европа Авни Арифи, поранешен шеф на кабинетот на поранешниот премиер Рамуш Харадинај.

Тој забележува дека во 2018 година КБС започнала со трансформација во војска на Косово, што не било случај во времето на размената на писма со НАТО.

Фудбал

Гвардиола: Веројатно многу личам на Мурињо... Но тој освои три, а јас шест титули во Премиер

Тренерот на Манчестер сити, Пеп Гвардиола ги коментираше споредбите со поранешниот тренер на Челзи и Манчестер јунајтед, Жозе Мурињо по гестот на Шпанецот на натпреварот со Ливерпул (2:0) во 13. коло од Премиер лигата.

Кога навивачите почнаа да скандираат за отказ на Гвардиола, тој покажа шест прсти на трибините, алудирајќи на шест титули во лигата.

- Се надевам дека не во мојот случај! На крајот, можеби сме доста слични... Но тој освои три титули, а јас шест, изјави Гвардиола за „Гардијан“.

Манчестер сити нема победа на седум натпревари во сите натпреварувања - 6 порази и 1 нерешено. Тимот на Гвардиола се наоѓа на 5. место во поредокот во Премиер лигата со 23 бода.

притисни ентер