„Со задоволство можеме да кажеме дека Марк Свидан, Каи Ли и Џон Леунг се ослободени од притвор во Народна Република Кина. Тие наскоро ќе се вратат и ќе се обединат со своите семејства за првпат по многу години“, рече портпаролот на Советот за национална безбедност на САД, пренесува Си-Ен-Ен.

Тие беа ослободени во замена за неодреден број кинески затвореници во САД. „Благодарение на напорите на оваа администрација и дипломатијата со Кина, сите неправедно приведени Американци во Кина се дома“, рече портпаролот на Советот.

Ли и Свидан се водеа како незаконски приведени од американскиот Стејт департмент. Свидан беше уапсен во 2012 година под обвиненија поврзани со дрога и помина повеќе од една деценија во затвор, додека Ли е во притвор од 2016 година под обвинение за шпионажа. Леунг беше уапсен во 2021 година и осуден на доживотен затвор во 2023 година под обвинение за шпионажа. /МИА

„Сали, хероју, цела Албанија тебе те сака“, "Рама оди си" "Долу диктатурата" извикуваа, меѓу другото, големиот број сопартијци, приврзаници и граѓани, носејќи албански, американски и партиски знамиња.

Поздравувајќи ги и барајќи од нив трпение тој порача дека „денеска победила вистината, додавајќи дека отсега е време за акција“.

Рече и дека во текот на годината кога бил во „куќен притвор“ го соборил рекордот за најголем број говори. Тој секоја вечер од прозорецот на неговиот стан се обраќаше пред сопартијци и граѓани.

-Денеска е денот кога Еди Рама и монструмот Џорџ Сорос доживеаја целосен неуспех. Денеска тригодишната напорна работа триумфираше и беше наградена. Ние се залагавме за вистината и вредностите во кои веруваме. По долго време откако Албанија не гледа добри денови, денеска е добар ден за Албанците. Сали Бериша денеска не победи, денеска победи вистината. Албанија денеска победи. Годинава го срушив рекордот по број на говори, околу 330, рече Бериша.

Веднаш потоа имаше прес-конференција на која искажа тешки обвинувања на адреса на премиерот Еди Рама и за Таулант Бала, поранешен министер за внатрешни работи.

-Таулант Бала е обвинет дека нарачувал убиства. Има политички штит и со него станува најсилниот во градот и ги раководи началниците на полицијата и претседателите на судовите. Најкриминалец од сите е Еди Рама, тој е најприсутна личност на Sky ECC dhe Encrochat. Тој е најголемиот криминалец, обвини Бериша.

Се пофали дека „оние кои работеа како адвокати во времето на Бериша многу добро ја знаат поддршката што им ја дадов за исполнување на нивните законски обврски".

Овие сега, додаде, изградија правосуден систем кој „може да ја доведе земјата до граѓански конфликт“.

Прашан дали стравува СПАК да не ја обжали одлуката на судот одговори „што сакаат нека прават". /МИА

Советникот за национална безбедност на Белата куќа, Џејк Саливан, изјави дека САД ќе продолжат со притисокот за прекин на огнот во Појасот Газа, еден ден откако американскиот претседател Џо Бајден објави дека е постигнат предложениот сличен договор од Вашингтон меѓу Израел и движењето Хезболах , пренесоа британските медиуми.

-Претседателот Бајден има намера да ја започне таа работа денес со давање инструкции на своите пратеници да се ангажираат со Турција, Катар, Египет и другите играчи во регионот, рече Саливан денеска во интервју за Ем-Ес-Ен-Би-Си (MSNBC).

Бајден вчера најави дека САД заедно со другите земји ќе се залагаат за договор за прекин на огнот и во Појасот Газа./МИА