Родители на шега му направиле ДНК тест на 11- годишниот син, животот им станал хаос (ВИДЕО)

Неверојатната приказна за Дона и Ванер Џонсон од Јута, САД, постојано се ажурира на мрежите, бидејќи им ги преврте животите наопаку.

Нивното прво дете било зачнато по природен пат, но после тоа настанале одредени проблеми, па решиле да се обратат во локалната клиника за ИВФ. Процедурата била успешна и Дона забременила по втор пат во 2008 година.

Поминале 11 години откако сопружниците решиле практично од шега да направат ДНК тестови, но и да откријат потенцијални (генетски) здравствени проблеми кои би можеле да ги имаат.

Кога дошле резултатите, таткото на помладиот син Тим бил наведен како „непознат“.

„Сакав да врескам. Како може таткото да биде непознат? Јас сум негов татко од раѓање“, изјави Ванер за локалните медиуми.

Сопружниците не пројавиле сомнеж, туку верувале дека имало грешка во клиниката, пренесува Business Insider.

Во меѓувреме, родителите решиле да ја споделат важната вест со Тим, кој сè добро сфатил.

"Нема врска. Сè уште си ми татко“, рекло момчето.

Дона и Ванер со адвокат провериле дали пронаоѓањето на биолошкиот татко би значело дека нивниот син ќе им биде одземен, а кога добиле негативен одговор почнале да бараат.

Преку тестот AncestryDNA ја пронашле биолошката тетка на Тим, а потоа и биолошкиот татко, Девин Мекнил.

На почетокот, Мекнил не верувал во приказната, но кога ги споредиле медицинските досиеја и сфатиле дека момчето е високо, атлетски градено и има дупчиња во брадата (исто како Девин), се согласиле на тест за татковство.

И како што се сомневале Џонсонови, Тим се покажало дека не е детето на Ванер.

Семејствата утврдиле дека Кели Мекнил и Дона Џонсон биле на клиниката за ИВФ истиот ден, во рок од еден час.

Примерокот на Девин бил искористен за оплодување на јајце клетките на Дона, како и на неговата сопруга.

Семејствата се договориле вонсудски со клиниката во Јута и се сретнале за прв пат во јуни 2021 година. Тогаш Тим Џонсон ги запознал своите полубраќа и сестри.

Сунак: Западот треба да биде похрабар во конфискацијата на руските средства

 Западот треба да биде похрабар во конфискацијата на руските средства замрзнати по руската инвазија на Украина во 2022 година, изјави денеска британскиот премиер Риши Сунак.

За весникот Сандеј Тајмс по повод две години од почетокот на конфликтот, Сунак вели дека на Украина сè уште и треба повеќе оружје со долг дострел, беспилотни летала и муниција и друга помош.

„Мораме похрабро да пристапиме кон нападот врз руската воена економија. Мора да бидеме похрабри во запленувањето на стотици милијарди замрзнати руски средства“, рече тој.

Минатиот месец, британскиот министер за инвестиции Доминик Џонсон се состана со заменик-секретарот за финансии на САД, Воли Адејем, на разговори за запленувањето на замрзнатите руски средства, нагласувајќи дека тоа треба да се изврши во согласност со меѓународното право.

Европската унија, САД, Јапонија и Канада замрзнаа околу 300 милијарди долари од средствата на руската централна банка во 2022 година кога Русија ја започна својата инвазија на Украина.

Сунак, исто така, ги повика САД да продолжат да обезбедуваат финансиска и воена поддршка за Украина.

„Никогаш не треба да го потценуваме она што Америка досега го направи за Украина и за евроатлантската безбедност. Ги повикувам да продолжат со оваа поддршка и убеден сум дека ќе го направат тоа“, вели Сунак. /МИА

Грчките земјоделци вечерва го блокираа преминот Евзони за влез на товарни возила

Грчките земјоделци од северниот дел на земјата, вечерва го блокираа преминот Евзони (Богородица) кон Македонија за влез на товарни возила.

Веста за МИА ја соопшти началникот на Регионалниот центар за гранични работи Југ при МВР, Славчо Богев.

-Преминот Евзони е блокиран од 18:30 часот за влез на товарни возила и според информацијата од грчка страна блокадата ќе трае еден час, односно треба да заврши во 19:30 часот по македонско време, изјави Богев.

За времетрањето на блокадата не се пропуштаат камионите, односно како што беше порано кога на секои половина час по десет минути се пропуштаа возила.

Во изминатите денови иако имаше најави за блокади на Евзони од грчките земјоделци, сепак преминот остануваше отворен. Последен пат овој премин за влез во Грција беше блокиран на 20 овој месец. /MИА

Алегри прв тренер кој освоил 1000+ бодови во Серија А

Предводникот на Јувентус, Масимилијано Алегри е првиот тренер кој стигнал до повеќе од 1.000 бода во Серија А.

Јувентус денес на домашен терен славеше над Фросиноне (3:2) во 26. коло од Италијанското фудбалско првенство.

Ова е 301. победа на Алегри на турнирот, со 99 нерешени и 96 порази. Тој има 1.002 бода во Серија А.

Да потсетиме дека Серија А започна во сезоната 1929/30. Пред сезоната 1994/95 во Италија за победа се доделуваа 2 бода, а оттогаш по три.

Масимилијано претходно беше тренер на Каљари, Милан, Сасуоло и Удинезе. /МИА

притисни ентер