Од владеачката ВМРО – ДПМНЕ посочуваат дека СДСМ се винови поради тоа што знаеле а не преземале ништо додека биле на власт, за како што велат милионскиот криминал на на Груби..
„Иако сите знаеја за криминалот на Груби, иако и ВМРО-ДПМНЕ и медиумите ги прозиваа СДС како власт, тие не преземаа ништо, затоа што им беше единствено важно да останат на власт. СДС свесно го оставија Груби да ја краде државата, за тие да продолжат да владеат ден повеќе.СДС треба да излезат и да им се извинат на граѓаните, за тоа што молчеа додека Артан Груби правеше милионски криминал, а потоа не само што одмолчеа, туку и му се приклучија нивните функционери како Ковачевски“– Бране Петрушевски, пратеник на ВМРО-ДПМНЕ.
Од опозициската СДСМ пак возвраќаат зошто властите доколку имале сознанија за било каква злоупотреба го пуштиле Груби слободно да ја премие границата и надлежните иснтитуции и органи не постапиле по законската процедура. И денеска обвинуваат за договор меѓу ВМРО-ДПМНЕ и ДУИ и велат дека постоеле основани сомненија дека Груби бил пуштен слободно да ја напушти државата.
-Бројните пропусти се потврда за ова. Од дојавата дека е поднесена кривична пријава, преку поставување на мобилна патрола без никаква информација па се до поминувањето преку греничниот премин Блаце без проверка, дозволено од страна на лицето Б.Ј. назначен од Тошковски. Фатена во овој голем скандал власта прво се обиде кај батериите на камерите да ја префрли вината, а сега лицитира каде се наоѓа Груби, дали е во Косово или Албанија, се наведува во партсикото соопштение на СДСМ.
Од Вреди пак го повикуваат Артан Груби да се врати во земјава и да се соочи до правдата.
- Артан, ако си избегал во Албанија со аминот на Али Ахмети, како и секоја друга работа, си се лажел. Артан, врати се кај Али Ахмети да ти помогне додека те стави во оган да вршиш мрачни служби.Ако споделивте се со Али Ахмети, споделете ги овие црни денови и за вас, вие ја делите вината, не трпи сам последици, порачуваат од Вреди во партиското соопштение.
И додека Вреди го повикуваат Груби да се врати во земјава, а СДСМ и ВМРО-ДПМНЕ меѓусебно се обвинуваат кој и зошто не го санкионирал. Неговите сопартијци повторно повикуваат да се донесат измените на Законот за рестриктивни мерки за лица санкционирани од САД, на чија „црна листа“ последен се најде токму Артан Груби, а кој меѓу другото предвидува забрана за јавни функции на лицата кои се на американската црна листа.