Свет

Разорниот „Милтон“ стигна во Флорида: Американците ги очекува 24 часовен пекол (ВИДЕО)

Разорниот ураган Милтон стигна до Флорида!

Во претходните часови најсилен беше ураганот над Мексиканскиот залив, од петта категорија со ветрови од 270 км/ч, објави Скај Њуз.

Милтон го поместува својот центар директно од Мексиканскиот Залив кон западниот брег на Флорида, а потоа ќе премине преку централна Флорида понатаму на исток кон Атлантикот.

Во западниот и централниот дел на Флорида веќе паѓаат обилни дождови, заедно со силен ветер, а ураганот ќе ја зафати целата држава во текот на ноќта.

Во исто време, јужните делови на Флорида се под напад на торнада.

Со својот најразурнувачки дел, тој ќе навлезе над западниот брег на Флорида, малку јужно од Тампа, како ураган од трета категорија со ветрови до 200 км/ч.

Се очекува бранови од неколку метри, што ќе навлезат длабоко во копното и ќе претворат големи површини во океан, а водата би можела да биде длабока и до 10 метри.

На Тампа ѝ се заканува големо уништување, имајќи предвид дека во градот се очекуваат ветрови со брзина од 180 км/ч.

Се очекува да наврнат и до 400 литри дожд на метар квадратен, што заедно со плимниот бран би довело до незамисливи поплави.

Ова е пострашно од сценариото од август 2005 година, кога ураганот Катрина го опустоши Њу Орлеанс.

Високите згради и облакодери во Њу Орлеанс избегнаа колапс од урагански ветрови, што ќе биде случај и во Тампа, но со големи оштетувања, особено на покривите и стаклените фасади, но она што не може да се избегне е поплавата.

Ураганот Катрина беше најсмртоносниот ураган во Америка со повеќе од 1.250 мртви, а градот не закрепнал до денес.

Тампа се соочува со слично сценарио, а оние кои не бараат засолниште ќе бидат изложени на ризик од смртоносната бура.

Милиони веќе се евакуирани од загрозените области и сега се чека ударот.

Во секој случај, Флорида во следните 24 часа ја чека катастрофално сценарио, со разорни поплави, ветрови од урагански сили и други проблеми поврзани со ураганите.

Се стравува дека многумина ќе ги загубат своите домови и дека милиони ќе останат без струја.

Последиците од ураганот ќе може да се чувствуваат и да се отстранат многу долго.

Што се однесува до Мајами, тој ќе го избегне разорниот дел од ураганот, но не и обилните дождови и силните ветрови. За среќа, нема да има големи проблеми во Мајами и на југот, како и на северот на Флорида, додека западните, централните и источните делови на земјата, вклучувајќи ги Тампа и Орландо, ќе бидат изложени на најсилното влијание на оваа непогода.

Живот

Татко ги грабнал трите деца и ги однел во шума- по три години се снимени: Барем се живи (ВИДЕО)

Том Филипс, кој пред три години ги киднапираше своите три деца во Нов Зеланд, конечно е снимен во шума.

Пред Божиќ 2021 година, по расправија со сопругата, ги киднапирал децата и ги однел, објави Би-Би-Си.

Том последен пат бил виден во ноември минатата година, откако украл четири велосипед од селски имот и упаднал во локална продавница.

Се верува дека неодамнешните надзорни снимки ги прикажуваат Том и едно од неговите деца.

Сепак, напредок во истрагата стигна кога Том и неговите деца биле видени во близина на поле. Случајно ги забележале тинејџери кои ловеле диви свињи во шумата и ги снимиле со телефоните.

Видеата ги прегледала и полицијата која тврди дека се автентични.

Веднаш е започната потрага по нив, но не се пронајдени.

„Нашиот фокус е безбедно враќање на трите деца во нивното семејство и ќе направиме сѐ тоа да се случи“, соопшти полицијата.

Мајката на децата, која ги немала видено три години, не го криела задоволството кога слушнала за снимките.

„Ми олесна што се живи. Многу сум среќна што сите се тука. Сите тие се живи, сите мои бебиња се тука“, рече таа.

Среќна е и бабата на исчезнатите деца која се надева дека наскоро ќе бидат заедно.

Тинејџерите кои го снимиле Том велат дека тој има долга брада, дека има пиштол и дека сите деца биле маскирани.

По Том Филипс во септември минатата година е издаден налог за апсење поради наводен тежок грабеж.

Полицијата нуди награда од 80.000 австралиски долари за информации за него и за тоа каде се наоѓаат децата.

Свет

Урнато е казино во Лас Вегас, поврзано со познат мафијаш- одекнуваа огномети низ градот (ВИДЕО)

Последното вистинско казино од времето на мафијата во Лас Вегас, култниот хотел Тропикана и салонот за коцкање, е срушен во контролирана експлозија во раните утрински часови по локално време.

Кулите на хотелот беа урнати во придружба на огномет. На местото каде што до утрово беше Казиното ќе се гради нов бејзбол стадион.

„Лас Вегас ја претвори оваа експлозија во спектакл во стилот на Лас Вегас“, рече Џеф Шумахер, историчар и потпретседател на изложби и програми во Музејот на Моб.

Сега од мафијашката ера на Стрип ќе остане само Фламинго. Но, оригиналните структури на Фламинго одамна исчезнаа. Казиното беше целосно реновирано во 1990-тите.

Тропикана е третото најстаро казино на Стрип, а затворено во април по 67 години угостување на гости.

Тропикана имала врски со организираниот криминал, главно преку озлогласениот мафијаш Френк Костело. Неколку недели по отворањето на „Тропикана“ бил застрелан во главата во Њујорк и преживеал, но полицијата во џебот од палтото му пронашла парче хартија со точниот износ на заработката на Тропикана и го открила уделот на мафијата во казиното, пишува Гардијан.

До 1970-тите, федералните власти кои ги истражувале мафијашите во Канзас Сити обвиниле повеќе од десетина оперативци за заговор за кражба на приходи од коцкање од 2 милиони долари од казината во Лас Вегас, вклучувајќи го и Тропикана. Обвиненијата поврзани само со Тропикана резултирале со пет пресуди.

Свет

Кој ќе сака да ја види фонтаната Ди Треви во Рим, ќе мора да плати (ВИДЕО)

Рим е една од омилените романтични дестинации која има многу да понуди.

И цела Италија е полна со неоткриени работи и секој може да си најде нешто за себе, без разлика дали е тоа храна, пијалок, некое обележје или слично.

Фонтаната ди Треви е една од главните знаменитости на овој град и секоја година ја посетуваат милиони луѓе. Сега италијанските власти решија да почнат да наплаќаат за посетата, иако секој што ја посетува остава неколку евра кога си замислува желба и ја фрла во неа.

Властите во италијанската престолнина велат дека сакаат да го започнат проектот во близина на Фонтаната Треви како дел од тековните планови за намалување на метежот и промовирање на „одржливиот туризам“. Фонтаната од 18 век одамна е „задолжителна посета“ на туристите во Вечниот град, но често е преполна и со џепчии.

- Лично би бил за размислување за нова форма на пристап и временски ограничена. Доколку се имплементира, тој би делувало како „систем за резервација на билети - бесплатен за Римјаните и би чинел симболично 1 евро за туристите - изјави Алесандро Онорато, градскиот советник на Рим одговорен за туризам, пишува „Еуроњуз“.

И покрај трошокот, градските власти велат дека целта на одлуката не е да се соберат пари, туку да се намалат и контролираат гужвите и да се спречат „да јадат сладолед или пица на споменик што заслужува соодветна почит“.

Фонтаната е една од најпосетуваните атракции во Италија и ширум светот. Тоа значи дека често е преполно со луѓе кои се борат да ја видат скулптурата, дизајнирана од италијанскиот архитект Никола Салви.

Рим во просек има 35 милиони посетители секоја година, а тој број ќе биде уште поголем во 2025 година, бидејќи се очекува јубилејот, верски настан кој трае една година што се одржува во градот и во Ватикан, да привлече милиони повеќе.

притисни ентер