Живот

Позната манекенка откри што доживеала на островот на Епштајн: Ми рекоа да го измасирам, ама...

Лиза Филипс имала големи соништа да стане топ манекенка кога го запознала Џефри Епштајн.

Меѓутоа, за разлика од успешната кариера, таа доживеала сексуална злоупотреба од која се опоравувала со години.

Девојката која рече дека била малтретирана од осудениот сексуален престапник на неговиот приватен остров, зборува за новиот подкаст „Од сега“. Таа има за цел да ја подигне свеста за трговијата со луѓе и како таа може да влијае на некого.

„Ми требаа години да стигнам до оваа точка. Се борев со конфузијата на она што ми се случи пред години“, изјави Филипс, сега модел и агент во Лос Анџелес, за Fox News.

„Кога почнав да разговарам со неговите жртви, сфатив дека сите имаме слична приказна и дека сме на иста возраст, главно од 18 до 25 години“, рече таа.

Филипс почнала да се занимава со манекенство кога имала 16 години. На 19 години веќе отишла во модните метрополи, како Лондон и Париз, оставајќи свој белег. На 21-годишна возраст се нашла во Њујорк, каде резервирала фотосесија на британските Западни Инди.

Таму друга манекенка ѝ раскажала за блискиот остров - Малиот Сент Џејмс, пишува Fox news.

„Имавме дополнителен ден. Таа рече: „Ајде да си одиме одовде. Ајде да направиме нешто. Имам пријател, навистина добар пријател. Тој е неверојатен. Има остров во близина. Ајде да го видиме. Тој рече дека ќе ни испрати брод“, се сеќава Лиза.

Жените се качиле на бродот и се упатиле кон островот. Кога пристигнале, веќе имало други жени кои пливале во базенот и „уживале“. На почетокот се чинеше дека сè е во „најдобар ред“. Тие имаа прекрасна вечера пред Епштајн да дојде до нив и да се претстави.

„Тој беше многу шармантен човек, дури и како татко ми“, објаснува Лиза.

Сепак, работите се свртеа „прилично брзо“, тврди таа.

Истата вечер, една жена лежерно ѝ пришла велејќи дека Епштајн сака масажа. Збунета, Филипс рече дека не знае да се масира, но жената ја убедила дека сигурно „ќе го направи тоа добро“ и да ја следи. Така и направила.

Лиза тврдела дека масажата набрзо се претворила во сексуално насилство.

„Немав каде да одам, бев во туѓа куќа, на остров, далеку од мојот дом. Не можев туку така да заминам“, рекла Лиза.

Филипс подоцна дознала дека неколку жени, како неа, биле нападнати и малтретирани под изговор дека одат да го „масираат“.

Таа се вратила во Њујорк исполнета со срам.

"Потоа животот ми тргна во лош тек. Почнав да се дрогирам и да пијам... Се чувствував како да сум извалкана, или дека нешто не е во ред со мене што не се залагам за себе", објаснува Лиза.

Филипс рече дека го „потиснала“ срамот и збунетоста што ги чувствувала додека Епштајн се прикажувал себеси како ментор кој сакал да помогне.

„Никој не зборуваше за морничавите масажи и за тоа што се случува. Тој беше влијателен и беше манипулативен. Ве тера да верувате дека тоа е нормално“, додава таа.

Во 2006 година, Епштајн беше уапсен затоа што наводно ангажирал тинејџерки да му прават секс масажи во неговиот дом во Флорида.

Две години подоцна, обвинителите му дозволија на Епштајн да се изјасни за виновен за обвиненијата за една жртва. Тој одлежа 13 месеци во затворска програма, а потоа тивко почна да ја обновува својата мрежа на влијателни пријатели, со помош на неговата поранешна девојка Гислајн Максвел.

Во интервју за затвор минатата година, Максвел негираше дека знаела за злосторствата на Епштајн, инсистирајќи на тоа дека жали што некогаш го запознала и не знаела дека тој е „способен за зло“.

Но, поротниците слушнаа за време на нејзиното судење во 2021 година дека таа дејствувала како газда на замокот на Епштајн на Флорида, каде што обезбедила постојана понуда на тинејџерки да бидат достапни за ужасните „масажи“.

На Епштајн требало да му се суди пред Максвел, но се самоубил во притвор во август 2019 година пред неговиот случај да оди на судење.

Живот

Татко ги грабнал трите деца и ги однел во шума- по три години се снимени: Барем се живи (ВИДЕО)

Том Филипс, кој пред три години ги киднапираше своите три деца во Нов Зеланд, конечно е снимен во шума.

Пред Божиќ 2021 година, по расправија со сопругата, ги киднапирал децата и ги однел, објави Би-Би-Си.

Том последен пат бил виден во ноември минатата година, откако украл четири велосипед од селски имот и упаднал во локална продавница.

Се верува дека неодамнешните надзорни снимки ги прикажуваат Том и едно од неговите деца.

Сепак, напредок во истрагата стигна кога Том и неговите деца биле видени во близина на поле. Случајно ги забележале тинејџери кои ловеле диви свињи во шумата и ги снимиле со телефоните.

Видеата ги прегледала и полицијата која тврди дека се автентични.

Веднаш е започната потрага по нив, но не се пронајдени.

„Нашиот фокус е безбедно враќање на трите деца во нивното семејство и ќе направиме сѐ тоа да се случи“, соопшти полицијата.

Мајката на децата, која ги немала видено три години, не го криела задоволството кога слушнала за снимките.

„Ми олесна што се живи. Многу сум среќна што сите се тука. Сите тие се живи, сите мои бебиња се тука“, рече таа.

Среќна е и бабата на исчезнатите деца која се надева дека наскоро ќе бидат заедно.

Тинејџерите кои го снимиле Том велат дека тој има долга брада, дека има пиштол и дека сите деца биле маскирани.

По Том Филипс во септември минатата година е издаден налог за апсење поради наводен тежок грабеж.

Полицијата нуди награда од 80.000 австралиски долари за информации за него и за тоа каде се наоѓаат децата.

Свет

Урнато е казино во Лас Вегас, поврзано со познат мафијаш- одекнуваа огномети низ градот (ВИДЕО)

Последното вистинско казино од времето на мафијата во Лас Вегас, култниот хотел Тропикана и салонот за коцкање, е срушен во контролирана експлозија во раните утрински часови по локално време.

Кулите на хотелот беа урнати во придружба на огномет. На местото каде што до утрово беше Казиното ќе се гради нов бејзбол стадион.

„Лас Вегас ја претвори оваа експлозија во спектакл во стилот на Лас Вегас“, рече Џеф Шумахер, историчар и потпретседател на изложби и програми во Музејот на Моб.

Сега од мафијашката ера на Стрип ќе остане само Фламинго. Но, оригиналните структури на Фламинго одамна исчезнаа. Казиното беше целосно реновирано во 1990-тите.

Тропикана е третото најстаро казино на Стрип, а затворено во април по 67 години угостување на гости.

Тропикана имала врски со организираниот криминал, главно преку озлогласениот мафијаш Френк Костело. Неколку недели по отворањето на „Тропикана“ бил застрелан во главата во Њујорк и преживеал, но полицијата во џебот од палтото му пронашла парче хартија со точниот износ на заработката на Тропикана и го открила уделот на мафијата во казиното, пишува Гардијан.

До 1970-тите, федералните власти кои ги истражувале мафијашите во Канзас Сити обвиниле повеќе од десетина оперативци за заговор за кражба на приходи од коцкање од 2 милиони долари од казината во Лас Вегас, вклучувајќи го и Тропикана. Обвиненијата поврзани само со Тропикана резултирале со пет пресуди.

Свет

Кој ќе сака да ја види фонтаната Ди Треви во Рим, ќе мора да плати (ВИДЕО)

Рим е една од омилените романтични дестинации која има многу да понуди.

И цела Италија е полна со неоткриени работи и секој може да си најде нешто за себе, без разлика дали е тоа храна, пијалок, некое обележје или слично.

Фонтаната ди Треви е една од главните знаменитости на овој град и секоја година ја посетуваат милиони луѓе. Сега италијанските власти решија да почнат да наплаќаат за посетата, иако секој што ја посетува остава неколку евра кога си замислува желба и ја фрла во неа.

Властите во италијанската престолнина велат дека сакаат да го започнат проектот во близина на Фонтаната Треви како дел од тековните планови за намалување на метежот и промовирање на „одржливиот туризам“. Фонтаната од 18 век одамна е „задолжителна посета“ на туристите во Вечниот град, но често е преполна и со џепчии.

- Лично би бил за размислување за нова форма на пристап и временски ограничена. Доколку се имплементира, тој би делувало како „систем за резервација на билети - бесплатен за Римјаните и би чинел симболично 1 евро за туристите - изјави Алесандро Онорато, градскиот советник на Рим одговорен за туризам, пишува „Еуроњуз“.

И покрај трошокот, градските власти велат дека целта на одлуката не е да се соберат пари, туку да се намалат и контролираат гужвите и да се спречат „да јадат сладолед или пица на споменик што заслужува соодветна почит“.

Фонтаната е една од најпосетуваните атракции во Италија и ширум светот. Тоа значи дека често е преполно со луѓе кои се борат да ја видат скулптурата, дизајнирана од италијанскиот архитект Никола Салви.

Рим во просек има 35 милиони посетители секоја година, а тој број ќе биде уште поголем во 2025 година, бидејќи се очекува јубилејот, верски настан кој трае една година што се одржува во градот и во Ватикан, да привлече милиони повеќе.

притисни ентер