Шоу биз

Додека Ал Пачино ѝ плаќа алиментација за бебето, Нур е во лов по нов богат дедо (ФОТО)

Сите ја знаат Нур Алфала (30) како девојка на Ал Пачино, а сега таа го доби прекарот „ловец на дедовци“.

Многумина на мрежите се сомневаат во нејзината љубов кон актерот и откако доби дете со него. Нивната врска имала подеми и падови, а била на „разнишани нозе“ по породувањето, кога актерот сепак сакал да биде сигурен дека детето е негово, па побарал ДНК тест.

Откако заедно го прославија нејзиниот 30-ти роденден, се чини дека тоа не ѝ значи ништо на Нур, иако навестуваше дека се смириле, па таа си најде „нова жртва“.

Повторно, според медиумите, била видена како го напушта хотелот со американскиот комичар Бил Махер (68).

Новите фотографии се направени пред хотелот Chateau Marmont во Лос Анџелес, а врз основа на нив може да се заклучи дека таа всушност воопшто не се криела од папараците. Многумина се на мислење дека таа всушност сакала да покаже колку е среќна.

По излегувањето од хотелот, Бил и Нур влегле во неговиот автомобил и се упатиле на непозната локација. Пред сите овие пишувања, сите очи се насочени кон Ал Пачино, кој изгледа се грижи за детето додека Нур времето го поминува во хотели.

Откако ова беше обелоденето во светските медиуми, портпаролот на Пачино се огласи и ја разјасни врската:

- Ал и Нур се многу добри пријатели, а пред сѐ се трудат да му бидат добри родители на синот Роман.

Два дена претходно, Нур беше со Пачино во ресторан во Западен Холивуд. Пачино и Алфалах раскинаа на почетокот на септември, три месеци откако добија дете.

Потоа рекоа дека меѓусебно се договориле за старателството над детето. Како што напиша „Page Six“, судот во Лос Анџелес пресудил дека Пачино на поранешната партнерка мора да ѝ плати однапред 110.000 долари, односно пред да почне да плаќа алиментација.

Потоа 13.000 долари за медицинската сестра која ја посетува и дека таа треба да ги покрие сите медицински трошоци кои веќе не се покриени со здравственото осигурување. Холивудскиот актер ќе плаќа алиментација од 30.000 долари месечно, а мора да плаќа 15.000 долари годишно како фонд за образование на своето дете.

Доколку успее да плаќа алиментација до 18-от роденден на своето дете, актерот низ годините ќе плати речиси 6,5 милиони долари. Судот одлучил и Пачино и Нур да го делат старателството над детето, но детето да живее со мајката.

Подоцна беше објавено дека Пачино и Нур се уште се заедно, но се чини дека повторно не се.

Живот

Татко ги грабнал трите деца и ги однел во шума- по три години се снимени: Барем се живи (ВИДЕО)

Том Филипс, кој пред три години ги киднапираше своите три деца во Нов Зеланд, конечно е снимен во шума.

Пред Божиќ 2021 година, по расправија со сопругата, ги киднапирал децата и ги однел, објави Би-Би-Си.

Том последен пат бил виден во ноември минатата година, откако украл четири велосипед од селски имот и упаднал во локална продавница.

Се верува дека неодамнешните надзорни снимки ги прикажуваат Том и едно од неговите деца.

Сепак, напредок во истрагата стигна кога Том и неговите деца биле видени во близина на поле. Случајно ги забележале тинејџери кои ловеле диви свињи во шумата и ги снимиле со телефоните.

Видеата ги прегледала и полицијата која тврди дека се автентични.

Веднаш е започната потрага по нив, но не се пронајдени.

„Нашиот фокус е безбедно враќање на трите деца во нивното семејство и ќе направиме сѐ тоа да се случи“, соопшти полицијата.

Мајката на децата, која ги немала видено три години, не го криела задоволството кога слушнала за снимките.

„Ми олесна што се живи. Многу сум среќна што сите се тука. Сите тие се живи, сите мои бебиња се тука“, рече таа.

Среќна е и бабата на исчезнатите деца која се надева дека наскоро ќе бидат заедно.

Тинејџерите кои го снимиле Том велат дека тој има долга брада, дека има пиштол и дека сите деца биле маскирани.

По Том Филипс во септември минатата година е издаден налог за апсење поради наводен тежок грабеж.

Полицијата нуди награда од 80.000 австралиски долари за информации за него и за тоа каде се наоѓаат децата.

Свет

Урнато е казино во Лас Вегас, поврзано со познат мафијаш- одекнуваа огномети низ градот (ВИДЕО)

Последното вистинско казино од времето на мафијата во Лас Вегас, култниот хотел Тропикана и салонот за коцкање, е срушен во контролирана експлозија во раните утрински часови по локално време.

Кулите на хотелот беа урнати во придружба на огномет. На местото каде што до утрово беше Казиното ќе се гради нов бејзбол стадион.

„Лас Вегас ја претвори оваа експлозија во спектакл во стилот на Лас Вегас“, рече Џеф Шумахер, историчар и потпретседател на изложби и програми во Музејот на Моб.

Сега од мафијашката ера на Стрип ќе остане само Фламинго. Но, оригиналните структури на Фламинго одамна исчезнаа. Казиното беше целосно реновирано во 1990-тите.

Тропикана е третото најстаро казино на Стрип, а затворено во април по 67 години угостување на гости.

Тропикана имала врски со организираниот криминал, главно преку озлогласениот мафијаш Френк Костело. Неколку недели по отворањето на „Тропикана“ бил застрелан во главата во Њујорк и преживеал, но полицијата во џебот од палтото му пронашла парче хартија со точниот износ на заработката на Тропикана и го открила уделот на мафијата во казиното, пишува Гардијан.

До 1970-тите, федералните власти кои ги истражувале мафијашите во Канзас Сити обвиниле повеќе од десетина оперативци за заговор за кражба на приходи од коцкање од 2 милиони долари од казината во Лас Вегас, вклучувајќи го и Тропикана. Обвиненијата поврзани само со Тропикана резултирале со пет пресуди.

Свет

Кој ќе сака да ја види фонтаната Ди Треви во Рим, ќе мора да плати (ВИДЕО)

Рим е една од омилените романтични дестинации која има многу да понуди.

И цела Италија е полна со неоткриени работи и секој може да си најде нешто за себе, без разлика дали е тоа храна, пијалок, некое обележје или слично.

Фонтаната ди Треви е една од главните знаменитости на овој град и секоја година ја посетуваат милиони луѓе. Сега италијанските власти решија да почнат да наплаќаат за посетата, иако секој што ја посетува остава неколку евра кога си замислува желба и ја фрла во неа.

Властите во италијанската престолнина велат дека сакаат да го започнат проектот во близина на Фонтаната Треви како дел од тековните планови за намалување на метежот и промовирање на „одржливиот туризам“. Фонтаната од 18 век одамна е „задолжителна посета“ на туристите во Вечниот град, но често е преполна и со џепчии.

- Лично би бил за размислување за нова форма на пристап и временски ограничена. Доколку се имплементира, тој би делувало како „систем за резервација на билети - бесплатен за Римјаните и би чинел симболично 1 евро за туристите - изјави Алесандро Онорато, градскиот советник на Рим одговорен за туризам, пишува „Еуроњуз“.

И покрај трошокот, градските власти велат дека целта на одлуката не е да се соберат пари, туку да се намалат и контролираат гужвите и да се спречат „да јадат сладолед или пица на споменик што заслужува соодветна почит“.

Фонтаната е една од најпосетуваните атракции во Италија и ширум светот. Тоа значи дека често е преполно со луѓе кои се борат да ја видат скулптурата, дизајнирана од италијанскиот архитект Никола Салви.

Рим во просек има 35 милиони посетители секоја година, а тој број ќе биде уште поголем во 2025 година, бидејќи се очекува јубилејот, верски настан кој трае една година што се одржува во градот и во Ватикан, да привлече милиони повеќе.

притисни ентер