Македонија

Размената на податоци меѓу УЈП и Централниот регистар клучна за бизнис опкружувањето

Двете институции се посветени на унапредување на процесите и системите со цел поефикасно извршување на своите надлежности и подобра "клима" за работа на компаниите.

Долги години наназад постапката за регистрација на даночен обврзник и доделување на даночен идентификационен број е дел од постапката за регистрација на трговско друштво во Трговскиот регистар - едношалтерски систем, што овозможи скратување на времето за регистрација и отпочнување на бизнис.

На неодамнешниот, работен состанок помеѓу директорките на УЈП м-р Елена Петрова и Анита Стамнова и претставници од двете институции се разледаа и разговараа можностите за понатамошно поедноставување на постапките и унапредување на сервисите за размена на податоци и документи, особено: во рамки на новиот Регистар на иматели на сметки кој ќе го води Централниот регистар, за запишување на странци како основачи и управители на компании во Централниот регистар, доставување по службена должност на уверенија за платени даноци од УЈП во постапка за пренос на удел во Централен регистар, бришење на неактивни субјекти по службена должност во Централен регистар по претходна проверка во Управата за јавни приходи.

Двете институции се посветени на унапредување на процесите и системите со цел поефикасно извршување на своите надлежности и подобра "клима" за работа на компаниите.

Управа за јавни приходи

Свет

Околу 40 лица се повредени северно од Тел Авив откако товарен камион удрил во група луѓе

Товарен камион денеска удрил во група луѓе кои чекале на автобуска станица северно од Тел Авив, јавија израелските медиуми, пренесува ДПА.

Според медиумите, околу 40 луѓе се повредени.

Израелската спасувачка служба „Маген Дејвид Адом“ соопшти дека лекари им пружаат медицинска помош на десетици луѓе.

Локалниот информативен сајт ynet објави дека во тек е истрага за сомнителниот напад. Некои од лицата се здобиле со тешки телесни повреди.

Според израелската полиција, околностите околу инцидентот се уште не се јасни.

Во изминатите недели нападите на Палестинците зачестија во Израел, а во минатото имаше неколку такви напади од нивна страна со користење автомобили или камиони, забележува ДПА.

Фудбал

Модриќ стана најстариот играч во историјата на Класико

 Фудбалерот од средниот ред на Реал Мадрид, Лука Модриќ е највозрасниот играч во историјата на тимот кој настапил на натпревар со Барселона.

Синоќа Реал убедливо загуби од Каталонците на домашен терен - 0:4. Хрватот влезе како замена во 63. минута. Во моментот на натпреварот, Модриќ имаше 39 години и 47 дена.

Тој го собори рекордот на поранешниот дефанзивец на Барселона, Дани Алвеш, кој играше против Реал Мадрид со 38 години и 318 дена.

Неодамна Модриќ изрази желба уште една сезона да игра за Реал Мадрид. /МИА

Македонија

Јанчев во Влада потпиша договори за шест проекти во вредност од 2 милиони евра

Градоначалникот Митко Јанчев денес во Владата на Република Македонија ги потпиша договорите со кои се обезбедуваат средства за реализација на овие шест капитални проекти, во вредност од скоро 2 милиони евра!

📌Реконструкција на пристапен пат за м.в Косовец, село Ресава.

📌Реконструкција на локален пат од село Ресава до село Дабниште.

📌Реконструкција на локален пат за село Чемерско.

📌Основен проект за реконструкција на Градски базен Кавадарци.

📌Основен проект за изградба на кружен тек на Р-1107 надвор од опфат, пред влез на Кавадарци.

📌Основен проект за реконструкција на улица ,,8 Септември’’.

✔️Огромна благодарност до премиерот Христијан Мицкоски и Владата на Република Македонија, кој докажа дека е силна поддршка и партнер за сите општини во Република Македонија.

📍Градоначалникот Митко Јанчев во најбрз можен рок започнува со реализација на овие проекти, кои се од клучно значење за граѓаните на општина Кавадарци!

Кавадарци за сите, стои во објавата на Фејсбук.

Денес во Кавадарци се одржува и прв фестивал на македонскиот автомобилизам.

притисни ентер