Рецепти

Проверен трик за совршено кремаст хумус – Уживајте во омилениот намаз додека постите!

Добрата подготовка на состојките е клучна.

Хумусот е популарно јадење кое потекнува од Блискиот Исток и стана омилено ширум светот заради неговата едноставност и кремастиот вкус. Може да се јаде и за време на постот со разни зачини како додаток. Иако хумусот е достапен во супермаркетите и продавниците за здрава храна, многу домаќинки одлучуваат овој намаз да го приготват сами по сопствен рецепт.

Сепак, приготвувањето хумус не е секогаш едноставно, бидејќи бара наутот да се натопи и да се свари, а тој е основата на овој вкусен намаз. Ако наутот не е добро сварен, тешко се пасира, па хумусот е со грутчиња и тешко се размачкува, без оглед на додадената количина таан и маслиново масло.

За да не ви се случи ова, применете го трикот на искусните домаќинки кој гарантира совршена подготовка на наутот, а со тоа и совршено мазен и кремаст хумус.

Додаток што „ја менува играта“

Истурете лажица сода бикарбона во водата во која ќе го натопите наутот, потоа оставете го наутот да отстои преку ноќ. Следниот ден процедете ја водата, а потоа во новата вода за варење додадете една лажица сода бикарбона. Таа ќе го поттикне омекнувањето на лушпата на наутот и водата подобро ќе се апсорбира, така наутот побрзо ќе се свари и полесно ќе се пасира.

Во хумусот задолжително додајте неколку капки лимонов сок кој ќе го подобри вкусот на овој намаз. Исто така, ако сакате малку поостар вкус, додајте рендана кора од овој цитрус. Лимонот ја ублажува тежината на скробот од наутот, а ренданата кора од лимонот ќе му даде на хумусот поостар вкус.

Користете квалитетно маслиново масло

Квалитетното маслиново масло е клучна состојка за вкусна текстура и богат вкус на хумусот. Изберете екстра девствено маслиново масло за најдобри резултати. Додадете го во хумусот додека блендирате, но исто така можете да го додадете и како додаток пред сервирањето.

Додадете малку таан

Пастата од сусам е исто така клучна состојка во подготовката на хумусот. Додадете малку таан во вашиот хумус за побогат вкус и кремаста текстура. Ако сакате посилен вкус на сусам, слободно додадете нешто повеќе таан, но не заборавајте да го додавате постепено за да го прилагодите хумусот според вашиот вкус.

Користете свеж лук и зачини

Свежиот лук, мелениот кумин и малку мелена лута пиперка го комплетираат вкусот на хумусот. Наместо суви зачини, користете свежи за поинтензивен вкус. Можете да додадете и малку свежо мелен црн бибер како додатна арома.

Живот

Принцезата Кејт ги повика преживеаните деца од масакрот во Саутпорт на Божикен концерт

Британската принцеза Кејт ги покани децата кои го преживеаја нападот во Саутпорт во јули на концерт со божиќни песни, објавија британските медиуми.

Принцезата од Велс е надвор од очите на јавноста во поголемиот дел од годината бидејќи се лекува од рак.

Како што информираат од Кенсингтонската палата, децата се поканети да присуствуваат на настанот Together for Christmas на 6 декември, кој принцезата го организира по четврти пат во Вестминстерската опатија.

Во напад со нож на час по танц во Саутпорт, на крајот на јули беа убиени три деца, се сеќава Скај њуз.

Кејт и принцот Вилијам ги посетија и разговараа со семејствата на загинатите во нападот во Саутпорт минатиот месец.

Свет

Мистериозни дронови се забележани над три американски воени бази во Британија

Неколку неидентификувани беспилотни летала се забележани над три воздушни бази во Обединетото Кралство, потврдија американските воздухопловни сили (USAF).

Инцидентите, кои се случиле помеѓу средата и петокот, биле пријавени над РАФ Лакенхит и РАФ Милденхал во Сафолк, како и РАФ Фелтвел во соседниот Норфолк. УСАФ, која ги користи базите, рече дека се уште не е јасно дали беспилотните летала претставуваат закана. Тие не коментираат ниту дали се користени одбранбени механизми, но нагласија дека го задржуваат „правото да ги штитат“ своите објекти.

„Можеме да потврдиме дека беспилотните летала беа забележани во близина и над базите. Имаше неколку од нив, и тие се разликуваа по големина и конфигурација. Активно ги набљудувавме, а раководството на базата заклучи дека ниту еден од упадите не влијаел на жителите на базата или на клучната инфраструктура. Продолжуваме да го следиме нашиот воздушен простор и да работиме со локалните власти за да се осигура безбедноста на персоналот, објектите и опремата“, рече портпаролот на УСАФ за Европа.

Свет

Телото на исчезнатиот рабин е најдено во ОАЕ- Нетанјаху: Ова е антисемитски чин на терор

Властите на Обединетите Арапски Емирати (ОАЕ) го пронајдоа телото на рабинот Зви Коган, кој исчезна во четвртокот.

Властите на Обединетите Арапски Емирати (ОАЕ) го пронајдоа телото на рабинот Зви Коган, кој исчезна во четвртокот, соопшти денеска канцеларијата на израелскиот премиер Бенјамин Нетанјаху, а Советот за национална безбедност на Израел издаде предупредување до граѓаните да не патуваат во ОАЕ.

Во заедничкото соопштение од кабинетот на Нетанјаху и израелското Министерство за надворешни работи, се наведува дека израелската амбасада во Абу Даби била во контакт со семејството на Коган во ОАЕ и дека се информирани членовите на неговото семејство кои живеат во Израел, објави Times of Israel.

Израел го нарече убиството „гнасен антисемитски чин на терор“ и вети дека ќе ги искористи сите расположливи средства за да ги изведе убијците пред лицето на правдата.

Канцеларијата на Нетанјаху претходно соопшти дека Коган бил емисар на Чабад, ортодоксна еврејска организација со ограноци ширум светот, додека израелските разузнавачи рекоа дека веруваат дека најверојатно станува збор за терористички акт и дека рабинот бил следен на кошер пазар во Абу Даби.

Коган е двоен израелско-молдавски државјанин и е во Абу Даби како емисар на Чабад откако Израел ги нормализираше врските со земјата кон крајот на 2020 година.

Советот за национална безбедност на Израел издаде предупредување за патување до граѓаните во ОАЕ, наведувајќи дека сè уште постои закана за Израел и Евреите во земјата.

Се повикуваат Израелците да избегнуваат „ бизнис посети, места за собирање и места за забава идентификувани со израелското и еврејското население“ и да избегнуваат истакнување на израелски симболи.

Патниците, кои се веќе во ОАЕ, исто така, се предупредени да избегнуваат објавување информации за тоа на социјалните мрежи и да ги заклучат своите онлајн профили.