- Не би сакал да шпекулирам. Но, ги повикувам сите оние бегалци од правдата, да дојдат и да се соочат со фактите, аргументите и доказите пред органите за да можеме да извлечеме заклучок дали тие се виновни за тоа за кое што постои основано сомневање. Не би можел да откривам било какви детали поврзани со белаците од правдата, рече Мицкоски прашан дали Владата има соработка со албанската Влада бидејќи по некои информации Груби се наоѓа на албанска територија.

Поранешниот прв вицепремиер Артан Груби, заедно со поранешниот директор на „Државна лотарија“ Прпарим Бајрами, се бара со меѓународна потерница во врска со злоупотребите во Државната лотарија во вредност над осум милиони евра. По барање на Јавното обвинителство, им е определен притвор во траење од 30 дена.

Груби е ставен и на црната листа на Стејт департментот на Соединетите американски држави на 9 декември заедно со судијата на Апелацискиот суд Енвер Беџети поради нивна вмешаност во значителна корупција.

Инцидентот се случил синоќа, кога напаѓачот отворил оган во локален објект по расправија. Веднаш по инцидентот, напаѓачот пружил отпор и стрелал кон полицијата, по што бил ликвидиран./МИА

Премиерот Христијан Мицкоски по повод христијанскиот празник Рождеството Христово - Божиќ упати честитка до претседателот на Евангелско-методистичката црква, Емил Заев, и до сите верници на Евангелско-методистичката црква со желби за здравје, мир и духовен напредок.

-Божиќ е празник кој нè потсетува на силата на вербата, надежта и љубовта. Тој нè поттикнува да се свртиме кон вистинските вредности – човечноста, солидарноста и поддршката за оние на кои најмногу им е потребна. Во овие празнични денови, сите ние сме повикани да го отвориме срцето кон другите, да покажеме добрина, да простиме и да ја споделиме радоста со семејствата, пријателите и заедницата, вели премиерот во честитката.

Во овој свет период, посочува Мицкоски, кога светлината на Божиќ ги осветлува нашите домови и души, нека љубовта и мирот се ваш водич низ животот. Нека празникот, наведува премиерот, ве потсети на вредностите кои нè обединуваат и кои ни даваат сила да се соочиме со предизвиците, но и да создаваме подобра иднина за сите нас.

-Евангелско-методистичката црква има посебно место во нашето општество со својата традиција, својата хуманитарна и духовна мисија, и со нејзиниот придонес за јакнење на вредностите на толеранцијата, заедништвото и почитта меѓу луѓето. Во духот на овие вредности, ви посакувам да продолжите да ја ширите пораката за мир и добрина, градејќи мостови на соработка и разбирање. Нека Божиќ ви донесе радост, здравје и благосостојба. Нека ви биде извор на инспирација и сила да чекорите напред со вера и надеж во подобро утре. Среќен Божиќ и нека е благословен овој празничен ден!, посочува Мицкоски во честитката.