Свет

Шолц: Трансатлантските односи ќе продолжат да бидат силни

Германскиот канцелар Олаф Шолц изрази верба во продолжувањето на силните односи меѓу германската влада и новата американска администрација на претседателот Доналд Трамп.

Во интервју за магазинот „Штерн“, објавено денеска, Шолц ја нагласи клучната улога на САД во демократскиот развој на Германија, како на Западот по Втората светска војна, така и низ целата земја по мирната револуција во Источна Германија.

- Оваа историска основа е цврста и ќе ги поддржува трансатлантските односи уште долго време, рече Шолц, потенцирајќи ја важноста на ефективната соработка со новата американска влада.

Шолц откри дека досега двапати разговарал со Трамп и ги опиша разговорите како „исклучително пријателски“.

Кога беше прашан за присуството на инаугурацијата, Шолц изјави дека „американската администрација, како што е обичај, го покани германскиот амбасадор“./МИА

Македонија

Видео: Сашо Мијалков снимен во Монте-Карло со луксузен автомобил вреден над 600.000 долари

Сашо Мијалков, поранешен директор на УБК и осуденик е снимен во Монако со луксузен автомобил „Ферари“, пред скап хотел.

Според објавувачот, снимката, е направена во Монте-Карло и истата е објавена пред 14 часа.

Според податоците достапни на интернет, автомобилот „Ферари“ со кој е забележан Мијалков, може да чини од 629,990 до 709,900 долари.

На видеото може да се забележи како тој пристугнува, го остава возилото на паркирање и со женска личност влегува во хотелот.

Мијалков беше гонет, но многу дела му застареа, додека граѓаните чекаа правда. Тој доби 24 години затвор и тоа: три години за „Империја“, 12 години за прислушувањето односно „Таргет-Тврдина“, осум години за „Трезор“, 1,3 месеци затвор за „Плацови на Водно“. Од сите, ја одлежа само таа за „Империја“ и тоа во затворот во Струга, каде можеше по цели денови да биде надвор и да работи, а навечер да се враќа.

Извор: Скопје 1

Фудбал

Артета: Топката во Лига купот е многу различна од топката во Премиер лигата

Тренерот на Арсенал, Микел Артета, по синоќешниот пораз од Њукасл (0:2) во првиот натпревар од 1/2 финалето на англискиот Лига куп, истакна дека во Премиер лигата тимовите играат со топки од различен производител.

- Едноставно е различно, многу различно од топката во Премиер лигата и треба да се прилагодите на неа бидејќи се движи поинаку. Кога ќе ја допрете, стисокот е исто така многу различен, така што треба да се навикнете, изјави Артета.

Реваншот ќе се одигра во Њукасл на 5 февруари.

Во другата полуфинална пресметка ќе се соочат Тотенхем – Ливерпул./МИА

Свет

Повторно издаден налог за апсење на претседателот на Јужна Кореја

Судот во Сеул синоќа повторно издаде налог за апсење на претседателот на Јужна Кореја, Јун Сук-јол, кој е обвинет за бунт и беше изгласано негово отповикување. Демонстрантите и поддржувачите на Јун и денеска се пред претседателската палата.

Претседателската безбедносна служба минатата недела постави бодликава жица и барикади пред претседателската палата, блокирајќи го пристапот до Јун, кој одбива да се појави на распит.

Јун е под истрага за бунт поради неговото прогласување воена состојба на 3 декември, што ја шокираше Јужна Кореја и доведе до првиот налог за апсење на актуелен претседател. Против Јун се води уште еден судски процес пред Уставниот суд откако на 14 декември му беше изгласан отповик поради прогласувањето воена состојба.

Директорор на Канцеларијата за истраги за корупција на високо ниво О Донг-вон синоќа се извини за неуспешнит обид за апсење на Јун на 3 јануари. Тој ја прекин акцијата за апсење на Јун откако човечки синџир од стотици членови на претседателското обезбедување и припадници на армијата спречија да влезе во претседателската палата.

Се што е можно ќе направиме за да ја постигнеме нашата цел и овојпат ќе се подготвиме темелно и со голема решителност, така што вториот обид за извршување на наредбата да биде последен, наведе О пред парламентарната комисија.

Но, не е познато колку време ќе биде потребно да се изврши новиот налог за апсење на Јун. /МИА

притисни ентер