Забава

„Божиќен концерт" вечерва на плоштадот во Крива Паланка

Општина Крива Паланка вечерва организира празничен концерт во чест на големиот христијански празник Божиќ, во 18 часотна градскиот плоштад.

-Во име на празнувања вечерва за сите граѓани и сите оние гости на градот организираме незаборавен Божиќен концерт што ќе ја донесе магијата на празничниот дух директно во срцата на сите присутни. Настанот ќе започне со дечињата од Детскиот музички фестивал „Распеано симитче“ и хорот „Симитчиња“, потоа следува настапот на еден од најпознатите музички вокални состави, „Трио Џентлмен" кои ќе настапат со нивните уникатни аранжмани на класични и божиќни евергирини, а специјален гостин на вечерта е младиот Ајдин Османовиќ од Босна и Херцеговина, кој со ангелскиот глас секогаш ја воодушевува публиката. Османовиќ ќе настапи во придружба на неговиот професор, Јасмин Брашњиќ, информира Службата за комуникација со јавност во Општина Крива Паланка.

Божиќниот концерт има за цел да ги обедини граѓаните, да го поттикне споделувањето на празничните моменти, за заедничка прослава на љубовта, семејните вредности и дарувањето.

Свет

Сенегал и Чад протеруваат француски војници

Лидерите на Сенегал и Чад изјавија дека протерувањето на француските војници од нивните територии е нивна суверена одлука, отфрлајќи ги приговорите на францускиот претседател Емануел Макрон.

Сенегал, Чад и Брегот на Слоновата Коска најавија повлекување на француските трупи минатиот месец, додека Париз смисли нова стратегија за намалување на француското воено присуство во Африка.

Францускиот претседател Емануел Макрон вчера на годишната средба со амбасадорите рече дека Франција „предложи на африканските шефови на држави да го реорганизираат нашето присуство“.

-Би сакал да кажам дека во случајот со Сенегал ова тврдење е целосно погрешно, рече сенегалскиот премиер Усман Сонко. „До денес, нема дискусија или преговори, а одлуката што ја донесе Сенегал произлегува од неговата единствена волја, како слободна, независна и суверена земја“, додаде Сонко.

Француските трупи веќе ги напуштија Мали, Буркина Фасо и Нигер, со кои владее воена хунта.

Во 2023 година, Макрон вети „ново безбедносно партнерство“ со намален број француски војници на континентот во процес за кој рече дека ќе се заснова на потребите изразени од африканските партнери. /МИА

Македонија

Видео: Сашо Мијалков снимен во Монте-Карло со луксузен автомобил вреден над 600.000 долари

Сашо Мијалков, поранешен директор на УБК и осуденик е снимен во Монако со луксузен автомобил „Ферари“, пред скап хотел.

Според објавувачот, снимката, е направена во Монте-Карло и истата е објавена пред 14 часа.

Според податоците достапни на интернет, автомобилот „Ферари“ со кој е забележан Мијалков, може да чини од 629,990 до 709,900 долари.

На видеото може да се забележи како тој пристугнува, го остава возилото на паркирање и со женска личност влегува во хотелот.

Мијалков беше гонет, но многу дела му застареа, додека граѓаните чекаа правда. Тој доби 24 години затвор и тоа: три години за „Империја“, 12 години за прислушувањето односно „Таргет-Тврдина“, осум години за „Трезор“, 1,3 месеци затвор за „Плацови на Водно“. Од сите, ја одлежа само таа за „Империја“ и тоа во затворот во Струга, каде можеше по цели денови да биде надвор и да работи, а навечер да се враќа.

Извор: Скопје 1

Фудбал

Артета: Топката во Лига купот е многу различна од топката во Премиер лигата

Тренерот на Арсенал, Микел Артета, по синоќешниот пораз од Њукасл (0:2) во првиот натпревар од 1/2 финалето на англискиот Лига куп, истакна дека во Премиер лигата тимовите играат со топки од различен производител.

- Едноставно е различно, многу различно од топката во Премиер лигата и треба да се прилагодите на неа бидејќи се движи поинаку. Кога ќе ја допрете, стисокот е исто така многу различен, така што треба да се навикнете, изјави Артета.

Реваншот ќе се одигра во Њукасл на 5 февруари.

Во другата полуфинална пресметка ќе се соочат Тотенхем – Ливерпул./МИА

притисни ентер