Култура

Премиера на претставата „Фамилијата Адамс“ во Драмски театар Скопје

Фамилијата Адамс“ е новата премиера што ќе биде изведена вечер во 20 часот на сцената „Ристо Стефановски“ во Драмски театар Скопје.

Режисерката Теа Беговска воедно е и автор на текстот и адаптацијата за претставата. Во програмската белешка за претставата таа истакнува дека Фамилијата Адамс е "нормалното" во ненормалното.

-Како Светот да се претворил во една голема Фамилија Адамс, која секоја општествена и социјална ненормалност ја прифаќа и живее како нормална. Овие добро препознатливи и екцентрични ликови со мрачен хумор, сместени во т.н. гробница на Светот (каде се закопани нивните предци) - "танцуваат" во СВОЈАТА нормалност, во СВОИТЕ вредности за живот и смрт. Овој мрачен дом на Фамилијата Адамс е светилиште каде се слави смртта, но, се слави и љубовта - тајната состојка со која опстојува династијата Адамс. Светилиште во кое и нормалните стануваат ненормални на свој начин, вели Беговска.

Таа подвлекува дека во денешниот свет, каде секојдневието станува се' поголем хаос, Фамилијата Адамс е можеби симбол за издржливост.

-Тие остануваат цврсти во својата посветеност еден кон друг, незасегнати од тој надворешен хаос. И така се' до крај... се' до крајот на животот... а и после тоа, наведува режисерката на претставата.

Ликовите во претставата ги играат актерите на Драмски театар Скопје: ГОМЕЗ АДАМС - Предраг Павловски, МОРТИША АДАМС - Трајанка Илиева Вељиќ, БАБАТА - Гордана Ендровска, ВЕНЗДЕЈ АДАМС - Нина Елзесер, ФЕСТЕР АДАМС - Сашо Тасевски, ПАГЗЛИ АДАМС - Томислав Давидовски, ЛУКАС, момчето на Венздеј - Марјан Наумов, потоа ДЕБИ, поранешната љубов на Фестер - Емилија Мицевска, ТАТКОТО на Лукас - Златко Митрески и МАЈКАТА на Лукас - Маја Вељковиќ Пановска.

Ликовите на ДУХОВИ во претставата „Фамилијата Адамс“ ги играат студенти на Факултетот за драмски уметности и Факултетот за театарски уметности при Интернационалниот Универзитет Еуропа Прима: Јована Миладинова, Ема Лазарова, Луна Миќевиќ, Стефан Арсиќ, Кристијан Петковски, Енис Билаловиќ, Анастасија Митровска и Мартин Мазнев. Инспициент на претставата е Гоце Бојчев, а суфлер Жаклина Цветковска.

Во уметничкиот тим што ја работеше „Фамилијата Адамс“ сеи сценографот Никола Пијанманов, костимографите Ратка Џамбазовска Коцев и Раде Василев, а музиката е на Енес Беговски. Кореографијата ја направи Бојан Лазаров.

Од Драмски театар ја информираат публиката дека во претставата се користат пиротехнички средства и нагласени звучни ефекти.

Претставата „Фамилијата Адамс“ ќе биде на редовниот репертоар на театарот, а првата наредна изведба е на 27 декември во 20 часот, посочуваат од НУ Драмски театар Скопје.

Свет

Расте бројот на жртвите при уривањето на мостот во Бразил- се трага по исчезнати (ВИДЕО)

Во Бразил на 22 декември се урна мостот Јуселино Кубичек де Оливеира, долг 533 метри, кој ги поврзува државите Токантинс и Марањао, а во несреќата загинаа четири лица.

Повеќе од 10 лица се водат како исчезнати, а најголем страв е контаминација на водата со отровни материи.

Мостот попуштил во раните попладневни часови и бил целосно затворен, а се урнал откако дел од структурата паднал на територијата на државата Маранџао, пренесува порталот Метрополис.

Властите стравуваат од контаминација на водата со отровни материи по уривањето на мостот, откако неколку камиони со илјадници литри пестициди и сулфурна киселина паднаа во реката, јавува денеска Би-би-си.

Сцените се катастрофални, а снимен е и моментот на несреќата. Осум возила паднале во реката, од кои три камиони со хемиски средства.

Не е јасно дали и колку од хемикалиите истекле, но на луѓето во блиските градови Естреито и Агиарнополис им било кажано да избегнуваат да земаат вода од реката.

Спасувачките операции се изведуваат од чамци. Пронајдени се четири тела, меѓу кои возачот на еден од камионите и 11-годишно девојче. Еден човек е извлечен жив од водата.

Мостот Јушчелино Кубишчек, долг повеќе од половина километар, е изграден во 1960-тите и ја претставува главната транспортна врска помеѓу двете сојузни држави на Бразил преку реката Токантинс.

Свет

Гром удри во авион, преплашените патници почувствувале мирис на изгорено

Инцидентот со авионот на ТУИ се случил во неделата, непосредно по полетувањето од бриселскиот аеродром, а неговата дестинација било одморалиштето Хургада.

Екипажот и патниците во кабината виделе блесок на небото и слушнале силен тресок, пишува Дејли мејл.

Недолго потоа, патниците пријавиле на персоналот дека почувствувале мирис на изгорено.

„По ударот и блицот почувствувавме непријатен мирис. Беше вистински шок“, рече еден човек на летот на 22 декември.

Капетанот одлучил да се врати на аеродромот во Брисел - како мерка на претпазливост, иако подоцна било објавено дека тоа не било потребно.

Патниците биле префрлени во хотели, а ден подоцна биле качени на нов лет, соопшти компанијата ТУИ.

Пилотот Даг Морис, кој ја напиша книгата This Is Your Captain Speaking, објасни дека ударите од гром не се непријатност за авионите и се вообичаена појава.

„Статистиката покажува дека авион е погоден од гром на секои 5.000 часа, или околу еднаш годишно. Федералната управа за авијација проценува дека секој авион во САД ќе биде погоден еднаш годишно“, откри тој претходно.

Македонија

Никола Пановски доживеал хорор: Паднал од велосипед пред џип – за малку ќе ме прегазеше

Микробиологот, д-р Никола Пановски на социјалните мрежи пишува за страшен настан кој се случил вчера , што оживеал на една од скопските улици, воедно испраќа апел до возачите, да не се користат мобилните телефони додека управуваат со возило.

Неговиот ФБ статус прочитајте го во целост :

“По тоа што го доживеавме вчера, јас на велосипед и господинот во голем џип, ве преколнувам:

Вчера, 24.12.2024, 11 часот наутро, на раскрницата на ул. Никола Тесла со Илинденска (кај Трибека, и гим. Орце Николов), се движам по ул. Н.Тесла кон Илинденска со велосипед, закачувам за нешто со педалата, минувајќи меѓу колите кои чекаа на црвено, и тротоарот, и паѓам на стомак пред џипот кој чека прв на семафорот. Се испружувам раширен со сите четири на асфалтот, јас напред со рацете, а велосипедот поназад заедно со моите нозе. Таман почна да ми тече крв од нос и се спремав да се исправам, кога шок. Џипот тргнува и ме покрива, таман е толку висок што само ми ја допира мојата голема глава, но ме стиска силно на десниот колк и на десната нога. Јас се дерам, а и многу лица кои чекале на пешачки. Џипот запира и по две секунди (кои траат како вечност), се враќа назад. Не ме прегази само затоа, што прво со нњговото лево предно тркало го прегази задното тркало на велосипедот, па рамот, кој ми ја стисна десната подколеница која беше под рамот. Значи осети отпор и прикочи инаку, јас ќе бев смачкан, а возачот на џипот и да не беше осуден, ќе беше душевно осакатен доживотно. Значи, ако не гледате напред,а гледате во мобилен или на страна можеби под вашето возило во меѓувреме да паднал човек, дете итн.

Да ја завршам случката. За чудо, успеав да станам, целиот згмечен и во прав, крв од носот, очилата летнати (баш нови и скапи), ама ок беа, лаптопот и мобилниот преживејаа, велосипедот во посмртни остатоци, ама ќе се поправи, велосипедот ем ме турна во смрт, ама и ме спаси. Возачот на џипот ме зема во возилото, велосипедот во багажник и ме однесе дома. Го оставив смачканиот велосипед во гаража, се качив на друг и отидов на седница на Совет на Град Скопјев каде што бев и тргнат, истресов прашина и влегов во 11.30, доцнев 10 минути. По некое време гледам дека ме затега ногавицата кај подколеницата. Оток како тениско топче. На пауза отидов дома да се пресиблечам, кога потколеницата се наду како топка, и почнаа силни болки. Не можев ни до вц да одам без помош. Денес сум подобар, сам се движам, десната потколеница е само двапати подебела од левата, вчера беше трипати подебела и не ме боли. Лесни болки во рамо, колк, носот. Утре и ќе излезам од дома, значи ок сум физички, а психички сум се уште во шок, па затоа ја напишав оваа порака до возачите.”

притисни ентер