Контроверзниот рапер Шон Диди Комбс кој беше уапсен во средината на септември, а Божиќ го помина зад решетки оваа година е во хаос. Тоа што празниците ги поминал во притвор наводно му било многу тешко и како што пренесува Мирор доживеал „нервен слом“.

Диди е во притвор во Њујорк, обвинет за рекетирање, трговија со луѓе со цел сексуална експлоатација и злосторства поврзани со проституција. Освен тоа, неколку лица го обвинија за физичко и сексуално насилство. Се очекува раперот да го чека во притвор неговото судење закажано за 5 мај 2025 година, со оглед на тоа што веќе три пати му била одбиена кауција.

Откако сфатил дека нема да биде надвор од притвор за Божиќ, доживеал нервен слом и ги молел чуварите да го однесат на преглед во затворската болница, што тие го одбиле.

Извори за медиумите изјавија дека Диди верувал дека ќе може да излезе со кауција бидејќи со себе имал „силен правен тим“, што не се случило.

Федерален суд во САД ја потврди пресудата од пет милиони долари кои Џин Керол треба да ги добие според тужбата против Доналд Трамп, откако поротата го прогласи поранешниот претседател за виновен за сексуално злоставување и клевета на поранешната колумнистка на списанието „Ел“.

Одлуката ја донесе тричлен судски совет на Вториот окружен апелациски суд во Менхетен.

Пресудата од мај 2023 година произлегува од инцидент од 1996 година во продавницата „Бергдорф Гудман“ во Менхетен. Керол изјави дека Трамп ја силувал, а тој во октомври 2022 година на мрежата „The Social Truth“ нејзиното тврдење го нарече измама.

Поротата не утврди дека се случило силување, но додели 2,02 милиони долари за сексуален напад и 2,98 милиони долари за клевета. Друга поротај, во јануари 2024 година, пресуди дека Трамп треба да ѝ плати на Керол 83,3 милиони долари за клевета поради изјавите од јуни 2019 година, кога првпат ја негираше нејзината приказна.

Трамп тврдеше дека не ја познава Керол, дека „не е негов тип“ и дека приказната е измислена за да ја промовира својата книга. Тој поднесе жалба за пресудата од 83,3 милиони долари.

Судските процеси продолжуваат и покрај тоа што Трамп повторно беше избран за претседател на изборите на 5 ноември.

-Меѓуетничките односи во Македонија се кревки уште од независноста и секогаш треба да се внимава на тие теми.Многу е важно граѓаните да знаат дали некои работи се поради меѓуетнички тензии или политичка корист.Владејачката коалиција не работи врз основа на притисоци едни кон други. Во нашата предизборна програма уставните измени не беа услов. Како мнозинство имаме заеднички став за уставните измени и бараме гаранции за да го обезбедиме процесот, рече меѓудругото во интервјуто за Канал 5 Гаши.

Во видеото погледнете го целиот разговор на Јован Ѓоргоски со спикерот Африм Гаши.