Македонија

Петровска: ВМРО-ДПМНЕ требаше да ја признае вината за скандалот со македонското знаме

Од една средба, која навидум требаше да биде чекор кон приближување се создаде јаз. Дополнително сега ги гледаме изјавите од политичкиот врв со кои уште повеќе го продлабочуваат тој јаз. 

ВМРО ДПМНЕ требаше да ја признае вината за скандалот со неистакнување на македонското знаме при постетата на претседателката на држвата на Бугарија, да прифаќа критики кои се од важност за државата и да презема конкретни чекори, порача пратеничката од СДСМ, Славјанка Петровска, во емисијата „Само вистина“ на Канал 5.

-Од една средба, која навидум требаше да биде чекор кон приближување се создаде јаз. Дополнително сега ги гледаме изјавите од политичкиот врв со кои уште повеќе го продлабочуваат тој јаз. Несериозно е кога испраќате претседател на државата дури и да нема отворени прашања, да не внимавате на целосниот протокол од почеток до крај, од влегување во границите на таа држава се до заминувањето. Одеднаш ВМРО ДПМНЕ, политичката партија која што 7 години зборуваше и лажеше дека сме ги продавале националните интереси, вели дека СДСМ кревала галама затоа што немало државното знаме. Државното знаме е симбол. Должност на претседателот на државата е да ги штити симболите и интересите на државата. Се додека ВМРО ДПМНЕ ја посочува СДСМ за виновна за се, вклучително и за тоа што им се случува во кабинетите, не може да се каже дека ја научиле лекцијата. За скандалот со знамето и непочитувањето на македонското знаме е виновно ВМРО ДПМНЕ, рече Петровска.

Петровска порача дека ВМРО ДПМНЕ треба да се разбуди од сонот дека е се уште опозиција, да прифаќа критики кои се од важност за државата и да презема конкретни чекори, а не за се и сешто да ја обвинува СДСМ.

-СДСМ е виновен за знамето што го немало во Софија? Зарем СДСМ е виновен и затоа што Мицкоски отиде неспремен во Брисел? Секако не, потенцираше Петровска.

Петровска посочи дека благодарение на Владата на СДСМ, Северна Македонија сега е земја членка на НАТО со започнати преговори со ЕУ.

-Тоа што СДСМ 7 години правела во делот на меѓународна политика е јасно. Седум години СДСМ ја враќаше државата на маса со земјите членки и на НАТО и на Европската унија со таа меѓународна политика. Благодарение на меѓународната политика на владите на СДСМ, денеска сме земја членка на НАТО и започнати преговри со ЕУ, за кои патем Владата на ВМРО ДПМНЕ назначи главен преговарач, рече пратеничката Славјанка Петровска.

Скопје, 21.09.2024

СДСМ

Свет

Видео:Во Техеран на воената парада Иран претстави нов камиказе дрон

Иран ја претстави најновата верзија на својот камиказе дрон на воената парада во Техеран, јави ДПА.

Државната телевизија ИРИБ денеска објави дека дронот Шахед 136-Б има домет од 4.000 километри и е еден од најнапредните дронови во светот.

Иран тврди дека направил голем напредок во производството на дронови во последните години. Се вели дека тие играат централна улога за рускиот агресор во војната во Украина, иако Техеран категорично ги отфрла обвинувањата дека ја снабдува Москва со оружје за нејзината инвазија на Украина, наведува германската агенција.

Иранското Министерство за надворешни работи соопшти дека земјата работи со Москва на воено ниво, но тврди дека тоа не е поврзано со војната во Украина.

Техеран, исто така, вели дека секогаш се залагал за брз крај на војната во Украина и тврди дека ги поддржувал дипломатските мировни иницијативи.

Свет

Најмалку 13 цивили загинаа во израелски воздушен напад врз училиште во Газа

Најмалку 13 цивили загинаа денеска во израелски воздушен напад врз училиште во кое се сместени раселени лица во населбата Ал Зејтун, јужно од градот Газа, јавуваат палестинските медиуми.

Се додава дека десетици цивили претрпеле различни повреди во нападот на училиштето Ал-Фалах во истата населба.

Израелската армија објави дека денеска извршила воздушен напад врз група оперативци на Хамас во командна просторија сместена во поранешно училиште во градот Газа, пишува Тајмс оф Израел.

Според соопштението на израелската армија, Хамас го користел училиштето Ал-Фалах во населбата Зејтун за планирање и извршување напади врз израелската армија и израелската територија.

Израелската војска го обвини Хамас дека „систематски“ користи цивилни локации за терористички акции.

Регион

Вучиќ: Гробот на Тито нема да го преместиме од Куќата на цвеќето

-Никогаш не сум бил љубител на комунистите и на комунистичкиот режим, но Јосип Броз е дел од нашата историја. Тој живеел овде, бил погребан тука и ќе остане дел од југословенската и српската историја, изјави Вучиќ во интервју за Политико.

Гробот на Јосип Броз Тито нема да биде преместен од Куќата на цвеќето во Белград бидејќи Тито е дел од југословенската и српската историја, изјави српскиот претседател Александар Вучиќ, реагирајќи на идејата на белградскиот градоначалник Александар Шапиќ, пренесе Политико.

-Никогаш не сум бил љубител на комунистите и на комунистичкиот режим, но Јосип Броз е дел од нашата историја. Тој живеел овде, бил погребан тука и ќе остане дел од југословенската и српската историја, изјави Вучиќ во интервју за Политико, отфрлајќи ја идејата на градоначалникот на Белград и неговите сопартијци од владејачката Српска напредна партија.

Првиот човек на Белград, избран по неодамнешните избори за кои опозицијата тврдеше дека се украдени, претходно оваа недела ја објави иницијативата за преместување на гробот на југословенскиот претседател Јосип Броз Тито од Музејот на Југославија и гробовите на четворицата народни херои од Калемегдан, велејќи дека „еднаш засекогаш треба да се исчисти од болшевизмот и комунизмот“.

притисни ентер