Регион

Општина Пустец на Меѓународниот саем за туризам „Филоксенија“ во Солун

Општина Пустец учествуваше на 39. Меѓународен саем за туризам „Филоксенија“ во Солун, каде ги презентираше убавините со кои располага Мала Преспа.

- Ова е наше второ учество на оваа значајна манифестација, на која нашиот штанд побудува се поголем интерес а со тоа и посетеноста на странските туристи кај нас е се поголем. Ги презентираме туристичките пакети, промовирајќи ги дестинациите од општината кои се многубројни, рече за МИА, Пали Колефски, градоначалник на Пустец.

Познато е, додава, дека нашата општина има голем број туристички атракции кои треба секој да ги посети.

- Природата ни дарила многу богатства и убавини кои ги надополнуваат културно- историските споменици и божји храмови, што ни ги оставиле во наследство вредните раце на мајсторите. Кој ја посетил оваа област посакал повторно да дојде. Порачувам дека добредојдени се сите, посочува Колефски.

Вели дека на саемот учествувале три дена каде имале одлична можност да ја промовираат, како што вели, нашата прекрасна Преспа.

Свет

Судија го одложи изрекувањето на пресудата на Доналд Трамп

Судијата што го надгледуваше судењето на Доналд Трамп за перење пари, ја одложи неговата пресуда, која што била закажана за следната недела.

Судијата Хуан Меркан го одобри предлогот на Трамп за отфрлање на случајот - наредувајќи им да поднесат документи до 2 декември. Обвинителите добија наредба да одговорат до 9 декември.

Тимот на Трамп сакаше да ги достави своите документи до 20 декември.

Судијата, исто така, се согласи да го одложи одлучувањето за претседателскиот имунитет додека не ги разгледа брифовите на партиите.

Судијата не одредил нов датум на изрекување на пресудата, ниту пак дал дополнителни изјави за одложувањето.

Свет

Гардијан: НАТО и Украина ќе се сретнат во вторник поради рускиот ракетен напад

НАТО и Украина ќе се сретнат во вторник во Брисел за да разговараат за нападот на Русија со хиперсонични ракети со среден дострел, соопштија дипломатите.

Состанокот на советот НАТО-Украина ќе се одржи на амбасадорско ниво и го свика Киев по нападот на градот Днипро, соопштија официјални лица, пренесе Гардијан.

Вчера Русија за прв пат лансираше нова балистичка ракета над Украина.

Украинските воздухопловни сили првично изјавија дека станува збор за интерконтинентална балистичка ракета, која била лансирана од регионот Астрахан, најверојатно од полигонот Капустин Јар.

Рускиот лидер Владимир Путин објави дека руската армија ја нападнала областа Дњепропетровск со ракетен систем со среден дострел Орешник.

Забава

Меси: Се чувствувам како жител на Барселона и сакам да се вратам таму

Легендата на Барселона, Лионел Меси призна дека му недостасува градот и регионот Каталонија.

Аргентинецот ги напушти во 2021 година за да се пресели во ПСЖ, а моментално е фудбалер на американскиот Интер Мајами.

-Моите деца се Каталонци и речиси цел живот го поминав таму. Вистината е дека се чувствувам како жител на Барселона и би сакал некогаш да се вратам овде. Бидејќи на мене, на моите деца и на мојата сопруга ни недостасува Барселона. Направивме многу спомени таму, изјави Меси за каталонското радио „Кат3“.

На 29 ноември, Барселона слави 125 години од создавањето на клубот и според шпанските медиуми, претседателот на Каталонците - Жоан Лапорта, го поканил Меси на прославата. Се вели дека 8-кратниот освојувач на „Златната топка“ се согласил да присуствува.

притисни ентер