Македонија

Одбележани 80 години од загинувањето на 17 тетовски партизани во мавровското село Беличица

Одбележани 80 години од загинувањето на 17 тетовски партизани во мавровското село Беличица и стрелањето на двајца во Тетово.

Во Тетово денеска беше одбележана 80-годишнината од настаните во 1944 година кога загинале и се убиени 19 тетовски партизани. Седумнаесет од нив се убиени во злосторството во мавровското село Беличица, а двајца партизани Андреа Христоски – Шварц и Младен Симоски – Требош, кои биле заробени два дена подоцна, на 21 септември, се стрелани во дворот од црквата „Свети Никола“ во Тетово.

Одбележувањето денеска се одржа во дворот од црквата „Свети Никола“ во Тетово каде се наоѓа и нивното спомен-обележје, пред кое секоја година се оддава почит на жртвите дадени за ослободување од фашистичката окупација. Денес беше извршена и панихида.

-Еве и денеска, на овој ден на Мала Богородица, 21 септември 2024, се собравме како другите минати години, да се потсетиме и да им одададеме почит на Младен Симоски-Требош и Андреа Христовски- Шварц, борци на Третиот Тетовски партизаиски одред, кои на овој датум беа стрелани од страна на балистите на ова место. Сретен Тофилоски, кој имаше девет прострелни рани добиени во село Беличица, беше ослободен од тогашниот командант на балистите со зборовите: „Овој ѓаур куршум не го тепа. Да се однесе на лечење, па да се докрајчи после, посочи во пригодното обраќање и историски час, Јовица Тофиловски.

Тој потсети и на случувањата од 19 септември 1944 година во село Беличица, Гостиварско.

-Борците на Третиот тетовски партизански одред, направија се што беше во нивна моќ за да го одбранат селото од фашистичко-балистичкото насилство. И повеќе од тоа. Се жртвуваа себе си. Ги дадоа своите млади животи спротиставувајќи му се на далеку помногубројниот и подобро вооружен непријател повеќе од шестчасовна борба. И покрај тоа тие им нанеле големи загуби. На бојното поле останаа и животите кои ги положија храбрите момчиња. Тројца партизани беа ранети, а четворица заробени. На боиштето еден покрај друг лежеа работник, земјоделец ученик, Македонец, Албанец, Србин, двајца браќа, нивната сестра, неразделни другари од детството и соученици од тетовските училишта, посочи во пригодното обраќање Јовица Тофиловски.

Организаторите од Сојузот на борци на Народноослободителната и антифашистичка војна на Македонија и граѓаните продолжувачи од Тетово со порака, граѓаните повеќе да ги почитуваат жртвите дадени од македонскиот народ во Втората светска војна.

-Иако се бореа и ги дадоа својот живот за слободата на нашата држава, мислам дека во целост не ја исполнивме нивната цел, нивната оставнина да си ја чуваме нашата држава со сите наши нишани што ги имавме. Поготово, во Тетово во нашиот град, немаме никаква соработка со Општината Тетово. За ниедно чествување, за ниеден празник не ни се излезени во пресрет и остава една горчина за сите нас кои сме следбеници на залогот што го оставија починатите. Би сакала младите, учениците, настојуваме како Општинска организација на Сојуз на борци сите празници кои ни се оставени во аманет да ги испочитуваме и сограѓаните наши да бидат присустни во што е можно поголем број, истакна Лилјана Симовска, претседател на тетовската општинска организација на Сојузот на борците.

Во 1944 година животите ги загубија народните херои Тодор Циповски-Мерџан и Ѓоце Сгојчевски-Амбарче, како и Христо Антевски, Александар Здравковски, Трпе Јовановски-Мишка, Александар Јовановски-Журчин, Борче Кочовски, Љубомир Момировски, Пано Симоски, Саво Тасевски, Благоја Тоскоски-Тоска, сите од Тетово. Загинат е и Мурат Бафтијари од Вејце, двајцата браќа и сестра Драгомир, Љубомир и Љубица Стефановиќ, Боро Вулиќ, Владимир Јањиќ, Михаило Рајчевиќ и Андреа Стојановиќ сите од Брвеница. Во Беличица се убиени и 17 жителите, меѓу кои жени и деца.

Македонија

Во Кавдараци презентиран проектот „safe sity“

 Премиерот присуствуваше и на презентацијата „Safe sity“ во Кавадарци, проект почнат во 2019 година со општински средства и досега се вложени 13 милиони денари, а поставени се вкупно 220 камери..

Премиерот Христијан Мицкоски денеска е во посета на Општина Кавадарци каде присуствуваше на поставување на камен темелник на Дом на култура со спортска сала во селото Дреново.

Премиерот присуствуваше и на презентацијата „Safe sity“ во Кавадарци, проект почнат во 2019 година со општински средства и досега се вложени 13 милиони денари, а поставени се вкупно 220 камери..

Регион

Пленковиќ за извештајот на Фич: Силна порака за хрватската економија

Глобалната рејтинг агенција „Фич“ го зголеми рејтингот на Хрватска од „БББ+“ на „А-“, со стабилна перспектива.

Глобалната рејтинг агенција „Фич“ го зголеми рејтингот на Хрватска од „БББ+“ на „А-“, со стабилна перспектива, нагласувајќи ја отпорноста на хрватската економија на надворешни шокови, намалувањето на јавниот долг и континуираната интеграција во групата земји во јадрото на еврозоната.

Претседателот на Владата на Република Хрватска, Андреј Пленковиќ, одржа конференција за медиумите на таа тема каде го изрази своето задоволство од зголемениот кредитен рејтинг и рече дека тоа е историски високо ниво.

- Тоа е силна порака за хрватската економија, одговорно управување со јавните финансии, економски раст, раст на платите, раст на пензиите, реформи што ги презедовме, одлична апсорпција на европските фондови, подлабока интеграција во еврозоната.

- Подигнување на просечната стапка на раст на Хрватска врз основа на БДП по глава на жител на 76% од просекот на ЕУ до крајот на 2023 година, со очекуван раст од околу 3,5% во 2024 година, практично уште два процентни поени до крајот на 2024 година, што е како ќе стигнеме до 78

Тој додаде дека според „Фич“, Италија, Бугарија, Унгарија, Романија и Грција имаат понизок рејтинг од Хрватска.

- Ние и понатаму сме земјата која најбрзо го крева својот кредитен рејтинг и тоа е многу добро, нагласи тој.

Министерот за финансии Марко Приморац рече дека агенциите за кредитен рејтинг ја проценуваат способноста за правилно сервисирање на долговите, уредното работење, квалитетното управување со јавните финансии и тоа е „одлична потврда за сите нас“.

Регион

Стојков: Извештајот на Советот на Европа за Бугарија, голем чекор за македонското малцинство

Голем исчекор напред е последниот извештај на комитет на министри на Советот на Европа во кој се укажува дека Бугарија сеуште не ги спроведува пресудите на Европскиот суд за човекови права. 

Според првиот човек на ОМО Илинден Пирин Стојко Стојков за да избегне казни бугарија преку разни мерки се обидува да ги одолговлечи своите обврски и последно за да се обезбеди регистрација на македонските здруженија формирана е некаква работна комисија од разни ресори, но од Комитет на министри даден е рок до крајот на декември да се прецизира како ќе им се дозволи на македонското малцинство да регистрираат свои здруженија, нешто што од Стојков е оценето како система дискриминација.

Повеќе од 17 години Бугарија не ги спроведува пресудите на ЕСЧП а од 2016 веќе во Комитетот на министри е јасно дека не се проблем никакви документи на здруженијата туку дека системот на судови, и административни двојни стандарди не дозволува да се регистрираат здруженија на Македонското малциснтво во Бугарија. Ако продолжи да ги игнорира укажувањата на ова високо тело на Советот на Европа, Бугарија може да бидие и исфрлена од него.

Во меѓувреме и Македонскот МНР изрази задоволство од последниот годишен Извештај на Комитетот на министри на Советот на Европа за состојбата со имплементацијата на пресудите на Европскиот суд за човекови права, групата случаи “ОМО Илинден и другите против Бугарија”, во врска со одбивањето на Бугарија да ги регистрира здруженијата на Македонците во државата.

Освен повикот за спроведување на пресудите на ЕСЧП, Комитетот побара од претседавачот да испрати писмо до неговиот бугарски колега, во кое се нагласува потребата да се изнајдат брзи решенија што е оценето како редок ќекор кој досега го преземал комитет на минситри на совето на Eвропа.

притисни ентер