Македонија

Новиот Регионален центар: Револуција во борбата против криумчарењето оружје

Во контекст на непрекинатите безбедносни предизвици во Југоисточна Европа, постигнат е дострел во борбата против транснационалните закани и организираниот криминал.

Денеска, Мисијата на ОБСЕ во Скопје го отвори новиот најмодерен Регионален К9-центар за обука и сертификација во Ѓорче Петров, клучен чекор во борбата против недозволената трговија со огнено оружје во регионот.

Центарот ќе биде средиште за континуирана обука и регионална соработка. Тој е повеќе од надградба – тој вклучува изградба на нови простории за К9 и подобрување на работните услови во постојните простории. Подобрена е и мобилноста на К9-тимовите преку донацијата од 14 специјализирани возила и три приколки, со кои се овозможува побрзи, поефикасни полициски одговори ширум регионот.

Официјалното отворање на Центарот означува почеток на нова ера на оперативна ефикасност и соработка, со долготрајни ефекти врз регионалната безбедност, способностите на органите за спроведување на законот како и партнерствата.

За напорите за подобрување на капацитетите за детектирање МЛО

Подобрувањето на капацитетите за детектирање спаѓа во рамките на вонбуџетскиот проект на Мисијата „Поддршка на националните власти на Република Македонија во намалувањето на ризикот од пролиферација и злоупотреба на малото и лесно оружје (МЛО)“. Финансиран од Белгија, ЕУ, Франција, Германија, Норвешка, Словачка и САД, проектот придонесе за суштински напредок при подобрувањето на капацитетите за детектирање на Единицата за службени кучиња во земјата.

Дознајте повеќе за проектот за МЛО овде.

Фудбал

Нејмар повторно тренира по едногодишна пауза

Бразилскиот напаѓач Нејмар се врати на колективните тренинзи на саудискиот фудбалски клуб Ал Хилал, по речиси една година пауза поради тешката повреда на левото колено.

Триесетидвегодишниот бразилски фудбалер му се приклучи на Ал-Хилал во август 2023 година од ПСЖ, но ги повреди вкрстените лигаменти и менискусот на 17 октомври на квалификацискиот натпревар за Светското првенство 2026 меѓу Бразил и Уругвај.

„Среќен сум што се вратив“, напиша Нејмар на португалски на својот Инстаграм профил каде објави фотографии од тренингот со соиграчите.

Нејмар почна со индивидуални тренинзи во јули.

Неговото официјално враќање „зависи од неговата техничка подготовка и одлуката на тренерот“, изјави претставник на Ал Хилал. /МИА

Македонија

Средба на градоначалникот на Тетово, Касами и францускиот амбасадор Ле Риголер

Една од клучните теми што се дискутираше беше значењето на изучувањето на францускиот јазик во основните училишта во општина Тетово.

Градоначалникот на Општина Тетово, Биљал Касами денеска остварил средба со новиот амбасадор на Република Франција во Македонија, Кристоф Ле Риголер, на која биле разгледани повеќе теми кои ја опфаќаат актуелната состојба и политичките случувања во државава, како и прашања поврзани со соработката меѓу општината и Француската амбасада.

- Една од клучните теми што се дискутираше беше значењето на изучувањето на францускиот јазик во основните училишта во општина Тетово. Францускиот јазик е приоритет во образованието на децата од Тетово веќе долг период, а двете страни се согласија за потребата од продолжување на оваа богата културна традиција. Амбасадорот Кристоф Ле Риголер ја изрази својата подготвеност да ги поддржи напорите на општината за унапредување на наставата по француски јазик, нагласувајќи ја важноста не само за образованието, туку и за културниот и меѓународниот развој на градот, соопштија од Општина Тетово.

Градоначалникот Касами ги истакнал позитивните искуства од досегашната соработка со Амбасадата на Франција, високо оценувајќи ја континуираната поддршка и изразувајќи интерес за понатамошно продлабочување на соработката во различни области.

Македонија

Токсини од стафилококус најдени во бомбиците во ОУ „Ѓорѓија Пулевски“

Од Институтот за јавно здравје за Канал 5 потврдија дека токсини од стафилококус најдени во бомбиците во ОУ „Ѓорѓија Пулевски“.

Во ова училиште 140 деца од прво до трето одделние се затруле откако на 26 септември јаделе муска и бомбици.

Од ИЈЗ потврдија дека токму во бомбиците се пронајдени токсини од стафилококус.