„Шаоми“ ја претстави „14-T“ линијата паметни телефони

Кинескиот технолошки гигант „Шаоми“ (Xiaomi) ја претстави најновата „Шаоми 14-T“ линија паметни телефони, наменета за љубителите на фотографијата.

Имено, имајќи го предвид фотографирањето со паметен телефон со нагласка на ноќното сликање, „14-T“ е надополнет со предностите на вештачката интелигенција. Со оваа напредната технологија, корисниците ќе може да уживаат во јасни, живописни слики, и дење и ноќе. Комбинирајќи елегантен дизајн, „Медијатек“ (MediaTek) процесор и „АМОЛЕД“ дисплеј, новиот телефон нуди интеграција на функционална ВИ и неспоредливо искуство во однос на претходните уреди.

Понудата за „14-T“ вклучува меморија од 12 плус 256 ГБ, додека „14-T про“ оди со меморија од 12 плус 512 ГБ.

„Шаоми 14-T“ ќе биде достапен во „титан-сина“, „лимон-зелена“ и „титан-црна“ боја. Надградениот „14-T про“ доаѓа во „титан-сина“ и „титан-црна“ боја. Оновната цена е 899 евра.

САД се обидуваат да обезбедат дополнителни летови од Либан

САД работат на тоа да ги извлечат своите граѓани од Либан додека Израел продолжува со нападите врз земјата.

Американската амбасада во Бејрут соопшти дека работи со авиокомпании за да обезбеди дополнителни летови. Американските граѓани веќе беа повикани да избегнуваат патување во Либан или веднаш да го напуштат Либан доколку се таму.

„Поради зголемената нестабилност по воздушните напади во Бејрут и непредвидливата безбедносна ситуација низ Либан, Амбасадата на САД ги повикува американските граѓани да го напуштат Либан додека се уште се достапни комерцијалните опции. Моментално се достапни комерцијални летови, но со намален капацитет. Ако безбедносната ситуација се влоши, опциите за комерцијално заминување би можеле да станат недостапни“, се вели во официјалниот совет./МИА

Новиот Регионален центар: Револуција во борбата против криумчарењето оружје

Во контекст на непрекинатите безбедносни предизвици во Југоисточна Европа, постигнат е дострел во борбата против транснационалните закани и организираниот криминал. 

Денеска, Мисијата на ОБСЕ во Скопје го отвори новиот најмодерен Регионален К9-центар за обука и сертификација во Ѓорче Петров, клучен чекор во борбата против недозволената трговија со огнено оружје во регионот.

Центарот ќе биде средиште за континуирана обука и регионална соработка. Тој е повеќе од надградба – тој вклучува изградба на нови простории за К9 и подобрување на работните услови во постојните простории. Подобрена е и мобилноста на К9-тимовите преку донацијата од 14 специјализирани возила и три приколки, со кои се овозможува побрзи, поефикасни полициски одговори ширум регионот.

Официјалното отворање на Центарот означува почеток на нова ера на оперативна ефикасност и соработка, со долготрајни ефекти врз регионалната безбедност, способностите на органите за спроведување на законот како и партнерствата.

За напорите за подобрување на капацитетите за детектирање МЛО

Подобрувањето на капацитетите за детектирање спаѓа во рамките на вонбуџетскиот проект на Мисијата „Поддршка на националните власти на Република Македонија во намалувањето на ризикот од пролиферација и злоупотреба на малото и лесно оружје (МЛО)“. Финансиран од Белгија, ЕУ, Франција, Германија, Норвешка, Словачка и САД, проектот придонесе за суштински напредок при подобрувањето на капацитетите за детектирање на Единицата за службени кучиња во земјата.

Дознајте повеќе за проектот за МЛО овде.

И Флајдубаи ги суспендира летовите до Бејрут до 3 октомври

Авиокомпанијата „Флајдубаи“ од Обединетите Арапски Емирати соопшти дека поради „тековните случувања“ донела одлука привремено да ги прекине летовите меѓу Дубаи и Бејрут.

- Продолжуваме внимателно да ја следиме ситуацијата и соодветно ќе го измениме нашиот распоред на летови, се вели во соопштението.

Емиратс Ерлајнс, Иран Ер, Ер Алжир, Ер Франс и Туркиш ерлајнс се меѓу другите авиокомпании кои привремено ги прекинаа летовите за Бејрут./МИА

притисни ентер