Властите воведоа безбедносна блокада во изминатите два дена за да ги спречат демонстрантите, кои Кан ги повика да маршираат до парламентот и да одржат демонстрации за да побараат негово ослободување, додека автопатите што водат во градот се блокирани.

Владата употреби бродски контејнери за блокирање на главните патишта и улици во Исламабад, повеќето од нив засилени со патроли на голем контингент на полициски и паравоени сили во опрема за немири.

Официјални лица објавија дека целиот јавен превоз меѓу градовите и терминалите во источната провинција Пенџаб е прекинат за да се спречат демонстрантите, предводени од членовите на партијата на Кан, пакистански Терек-е-Инсаф (ПТИ).

„Нема да дозволиме да го нападнат главниот град“, рече провинциската министерка за информации Узма Бухари, додавајќи дека околу 80 приврзаници на Кан се уапсени.

Кан беше сменет од власта во 2022 година откако дојде до судир со пакистанската војска и се соочува со обвиненија од корупција до поттикнување насилство, што тој и неговата партија ги негираат./МИА

-Целото братство на Бигорскиот манастир, на чело со нашиот Старец и Игумен, Епископот Антаниски г. Партениј, со синовска љубов изразува искрено сочувство до целото свештенство, монаштво и верниот народ на Епархијата, како и до сите кои го познаваа и го љубеа нашиот Митрополит. Молитвите кон Господа во нашите срца сега се насочени за упокојување на неговата душа во вечните дворови на праведниците. Добриот наш Бог нека го удостои со Царството Небесно и со учество во вечната радост на светлината Христова. Вечен спомен и добар Ти Рај, сакан наш архипастиру, стои во објавата.

Со љубов, молитви и вечна благодарност „те испраќаат во Христовите прегратки Твоите духовни синови и внуци, твоите монаси и монахињи од Бигорски, Рајчица, Пречиста и Кнежино“.

-Како верен служител на Црквата Христова, дедо Тимотеј целиот свој живот го посвети на Господа, оставајќи зад себе неизбришлива трага со својата разборитост, пастирска љубов и грижа за духовното спасение на довереното му стадо. Неговото архипастирско служење беше светло сведоштво на послушноста кон Божјата волја и на ревноста во проповедањето на Евангелието, се наведува во објавата.

Се нагласува дека Митрополитот Тимотеј ќе остане запаметен како монахољубив пастир, со чиј благослов и пастирска слобода и грижа се возобнови и зацврсти монаштвото во нашата богочувана епархија. Неговата љубов кон монаштвото и кон црковниот клир, човечноста и расудувањето што ги пројавуваше во секоја клучна ситуација, беа вистински сведоштва на неговата духовна зрелост и вдахновена мудрост. /МИА

Претседателката на Народното собрание на Србија, Ана Брнабиќ, во врска со денешните настани во Собранието, каде дојде до физичка пресметка на пратениците од владаечката коалиција со опозицијата и прекин на работата на парламентот, рече дека вакво газење на достоинството на парламентот немало освен на 5 октомври 2000 година, јави дописникот на МИА од Белград.

-Морам да констатирам дека вакво газење по достоинството не е забележано во историјата на овој дом освен на 5 октомври кога го запалија, рече Брнабиќ на прес-конференција во салата на Собранието, додека претставниците на опозицијата го прекинуваа нејзиниот говор со свирежи.

За употребата на свирежите од опозицијата, Брнабиќ рече дека вака изгледа слободата на говор во нивното толкување.

-Вака би изгледала Србија и ги прашувам граѓаните кои го сакаат ова, дали има луѓе во Србија кои сакаат вакво нешто, рече таа.

Таа изјави дека некои луѓе во Приштина го посакуваат таквото однесување, вклучително и „привремените институции на премиерот на Приштина“, Албин Курти.

-Курти со нетрпение го очекува ова, Слободна Босна ќе ги слави, како и хрватските медиуми, некои други луѓе, некои други земји кои не сакаат мирна, стабилна и просперитетна Србија, нагласи Брнабиќ.

И покрај прекинот, претседателката на Собранието, Ана Брнабиќ, потоа ја продолжи седницата на која беа разгледани сите точки од дневниот ред. Бидејќи никој не излезе да зборува Брнабиќ ја заврши расправата за предлог-законот за буџетот и другите точки од денешниот дневен ред. /МИА