Врховниот суд на Шпанија денеска ги потврди налозите за апсење на поранешниот лидер на Каталонија и неговите соработници обвинети за проневера во врска со неуспешниот обид за отцепување на регионот, одлучувајќи дека неодамна донесениот закон за амнестија не се однесува на нив.

Одлуката која може да се обжали може да ја урне кревката шпанска социјалистичка коалиција и да има лични импликации за поранешниот каталонски лидер Карлес Пуџдемонц, кој живее во самонаметнат егзил во Франција.

Законот за амнестија, донесен на 9 мај, имаше за цел да ги амнестира учесниците во обидот за независност на Каталонија во 2017 година во замена за клучна поддршка од сепаратистичките партии за новиот мандат на премиерот Педро Санчез по неубедливите парламентарни избори.

Истражниот судија Пабло Ларена рече дека сепак ќе бара апсење на Пуџдемон и неговите поранешни заменици Антонио Комин и Луис Пуиг, кои беа одговорни за каталонското здравје и култура.

Доколку партијата Јунтс на Пуџдемон ја одбие поддршката за законите како што е буџетот за 2025 година, Санчез нема да може да владее и ќе мора да се распишат нови избори. Политичарите и активистите вклучени во каталонското движење за независност се соочуваат со обвиненија како што се нарушување на јавниот ред и мир, непослушност и проневера.

Имено, законот предвидува два исклучоци за проневера, така што амнестијата не важи за оние кои делото го сториле со цел лично богатење или ако тоа предизвикало штета на финансиските интереси на ЕУ.

Судијата Ларена смета дека Пуџдемон, Комин и Пуиг го направиле токму тоа. Тој објасни дека оствариле лична корист со наплата на трошоците за одржување на референдумот, што шпанското правосудство го смета за незаконско, во регионалната каса, што според него не е во јавен интерес.

Тврдат дека референдумот не бил незаконски и затоа обвинувањата се неосновани. Референдумот, исто така, им наштети на финансиските интереси на ЕУ, тврди судијата, бидејќи отцепувањето на Каталонија ќе влијае на наплатата на даноците и националниот БДП на Шпанија.

Пресудата е удар за Пуџдемон, кој се надеваше дека амнестија ќе го ослободи од сите обвиненија во Шпанија и ќе му овозможи да се врати дома.

Имаме големи планови врзани за подигнување на квалитетот на воспитно - образовниот процес, а во рамки на сето тоа, еден од фокусите ќе биде и враќање на вашиот дигнитет, достоинство и подобар статус во општеството. Ова во видео обраќање пред наставници, го истакна министерката за образование и наука проф. д-р Весна Јаневска на отворањето на Синдикалните спортски игри на СОНК што денеска и утре се одржуваат во Струга.

„Основното образование е приоритет, мој како министерка, и на Владата. Но, ниту една промена нема да се случи без вас. Затоа што сте најважната алка во воспитно образовниот процес и јасно е дека ако не сме на иста страна, ако немаме усогласен став, нема да има успех. Затоа најавив и повторувам - ништо нема да правиме без ваша согласност, на сила или пак инкогнито. Помина тоа време“, рече Јаневска, додавајќи дека активно ќе работи во интерес на наставниците, но заеднички фокус треба да бидат младите.

„Ако треба нешто да издвојам, тоа сигурно е потпишувањето нов колективен договор за основно и средно образование и тоа ќе се случи во текот на мандатот на оваа Влада. Пред неколку дена ја остваривме првата средба и начнавме првична дискусија со раководството на СОНК и заедничка заложба е да создадеме повеќе можности за вас“, нагласи Јаневска.

Министерката информираше дека ќе бидат елиминирани оние аспекти на Концепцијата за основно образование кои иницираат незадоволство кај наставниците, учениците и родителите, но и како што рече, ќе го продолжиме и надградиме тоа што е добро и токму вие сте го оцениле како такво. Информираше дека ќе се организираат и повеќе обуки кои се од интерес на наставниците, ќе се работи на обезбедување учебници за сите ученици, а меѓу приоритетите ќе бидат и дигитализацијата и инклузијата на образовниот систем, бидејќи компарациите со земјите од регионот, покажуваат дека доцниме.

Ги повика наставниците за време на собирот да споделуваат добри искуства и практики и да споделуваат информации и идеи со неа, бидејќи, посочи таа, секоја идеја вреди да се разгледа и размисли за ефектите и начинот на имплементација.

Министерство за образование и наука

На средбата, министерот Муцунски, го нагласи силниот фокус на новата Влада за забрзување на евроинтегративниот процес на земјата и испорачување на реформи кои ќе значат опиплив напредок за граѓаните, пред се во делот на обезбедување економски развој и унапредување на владеењето на правото и борбата со високата корупција.

Муцунски упати благодарност и за континуираната поддршка од Европската унија за реформските процеси, нагласувајќи дека земјата ќе продолжи посветено да работи заедно со ЕУ во духот на партнерството и заедничките вредности.

На работната средба беше истакната и важноста на евроинтегративниот процес за стабилноста на регионот и, во таа смисла, потребата од што поскоро интегрирање на земјите од Западен Балкан во ЕУ имајќи го предвид актуелниот геополитички контекст. Во таа смисла, беше поздравен и неодамна донесениот План за раст за Западен Балкан како значаен политички и финансиски влог на ЕУ кој треба да внесе дополнителен поттик на патот кон остварување на крајната цел за полноправно членство во ЕУ, соопшти МНР.