Свет

Шпанскиот Врховен суд ги поддржа налозите за апсење на каталонските сепаратисти

Врховниот суд на Шпанија денеска ги потврди налозите за апсење на поранешниот лидер на Каталонија и неговите соработници обвинети за проневера во врска со неуспешниот обид за отцепување на регионот.

Врховниот суд на Шпанија денеска ги потврди налозите за апсење на поранешниот лидер на Каталонија и неговите соработници обвинети за проневера во врска со неуспешниот обид за отцепување на регионот, одлучувајќи дека неодамна донесениот закон за амнестија не се однесува на нив.

Одлуката која може да се обжали може да ја урне кревката шпанска социјалистичка коалиција и да има лични импликации за поранешниот каталонски лидер Карлес Пуџдемонц, кој живее во самонаметнат егзил во Франција.

Законот за амнестија, донесен на 9 мај, имаше за цел да ги амнестира учесниците во обидот за независност на Каталонија во 2017 година во замена за клучна поддршка од сепаратистичките партии за новиот мандат на премиерот Педро Санчез по неубедливите парламентарни избори.

Истражниот судија Пабло Ларена рече дека сепак ќе бара апсење на Пуџдемон и неговите поранешни заменици Антонио Комин и Луис Пуиг, кои беа одговорни за каталонското здравје и култура.

Доколку партијата Јунтс на Пуџдемон ја одбие поддршката за законите како што е буџетот за 2025 година, Санчез нема да може да владее и ќе мора да се распишат нови избори. Политичарите и активистите вклучени во каталонското движење за независност се соочуваат со обвиненија како што се нарушување на јавниот ред и мир, непослушност и проневера.

Имено, законот предвидува два исклучоци за проневера, така што амнестијата не важи за оние кои делото го сториле со цел лично богатење или ако тоа предизвикало штета на финансиските интереси на ЕУ.

Судијата Ларена смета дека Пуџдемон, Комин и Пуиг го направиле токму тоа. Тој објасни дека оствариле лична корист со наплата на трошоците за одржување на референдумот, што шпанското правосудство го смета за незаконско, во регионалната каса, што според него не е во јавен интерес.

Тврдат дека референдумот не бил незаконски и затоа обвинувањата се неосновани. Референдумот, исто така, им наштети на финансиските интереси на ЕУ, тврди судијата, бидејќи отцепувањето на Каталонија ќе влијае на наплатата на даноците и националниот БДП на Шпанија.

Пресудата е удар за Пуџдемон, кој се надеваше дека амнестија ќе го ослободи од сите обвиненија во Шпанија и ќе му овозможи да се врати дома.

Свет

Масовна тепачка меѓу туристи на Монт Еверест- летаат тупаници, а причината е смешна (ВИДЕО)

Неверојатна сцена е снимена на 25 јуни на Монт Еверест кога туристите се судриле на видиковецот 8848, па морала да реагира граничната полиција.

Масовната тепачка ја снимиле присутните планинари, а кога ќе слушнете што го предизвикало инцидентот, нема да поверувате.

Сè започнало кога два пара решиле да се фотографираат на точка со поглед, но не можеле да се договорат каде да застанат!

Работата да биде уште полоша, туристички водич им побарал фотографија, пишува Њујорк пост.

Расправијата брзо прераснала во физичка пресметка, а се вмешале и две жени.

На крајот интервенирале локалните власти, а учесниците во инцидентот биле приведени.

За потсетување, на туристите од април им е дозволено да се искачуваат на највисокиот врв на планетата, но гужвите станаа вистински проблем.

Свет

Израелската амбасадорка Франкел, гостин во Вестите на Канал 5

Израел никогаш повеќе нема да дозволи напад или повторно владеење на Хамас во Појасот Газа, вели израелската амбасадорка Симона Франкел во ексклузивно интервју за Канал 5, во кое отворено говори за случувањата на Блискиот исток.

„Ситуацијата во Израел е многу комплицирана по 7 октомври 2023 година. Ние бевме изненадно нападнати. Тоа беше доста брутален напад. Хамас нападна градови из аедници по границата со Газа каде живеат цивили. Исто така нападнаа и некои воени бази. Но, злосторствата кои ги направија во градовите и во заедниците, се многу тешки да се замислат за човеково суштество. Убиваа деца пред своите родители, убиваа родители пред своите деца. Сексуално злоупотребуваа мажи, жени. Киднапираа над 240 заложници. Убија луѓе кои прославуваа на мировен фестивал, музички фестивал на кој се повикуваше на мир.“, изјави амбасадорката на Израел.

„Израел, владата на Израел и државата Израел има право на самоодбрана и да гарантира дека тоа што се случи на 7 октомври нема да се повтори. И поради таа причина продолжуваме да се бориме против Хамас бидејќи нема да дозволиме Хамас повторно да владее во Газа. Не смееме да дозволиме, било кој да го повтори истото нешто повторно. И сигурни сме дека доколку повторно дојдат на власт во Појасот Газа ќе се обидат да ги повторат овие злосторства и нема да имаме никаков мир и стабилност во регионот.“, рече Франкел во интервјуто.

„Истото се однесува и за северот на државата. Таму Хезболах продолжува да напаѓа села, заедници. Не извршија инвазија врз територијата, но во исто време ги уништуваат тие села и заедници и имаме над 60 илјади бегалци.“, додаде амбасадорката Франкел во ексклузивното интервју за Канал 5. Со неа разговараше Јован Ѓорговски.

Шоу биз

Пинк морала да откаже концерт поради здравствени причини- испрати порака до фановите

Американската ѕвезда Пинк го откажа настапот во Швајцарија поради лоша здравствена состојба.

Во рамките на летната турнеја Пинк требаше да настапи на стадионот Ванкдорф во Берн, но тоа не се случи.

Таа на своите следбеници на социјалната мрежа Инстаграм им се обрати со следниве зборови:

- Многу ми е жал што морав да го откажам настапот. Правам сѐ за да настапувам за вас секоја вечер, но откако се консултирав со докторот и ги разгледав сите опции, ми рекоа дека не можам да го одржам овој концерт - изјавила Пинк, што ги растажило нејзините фанови.

-Ви испраќам на сите љубов и здравје и навистина се надевам дека наскоро повторно ќе се видиме - напишала Пинк, но не кажала што точно е здравствениот проблем.

притисни ентер