Наоми Кембел потврди дека синот и ќерката ги добила со помош на сурогат мајка

Наоми Кембел во интервју за Тајмс потврди дека двете деца ги добила преку сурогат мајка.

Таа добила ќерка во мај 2021 година, а син во јуни минатата година. Но, 54-годишната манекенка се уште избегнува да ги споменува нивните имиња и родендени. "Моите деца се за мене, поради нив се надевам на подобар свет. Тие ми се најголем приоритет и морам секогаш да бидам тука за нив", изјавила Наоми.

Таа додаде дека е среќна што е самохрана мајка и откри дека многу млади жени ѝ кажале дека не сакаат да имаат деца бидејќи немаат доволно пари за да ги издржуваат. "Им реков дека ќе се предомислат и дека сакаат да бидат мајки. Разбирам дека е тешко, но мајка ми немаше ништо и успеа. Навистина вреди", рекла Наоми.

Манекенката досега не зборувала многу за мајчинството. Таа призна дека многу малку луѓе во нејзиниот круг на пријатели и членови на семејството знаеле дека таа планира да стане мајка. Многумина беа изненадени кога таа објави дека го родила своето прво дете.

"Моето девојче не е посвоено. Таа е мое дете. Можам да избројам на прстите од едната рака колку луѓе го знаеја тоа. Таа е мојот најголем благослов и најдоброто нешто што ми се случи", изјави Кембел тогаш за Vogue.

Најмалку 32 Палестинци загинаа во израелските напади врз Рафа

Најмалку 32 Палестинци загинаа денеска во нападите на израелските сили врз Рафа во јужниот дел на Појасот Газа, како и врз други области низ енклавата, јавија светските агенции, повикувајќи се на жители на Рафа и израелската армија (ИДФ).

Жителите велат дека Израелците изгледа се обидуваат да го завршат заземањето на Рафа, кој е во фокусот на израелската офанзива од почетокот на мај.

Тенковите се пробиваат во западните и северните делови на градот, а израелските војници веќе ги окупираа истокот, југот и центарот.

Израелските сили нападнаа од авиони, тенкови и бродови од брегот, предизвикувајќи нов бран на раселување од градот, кој засолни повеќе од милион раселени лица, од кои повеќето беа принудени повторно да избегаат. /МИА

Во Сенатот на САД поднесен нацрт-закон за прогласување на Русија за држава спонзор на тероризмо

 Во Сенатот на САД е поднесен нацрт - закон за прогласување на Русија за држава спонзор на тероризмот. Документот беше претставен синоќа од сенаторот републиканец Линдзи Грем и неговиот демократски колега Ричард Блументал.

Според мислењето на авторите на оваа иницијатива, со давањето таков статус на Русија „САД значајно ќе го зголемат достапот до инструменти за казнување“ на рускиот претседател Владимир Путин за војната во Украина, „деструктивните дејствија во Африка“ и низ целиот свет.

Грем изјави дека неодамнешниот договор на Русија за воена алјанса со Северна Кореја, „еден од најрепресивните режими на планетата“, е последна капка и САД повеќе не треба да бидат да се воздржуваат во своите оценки.

-Ја повикувам администрацијата да го земе во предвид она што Путин го направи на 19 јуни, да игра само на таа карта и да признае дека неговиот режим е таков како што е: држава спонзор на тероризмот, изјави сенаторот.

Блументал истакна дека Русија го „заслужила“ своето место во „клубот на земји отпаднички“, со тоа што разврза „жестока кампања на насилство и агресија“ во Украина причинувајќи многубројни ѕверства и злосторства против човештвото, сеејќи ужас и смрт меѓу илјадници невини мирни жители“.

-Признавањето на Русија држава спонзор на тероризмот ќе овозможи САД да водат поагресивна борба со жестокоста на Путин како и со заканата што тој ја претставува за слободата и демократијата, истакна сенаторот.

Ако биде усвоен овој законски проект, тоа ќе овозможи воведување пожестоки санкции против Русија и засилување на борбата со избегнување на веќе актуелните ограничувачки мерки, се вели во документот. /МИА

Хоџај: Курти и Вучиќ го користат северот на Косово за да ја задржат власта

Хоџај, кој е и поранешен министер за надворешни работи на Косово, изјави дека косовскиот премиер го искористил северот на Косово како платформа за консолидирање на својата власт.

Потпретседателот на Собранието на Косово и Член на Претседателството на опозициската Демократска партија на Косово (ПДК), Енвер Хоџај, во врска со ситуацијата на северот на државата и прашањето за Заедницата на општини со српско мнозинство, вели дека премиерот Албин Курти во овие три години владеење делувал „целосно спротивно на меѓународните трендови и геополитичките промени“, јави дописникот на МИА од Приштина.

Хоџај, кој е и поранешен министер за надворешни работи на Косово, изјави дека косовскиот премиер го искористил северот на Косово како платформа за консолидирање на својата власт.

- Со војната во Украина, со војната во Газа, со евентуална војна во Тајван, меѓународниот поредок се распаѓа и господинот Курти дејствуваше целосно во спротивна насока од меѓународните трендови, од геополитичките промени, а пред се решил во име на една политика да го користи северот на Косово како платформа за консолидирање на својата власт, се цитира Хоџај од приштинскиот портал „Телеграфи“.

Според поранешниот шеф на косовската дипломатија. денес ситуацијата на северот на земјата им помага на Курти во Приштина и на српскиот претседател Александер Вучиќ во Белград да останат на власт.

Хоџај нагласи дека кога неговата партија била на власт, никогаш не ја искористила ситуацијата на северот на земјата за политички популизам.

- Ние (ПДК) дејствувавме во однос на северот на Косово, демонтирајќи паралелни структури, борејќи се против криминалот и организираниот криминал на северот на земјата, правејќи сé за да ја заокружиме државноста на Косово на северот на земјата, интегрирајќи ја српската заедница. Никогаш не сме ја искористиле ситуацијата на северот на Косово за политички популизам. Ова што се случува на северот на земјата не е во прилог на националниот интерес на косовската држава, рече Хоџај./МИА

притисни ентер