Барањето за гласање недоверба на Владата го потпишаа 31 пратеник од опозицијата, а за него ќе се расправа во вторник во хрватскиот Сабор (собрание).

„Како Влада, минатиот петок на телефонска седница веќе го кажавме своето мислење за предлогот да се постави прашањето за доверба на мене, како претседател на Владата. Ќе ги отстраниме сите нивни клеветнички намери. Исто така, во овој момент ја завршивме првата фаза од назначувањето на министер за здравство. Докторка Ирена Хрстиќ и јас во вторникот бевме пред Комитетот. Во ист тон, како и ова памфлетче, беше оркестрираниот напад на опозицијата, рече Пленковиќ и изрази увереност дека д-р Хрстиќ ќе биде изгласана за министерка за здравство и дека Владата ќе биде комплетирана.

Опозициската СДП покрена иницијатива за гласање недоверба на Владата по приведувањето на министерот за здравство, Вили Берош, под сомнение дека е вмешан во корупција во здравството./МИА

Триесет и тригодишната Катрин Иванова, 30-годишната Вања Габерова и 39-годишниот Тихомир Иванчев се изјаснија за невини по обвиненијата за заговор за шпионажа, и меѓу себе и со други, вклучително и руски агент познат како Ричард Тич.

Иванова се изјасни и за невина за поседување лажни лични документи.

На почетокот на седницата на лондонскиот суд, обвинителката Алисон Морган рече дека уште двајца мажи - Орлин Русев и Бисер Џамбазов, признале дека биле дел од шпионскиот заговор.

-Помеѓу 2020 и 2023 година овие обвинети, заедно со голем број други лица, шпионирале за Русија. Сите знаеја зошто им беше наредено да ги извршуваат своите операции. Нивните активности беа преземени директно и индиректно во корист на Русија, рече Морган.

Според Морган, групата вршела надзор, користела лажни идентитети и висока технологија и изготвувала детални извештаи во замена за значителни суми пари.

Случајот доаѓа во време кога односите на Велика Британија со Русија се најнепријателски во последните децении поради инвазијата на Москва на Украина и поради извештаите дека британските ракети со долг дострел се користени на руска територија.

Русија во вторникот протера британски дипломат обвинет за шпионажа, а во октомври шефот на британското домашно разузнавање ги обвини руските разузнавачки служби дека се обидуваат да „нанесат хаос“. /МИА

-Администрацијата на кипарските Грци во моментов нема апликација за членство во НАТО, но дури и нејзиниот обид е неприфатлив развој на настаните за Турција, изјавија за ДПА извори од турското Министерство за одбрана.

Таквиот обид ќе ја „наруши деликатната рамнотежа“ во Кипар и „негативно ќе влијае на преговарачките процеси насочени кон решение“, рече изворот од Министерството.

Турција потсетува дека одлуките за проширување на НАТО се донесени едногласно и врз основа на „грижата за национална безбедност“ на членките, додаваат изворите. /МИА