Македонија

Муцунски: Подготвена нацрт - верзијата на Законот за надворешни работи

 Подготвена нацрт - верзијата на Законот за надворешни работи, која наскоро ќе биде презентирана во јавноста.

-Министер за надворешни работи и надворешна трговија (МНР и НТ), Тимчо Муцунски, денеска изјави дека е готова нацрт верзија на Законот за надворешни работи, кој што наскоро ќе биде презентиран пред јавноста во редовна постапка и којшто има за цел да ги интегрира новите формални надлежности коишто ова Министерство ги превзема со Законот за организација и работа на органите на државната управа.

-Излегуваме надвор од рамките на таа конвенционална политика и ќе работиме нешто многу повеќе од тоа што е економска дипломатија. Баш пред да бидам присутен на овој настан, бев на состанок на работна група во МНР и надворешна трговија каде што веќе имаме готова нацрт верзија на Законот за надворешни работи, кој што наскоро ќе биде презентиран пред јавноста во редовна постапка и којшто има цел да ги интегрира сите овие формални надлежности коишто се превземаа со Законот за организација и работа на органите на државната управа. И тоа е тоа што ќе ни овозможи полесно да ги ангажираме нашите ДКП, за конечно тие да бидат поактивни и поангажирани во привлекувањето на инвестициите, но и во промовирањето на одредени извозни капацитети коишто државата ги има, за да создадеме повеќе работни места, повеќе добро платени работни места во државата, рече Муцунски на настанот во Свечена сала на Владата во рамки на Платформа: 100% посветени за тебе, на тема „Унапредување на дипломатијата и надворешната трговија, интеграцијата во ЕУ и дигитална трансформација“.

На настанот на кој учествуваат и министерот за европски прашања Орхан Муртезани и Стефан Андоновски, министерот за дигитална трансформација, Муцунски најави дека се работи и на спојување на Агенцијата на привлекување на странски инвестиции и Дирекцијата одговорна за ТИРЗ.

-Истовремено работиме на спојување на неколку ангенции. Тоа е Агенцијата на привлекување на странски инвестиции и Агенцијата која што е одговорна за ТИРЗ односно Дирекцијата, во една институција која што ќе има надлежност усогласена со политиките коишто ќе се креираат во МНР и НТ, да ја промовира државата како потенцијална дестинација за привлекување инвестици, но истовремено таа една иста инстистуција да соработува со сите други, со сите инвеститори по нивното присуство во државата. За жал имавме до сега пристап еден којшто не овозможуваше најдобри услови за инвеститорите посебно по нивнто доаѓање во државата. И затоа мораме да работиме на креирање на добри политики од таа гледна точка. Јас гарантирам дека Министерството ќе биде креатор на политики коишто ќе обезбедат повисоки стандарди на ова поле, ќе имаме зголемен ангажман, нашите ДКП веќе од следниот период ќе бидат дополнително ангажирани, рече Муцунски.

Тој кажа дека веќе имаат и голем број конкретни ангажмани коишто ги имаат преземено во последннот период, како разговори со повеќе инвеститори. -Дел веќе се обврзаа за инвестици во државата и работиме заедно со нашите стопански комори и со нашите претприемачи да ја промовираме македонската економија и сите извозни капацитети коишто истата ги има, рече Муцунски.

Живот

Воз удри во крдо слонови и излетал од шините- мртвите животно останаа на пругата (ВИДЕО)

Цистерна воз полн со гориво налетал на стадо диви слонови во североисточниот дел на Шри Ланка.

При тоа биле убиени две животни, а едно е повредено.

Од силината на ударот композицијата излетала од шините, а снимката снимена на околу 200 километри од главниот град Коломбо, е страшна.

Несреќата се случила во близина на познатиот природен парк Минерија, а машиновозачот открил дека стадо од дваесетина слонови ненадејно се обиделе да ја преминат железничката пруга.

„Ништо не можевме да направиме. Беа 10 метри пред нас. Стиснав на сопирачките, но безуспешно. Најмалку четири слона беа соборени“, објаснил Н.В.

Локалните медиуми јавуваат дека возот имал осум цистерни, секој со капацитет од 50.000 литри. Пет превезувале дизел, а три бензин.

Две цистерни излетале од шините, имало истекување, а властите биле принудени да го запрат сообраќајот во областа, пренесува New York Post.

Покрај двајцата машиновозачи, во возот имало уште двајца железничари, а никој од нив не е повреден.

„Дојдовме овде откако слушнавме страшна бучава. Видовме слонови како лежат покрај шините и уништен воз“, изјави локалниот жител Ви Џеј Џексон.

Надлежните соопштија дека два слона загинале на лице место, додека еден е повреден и му била укажана брза помош. Подоцна бил вратен во стадото.

Слични инциденти се забележани во последниве години во Шри Ланка, кога диви слонови ги преминуваат железничките пруги во потрага по храна и вода.

Животните се доближуваат до урбаните средини поради губење на природното живеалиште.

Македонија

Се судриле два камиона на Стража, сообраќајот по еден час е нормализиран

Два камиони се судриле денеска на превојот Стража, по што патниот правец Гостивар – Кичево од 15.30 часот беше затворен во двата правци.

Од 16.25 патниот правец Кичево-Гостивар, сообраќајот е нормализиран, соопштија од АМСМ. Во тек е увид на местото на несреќата, а нема информации за жртви или повредени.

Македонија

Двајцата тестирани вработени во Зоолошката градина негативни за птичји грип

Четворица под здравствен надзор, двајца од  вработените во скопската Зоолошка градина утринава тестирани за птичји грип.. 

Лабораториските тестови покажале дека двајцата тестирани поради соменавење од птичји грип се негативни и немаат птичји грип. И двајцата работат во Зоолошката градина. Едниот од тестираните имале зголемена температура, а вториот сам се пријавил за тестирање иако не бил на списокот бидејчи имал симптоми со зголемена телесна температура.

„На ден 21.10 согласно протоколите, направено е тестирање за птичји грип во Одделение за вирусологија во ИЈЗ референтна лабараторија, која е меѓународно акредитирана за дијагностика на инфлуенца грип од хумано и анимално потекло, на лице кое во епидемиолошката анкета има наведено дека 1 ден имало симптоми на покачена телесна температура. Воедно е тестирано на ист начин и второ лице вработено во ЗОО кое не е на доставениот список од 16 луѓе вработени во ЗОО, но на ден 21.10 се пријавило во ИЈЗ со тековни симптоми. Ве известуваме дека по добиените резултати од спроведените тестирања, двете лица се негативни за птичји грип.“

Од Институот за јавно здравје соопштија дека за ваква состојба не е предвидена изолација за ниту еден од вработените во Зоолошката градина.

Во саботата Зоолошката градина беше затворена дел од птиците беа усмртени 35 птици откако било потврдено кај една птица дека починала од птичји грип. Од Агенцијата за храна и ветеринарство потврдија дека биле почитувани сите протоколи со цел да не се прошири болеста. Зоолошката останува затворена во наредните три недели.

притисни ентер