Македонија

МТ: Прифатени аргументите на министерот Николоски за пругата кон Бугарија

Вчера во Софија се одржа состанок на делегации од Македонија, Бугарија и претставници од Европската Унија во однос на железничкото поврзување, информира Министерството за транспорт.

Имено, трите клучни аргументи на заменик претседателот на Владата и министер за транспорт, Александар Николоски беа прифатени. Прво, мора да има заеднички проект за тунелот со цел да не се гради тунел кој не води никаде, понатаму Бугарија да го заврши својот дел од пругата и трето да се ревидира цената која е превисока како и ревидиирање на самиот проект.

По проценката на ризиците, изградбата на тунелот за железничко поврзување меѓу Македонија и Бугарија е поефикасно да биде од еден изведувач. Ова беше заклучено на состанокот во Софија помеѓу македонската и бугарската делегација, а во однос на преговорите за железничко поврзување меѓу двете земји со посредство на Европската Унија.

На состанокот, од македонската страна предводена од Државниот секретар во Министерството за транспорт, Стефан Волкановски и директорот на Железница Инфраструктура Синиша Ивановски, беше истакнато дека Македонија не отстапува од железничкото поврзување и на овој проект се гледа како регионален проект со кој се потенцира развојот на европските транспортни мрежи.

На состанокот од двете страни беше прифатено целиот проект во делот фаза 3 (делница Крива Паланка - Деве Баир), да биде преиспитан од причина што сегашната цена е превисока и неразумна со интенција истата да се намали.

Двете делагции, исто така се согласија да се користи одлуката за технички проект за тунелот поднесен од ЈП Железници Инфраструктура.

На состанокот беше договорено двете земји да формираат работни групи со цел да се подготви потребната документација за тунелот.

За време на состанокот, страните разменија информации, временски рамка за изградба, а споделија и искуства во однос со техничките прашања за изградбата на коридорот 8, а посебно во делот на процедурите за идното функционирање на прекуграничниот тунел „Деве Баир“.

Страните, исто така се договорија постигнатите договори да ги презентираат пред одговорните финансиски институции на ЕУ, стои во соопшѓтението од Министерството за транспорт

Свет

Пукање во Орландо, малолетник уби две лица, 6 повредени

За време на прославата на Ноќта на вештерките во Орландо, САД дошло до пукање во кое според првичните информации загинале две лица, а шест лица се ранети.

Првите податоци од истрагата укажуваат дека убиствата ги извршил малолетник.

Повикот во полиција дошол околу 01:00 часот. Снимките од местото на настанот покажуваат дека бројни полициски возила ја блокираат областа.

Не е познато што му претходело на пукањето.

Македонија

ВМРО-ДПМНЕ: СДС е пример за политичка комедија со ликови кои крадат во секоја прилика

 СДС е пример за политичка комедија со ликови кои крадат во секоја прилика, ВМРО-ДПМНЕ реализира проекти во корист на граѓаните

СДС е пример за политичка комедија. СДС луташе кога требаше да се работи Коридор 8 барајќи само начини како да стават пари во џеб, ВМРО-ДПМНЕ гледа како да реализира проекти, а не да ги краде граѓаните.

За време на СДС, секој ден беше нова епизода од ,,Скандал во Македонија“. Време е СДС да прифати дека нивната ера заврши.

ВМРО-ДПМНЕ, не се потпира на наследството од претходната власт, кое беше повеќе за хумористични шоуа – најдобар пример за тоа е Венко Филипче.

СДС треба да престане да ги рециклира истите соопштенија како фиока со истрошени сценарија. Се чини дека освен одговори, им треба и мапа да сфатат дека нивната улога во првите редови на политичката сцена е завршена.

СДС ги погазија ветувањата, а време е да ги погазат и сценаријата.

Претседателот на Владата, Христијан Мицкоски, на последната седница за пратенички прашања, даде одговор на сите дилеми.

За СДС пратенички прашања се и непозната појава. Нивните одлуки во минатото поминуваа без транспарентност, отчетност, и вон фокусот на јавноста.

ВМРО-ДПМНЕ ја враќа довербата која граѓаните му ја дадоа на 8 мај, а реформите веќе

СДС треба да се навикне на новата реалност, во политичката игра, местото за подучување е резервирано за победници.

РЕАКЦИЈА НА СООПШТЕНИЕТО НА СДС

Центар за комуникации на ВМРО-ДПМНЕ

Свет

Харис: Коментарите на Трамп за жените се навредливи

Потпретседателката на САД, Камала Харис рече дека коментарот на Доналд Трамп дека ќе ги заштити жените, без разлика дали тоа им се допаѓа или не, покажува дека републиканскиот претседателски кандидат не ги разбира правата на жените.

Потпретседателката на САД, Камала Харис рече дека коментарот на Доналд Трамп дека ќе ги заштити жените, без разлика дали тоа им се допаѓа или не, покажува дека републиканскиот претседателски кандидат не ги разбира правата на жените да „носат одлуки за сопствените животи, вклучително и за сопственото тело“.

„Мислам дека тоа е навредливо за сите, патем“, рече Харис пред да замине да го помине денот во кампања во клучните западни држави Аризона и Невада. Таа се надоврза на тие забелешки на нејзиниот митинг во Феникс:

- Тој едноставно не ја почитува слободата на жените или интелигенцијата на жените да знаат што е во нивен најдобар интерес и соодветно да носат одлуки. Но, ние им веруваме на жените. Коментарите на Трамп доаѓаат додека тој се бори да се поврзе со женските гласачи и додека Харис ги вовлекува жените во двете партии со порака насочена кон слободата. Таа тврди дека жените треба да бидат слободни да донесуваат сопствени одлуки за нивните тела и дека ако Трамп биде избран, ќе следат нови ограничувања додека двете кампањи се тркаат кон претседателските избори во вторник.

притисни ентер