Македонија

Минчев: Ги отфрлам тенденциозните и манипулативни тврдења изнесени од страна на СДСМ

Министерството за јавна администрација ги отфрла тенденциозните и манипулативни тврдења изнесени од страна на СДСМ .

Министерството за јавна администрација ги отфрла тенденциозните и манипулативни тврдења изнесени од страна на СДСМ и ги потсетува дека е потребно да направат разлика помеѓу реформа на јавна администрација и законските решенија кои произлегуваат од уставна категорија.

Министерството за јавна администрација јасно и недвосмислено ги следи и спроведува сите одлуки на Владата на Република Македонија, како и Уставниот суд, со заложби кои се насочени кон долгорочен развој на јавната администрација преку професионални, транспарентни и инклузивни реформи кои ќе обезбедат ефикасна и одговорна јавна служба за сите граѓани, за разлика од претходниот затворен пристап на Владата на СДСМ.

Потсетуваме, решенијата од уставна категорија, како што е случајот со „балансерот,” бараат одговорен и експертски пристап, ослободен од политички влијанија.

Дневната политиката мора да биде надвор од процесот на создавање закони од уставна категорија.

Работната група што работи на новото законско решение за ова прашање е составена од експерти, и истото треба да се испрати на увид до Венецијанската комисија, со цел да се осигура усогласеност со европските стандарди и правната рамка на државата.

Исто така, истакнуваме дека Стратегијата за реформа на јавната администрација и Акцискиот план, не е сопственост на ниту една политичка партија, туку е план усогласен со потребите на државата и приоритетите за напредок на Република Македонија на патот кон Европската Унија.

Секој обид за манипулација на јавноста со неосновани обвинувања е контрапродуктивен и на штета на граѓаните.

Министерството за јавна администрација останува посветено на својата мисија и продолжува да работи на конструктивен, професионален и транспарентен начин, со цел да ја модернизира и реформира јавната администрација на начини кои се во корист на сите граѓани.

Министерот за јавна администрација, Горан Минчев, ја извршува својата функција исклучиво во служба на граѓаните, посветен на реформите кои ќе придонесат кон современа, ефикасна и транспарентна администрација.

Политички обвинувања и манипулации нема да го одвратат Министерството од стратешкиот правец кој води кон квалитетна јавна администрација, насочена кон доброто на граѓаните и во согласност со европските вредности.

Кабинет на Министер за Јавна Администрација

Македонија

Сиљановска Давкова ја прими Костовска, основач на Меѓународниот фестивал „Богородичен Покров“

Претседателката Гордана Сиљановска Давкова денеска ја прими Зорица Костовска, филмски продуцент, режисер, сценарист, новинар, теолог и основач на Меѓународниот филмски фестивал „Богородичен Покров“

На средбата на која присуствуваа и македонскиот режисер Стојан Вујичиќ и српскиот продуцент од Будимпешта Милан Кичевац, претседателката Сиљановска Давкова беше запознаена со нивните заложби за промовирање на културните и духовните вредности, како и за нивната идеја за изработка на филм посветен на Свети Наум, како заеднички проект на Македонија, Србија и Унгарија.

Претседателката Сиљановска Давкова изрази поддршка за нивниот ентузијазам за збогатување на културниот пејзаж, преку промовирање на култот кон Свети Наум, заедничкото наследство и хуманоста, соопштуваат од Кабинетот на претседателката.

Свет

ФБИ почна истрага по појавата на бројни расистички СМС пораки по изборите-се спомнува ропството

Расистички СМС пораки во кои се споменува ропството стигнале до Афроамериканците низ САД – до мажи, жени, студенти, па дури и средношколци, а ФБИ и други релевантни агенции отвориле истрага за да се утврди кој ги испратил тие пораки.

СМС пораките биле испратени анонимно до жителите на Њујорк, Алабама, Калифорнија, Охајо, Пенсилванија, Јужна Каролина, Тенеси - тие имаа сличен тон, но некаде се разликуваа во текстот, објави Ројтерс.

Пораките им велат на оние што ги примиле да се пријават на плантажи за да „берат памук“, според Националното здружение за унапредување на правата на расните малцинства (NAACP).

Во некои пораки се споменува и новата американска администрација. ФБИ соопшти дека е во контакт со Министерството за правда, а Федералната комисија за комуникации исто така објави дека го истражува потеклото на СМС пораките во соработка со полицијата.

Таша Данам од Лоди, Калифорнија, рече дека нејзината 16-годишна ќерка добила порака во која се вели дека треба да се пријави на „плантажа“ во Северна Каролина. Таа вели дека никогаш не живееле таму, а кога подобро ја разгледале локацијата виделе дека таму има музеј.

„Многу е вознемирувачки, се обидувам да сфатам што значи ова? Дефинитивно сум исплашена и загрижена“, рекла мајката на 16-годишното девојче.

Прво мислеле дека некој се шегува, но емоциите станале интензивни по претседателските избори во вторникот, па сепак решиле да пријават во полиција.

"Јас не сум роб, мајка ми не беше роб, но ние сме само неколку генерации подалеку од тоа. Кога ќе размислите колку брутално и ужасно ропството беше за нашиот народ, навистина е вознемирувачки", вели Данам.

Претседателот на НААЦП Мисури Нимрод Чапел вели дека студентите кои се членови на организацијата добиле пораки во кои зборуваат за изборната победа на Доналд Трамп и ги повикуваат да одат „да берат памук“ следниот вторник.

„Тоа укажува на добро организирана група која има ресурси и е решена да ги таргетира Американците врз основа на бојата на нивната кожа“, рече Чапел.

Регион

Уште едно бебе во Србија почина од голема кашлица

Бројот на заболени од голема кашлица, односно пертусис, продолжи со трендот од септември и продолжи да расте во октомври, кога оваа болест била дијагностицирана кај уште 18 лица за еден месец.

Бројот на заболени од голема кашлица, односно пертусис, продолжи со трендот од септември и продолжи да расте во октомври, кога оваа болест била дијагностицирана кај уште 18 лица за еден месец, се вели во најновиот извештај на Институтот за јавно здравје на Србија д-р Милан Јовановиќ Батут".

Од оваа болест почина уште едно бебе до три месеци, а тоа е трето бебе кое починало годинава, објави Телеграф.

Како што се наведува во извештајот, од почетокот на 2024 година до 31 октомври пријавени се три смртни случаи предизвикани од пертусис кај невакцинирани деца до три месеци. Во претходниот извештај, кој се однесувал на периодот до 30 септември, е наведено дека од почетокот на годинава биле пријавени два смртни случаи кај невакцинирани деца на иста возраст.

Во најновиот извештај на „Батут“ се наведува дека од почетокот на годинава до 31 октомври лекарите пријавиле 1.501 потврден случај на пертусис.

Кај најголем број пријавени случаи на пертусис дијагнозата е поставена во текот на месец јануари, а од март до август е забележано намалување на бројот на заболени.

Во август, имено, имало 8 нови случаи на заболување, во септември голема кашлица е потврдена кај 14 лица, а во октомври на 18 лица.

Најголем број случаи се регистрирани кај возрасните групи постари од 20 години, односно на возраст од 10 до 14 години.

Од почетокот на годинава во болница се хоспитализирани 144 лица, од кои повеќето биле деца на возраст до 12 месеци.

Голема кашлица годинава најмногу ги погодила јужнобачкиот регион и Белград.

На почетокот на годинава се пријавени три смртни случаи предизвикани од пертусис кај невакцинирани деца до тримесечна возраст.

Голема кашлица или пертусис, популарно позната како голема кашлица, е акутна инфективна болест предизвикана од бактеријата Bordetella pertussis. Првите симптоми на оваа болест се појавуваат по 7 до 10, а најмногу 21 ден по контакт со болно лице.

притисни ентер