Македонија

Мемов: Буџетот на ПИОМ за 2025 ќе биде 2,2 милијарди евра, пари за пензии ќе има

Линеарното зголемување на пензиите кои пензионерите го добија со исплатата на септемвриската пензија ја чини државата околу 14 милиони евра месечно или до крајот на оваа година околу 41 милион евра. 

Над 340 илјади пензионери се до март идната година ќе земаат пензии повисоки за 2 500 денари, со иплатата на мартовската пензија следната година ќе го добијат и вториот дел од уште 2 500 денари, од ПИОМ уверуваат дека пари за исплата на пензии има, а согласно прокециите на буџетот за идната година, дефицитот ќе изнесувал 27 %, за што ќе бидат префрелни средства од Владата во висина од околу 580 милиони евра. На денешниот брифинг со новинарите директорот Никола Мемов вели доколку не се случело линеарното покачување чија цел според него е намалување на социјланата разлика, пензионерите наместо 11 % ќе добиеле повисоки пензии за само 4 %.

„Буџетот за 2025 е проектиран на 2,2 милијарди евра. Буџетскиот дефицит за следната година е прокетиран на 27 %, ќе се покрива според планот со средства од Владата во висина од околу 580 милиони евра. “- ПИОМ.

Наспорти линеарното покачување, кое беше дел од предизборното ветување на Владата, во септмеври 2026 година пензионерите ќе добијат усогласување, согласно методологијата кое би изнесувало околу 4 %. Дали ќе има зголемување на старосната граница, Мемов вели не е прашање на кое одговорт го има фондот, за тоа го одлучувала Владата. Годишно бројот на пензионери се зголемува од 0,9 до 1 %.

Мемов најави подобрување на функционирањето на ПИОМ, и сет на мерки кои како институција ќе ги предложат до Владата, со цел подобрување на финансиската состојба, според него дупката која ја има ПИОМ не е резулатат на лошото менаџирање на фондот туку е резултат на досегашните економски политики на Владите. Една третина од исплатата на пензии се средства што доаѓаат од државната каса.

Живот

Дваесет години трага по скапоцености, а сега нашол златна паричка со неверојатна вредност

Во Англија, поточно Јужен Кембриџшир, Пол Кавел (59) пронашол ретка монета која датира од времето на императорот Трајан, околу 107 година од нашата ера.

Интересно е тоа што Кавел го посетувал истото поле во последните 20 години, барајќи скапоцености.

„Досега најдов неколку римски и средновековни монети, но ова е моето највозбудливо откритие. Тој ден ископав неколку потрошени гранати и решив да се вратам до автомобилот. Тогаш се огласи детекторот и на длабочина од 20 сантиметри видов паричка“, рече тој.

Овој артефакт е исклучително редок, а аукциската куќа Noonans тврди дека само два примерока се видени на пазарот во последните 25 години.

„Монетата е издадена од императорот Трајан во 107 година од нашата ера, откако тој ги повлече од оптек сите истрошени републикански монети“, вели експертот Најџел Милс.

Се очекува да се најде на аукција на 22 октомври за солидна сума, а почетната цена се проценува на меѓу 6.000 и 7.000 евра, пишува Мирор.

Кавел ќе ги сподели неочекуваните пари со сопственикот на полето каде што е пронајдена паричката. Тој вели дека ќе го потроши на нов детектор за метал или за лекување.

Свет

Силно невреме на северот на Италија- запрен железничкиот сообраќај, затворени училиштата

Северот на Италија го зафати невреме кое предизвика лизгање на земјиштето и поплави, поради што железничкиот сообраќај беше запрен, а училиштата на некои места беа затворени.

Невремето го погоди северозападниот регион Лигурија.

Два лета за Џенова беа пренасочени кон Пиза и Торино, а летовите од Рим и Пиза беа пренасочени кон Катанија или откажани.

Портокаловиот аларм е вклучен во Емилија Ромања и пристанишниот град Ла Специја, каде училиштата се затворени, пренесува Стампа.

Невремето денеска ги зафати Ломбардија и Тоскана, соопштија надлежните служби.

Вниманието е фокусирано на провинциите Парма и Пјаченца и на планинските и ридските области на провинцијата Реџо Емилија.

Во Милано е активиран жолт метео аларм поради опасност од поплавување на двете реки Севесо и Ламбро.

Надлежните апелираа до граѓаните да не застануваат во близина на дрвја, скелиња и градилишта за време на невремето.

Регион

Нов АСНОМ: Добивме забрана да го чествуваме Кресненското востание

Македонците во Бугарија добија забрана за одбележување на Кресненското востание.

Од Македонскиот клуб за етничка толеранција велат дека слично како и претходните години кога без проблем одбележувале, доставиле известување до Општина Кресна дека ќе положат цвеќе пред споменикот на Димитар Поп Георгиев Беровски кој се наоѓа во центарот на градот. Но непријатно биле изненадени кога од општината добиле известување дека на 20 октомври, датумот кој требало да го одбележат, градот имал планирано други настани.

-Кметот на Кресна ни забрани. Поднесовме тужба во судот, но тој ни прати ново писмо одговор дека имаат настани за да можеме да го направиме одбележувањето како што треба. Секогаш ќе имаме пречки и не се надевам дека ќе се среди нешто, барем не додека јас сум жив. Мислат дека ќе објавиме востание и ќе објавиме независност, од тоа се плашат,- изјави – Ангел Радонов – Македонски клуб за етничка толеранција Благоевград.

Во образложението на Општина Кресна стои дека на 18, 19 и 20 октомври го слават празникот на градот и им сугерираат на македонците да изберат друг датум за настан, што според нив е уште еден обид за дискриминација. Во меѓувреме се соочуваат и како што велат со нова неправда откако и Европскиот суд на правдата во Луксембург неодамна прогласувајќи се за ненадлежен им ја отфрли тужбата против ЕК со која бараа Бугарија да дозволи регистрација на Македонскиот клуб за етничка толеранција.

-Со оваа пресуда со пшотпис и печат, дискриминацијата против македонците во ЕУ е озаконета. Затоа што ЕК и Судот за правда се ставаат на страната на Бугарија против кршењето на основните човекови права на македонците. Истите две институции и даваат сигнал на Бугарија да продолжи со дискриминацијата а тие се тука истата да ја помогнат.- изјави – Сашо Маневски – Претседател на Нов АСНОМ.

Минатиот месец Комитетот на министри на Советот на Европа донесе одлука со која од Бугарија побара до 16 декември да одговори какви чекори ќе преземе околу спроведувањето на 14-те пресуди на Европскиот суд за човекови права. Од Софија се очекуваат резултати од веќе формираната работна група која треба да подготви законски или уставни измени кои ќе овозможат регистрација на македонските здруженија.

притисни ентер