Матевски победник на пингпонгарскиот турнир за ветерани во Куманово

Филе Матевски е победник на ветеранскиот пингпонгарски турнир во Куманово одржан викендот по повод Денот на ослободување на градот 11-ти Ноември. На овој 14-ти по ред турнир настапија многу од повозрасните вљубеници во спортот.

Пласман на најдобрите:

1. место Филе Матевски

2. место Мирослав Симиќ

3. место Боро Варошлија и Вили Ангелов.

Исто така, во текот на вчерашниот ден започна новата сезона во Јуниорска лига за мажи и жени.

Резултати:

1. коло, машки:

Патриоти - Дебар Маало 0:3

Куманово - Астраион 0:3

Рисови - Младост 96 0:3

Пелагонија - Пелагонија 2 0:3

Екипата на Борец ТИМ е слободна во првото коло

2. коло:

Младост 96 - Пелагонија 1:3

Астраион - Рисови 3:0

Дебар Маало -Куманово 0:3

Борец ТИМ - Патриоти 0:3

Екипата на Пелагонија е слободна во второто коло

3. коло:

Куманово - Борец ТИМ 3:0

Рисови - Дебар Маало 0:3

Пелагонија - Астраион 1:3

Пелагонија 2 - Младост 96 0:3

Женски - есенска полусезона:

Младост 96 - Пелагонија 3:0

Пелагонија - Младост 2:3

Младост - Младост 96 2:3.

Вонредно изборно собрание на ФФМ, Омерагиќ единствен кандидат

Вонредно собрание за избор на нов претседател на Фудбалската федерација на Македонија (ФФМ) е закажано за денеска во Скопје.

Вонредното собрание беше закажано на 17 ноември, откако Муамед Сејдини поднесе оставка на претседателското место во ФФМ.

Единствен кандидат за негов наследник е поранешниот фудбалер на Вардар и Слога Југомагнат, Масар Омерагиќ.

Комисијата за избори и верификација во рамки на ФФМ на почетокот на декември го прифати предлогот на Општинскиот фудбалски Сојуз на Свети Николе за поддршка на кандидатурата на Омерагиќ за претседател на ФФМ.

Јавна поддршка Омерагиќ да биде избран за нов претседател на ФФМ изминатиот период дојде од многу познати поранешни македонски фудбалери, предводени од Горан Пандев, Илија Најдоски, Агим Ибраими, Гоце Седлоски и Ѓорги Христов.

Сејдини беше на чело на ФФМ од март 2029 година. Во 2021 доби нов четиригодишен мандат, кој требаше да заврши во март идната година.

Свет

Трамп избра милијардер за амбасадор на Италија

Новоизбраниот американски претседател Доналд Трамп вчера објави дека ќе го номинира милијардерот сопственик на професионалниот кошаркарски тим „Хјустон Рокетс“, Тилман Фертита за амбасадор.

Новоизбраниот американски претседател Доналд Трамп вчера објави дека ќе го номинира милијардерот сопственик на професионалниот кошаркарски тим „Хјустон Рокетс“, Тилман Фертита за амбасадор на неговата администрација во Италија.

Фертита е претседател и сопственик на Landry's Corporation, која управува со 600 ресторани, хотели и казина во 35 американски држави.

Во објава на неговата платформа „Truth Social“, Трамп го пофали Фертита (67), роден во Тексас, како „совршен бизнисмен“ и филантроп.

Трамп вчера објави дека го именувал продуцентот на неговото долгогодишно реално ТВ шоу „The Apprentice“, Марк Барнет (64) за специјален пратеник на неговата администрација во Обединетото Кралство.

Трамп претходно го избра бизнисменот Ворен Стивенс за амбасадор во Велика Британија. Во петокот британската влада го назначи Питер Манделсон за амбасадор во САД.

Во објавата на неговата платформа „Truth Social“, Трамп рече дека Барнет „ќе работи на подобрување на дипломатските односи“ и ќе се фокусира на „трговијата, можностите за инвестирање и културната размена“.

Забава

Караванот „Зимска новогодишна бајка“ во Драчево

Караванот „Зимска новогодишна бајка“ на Државна лотарија денеска ќе биде во населбата Драчево, кај Крстот.

Во првиот дел од програмата, како што е најавено, најмладите ќе можат да уживаат во настапот на детскиот фестивал „Поточиња“, а истовремено и да ја проследат театарската претстава „Чекори“, како и бесплатно фотографирање со Дедо Мраз и маскоти од омилените ликови од најпопуларните цртани филмови, за спомен.

Во вториот дел од програмата ќе се оддржи голем музички концерт во кој граѓаните ќе можат да уживаат во звуците на македонската песна, а за добрата забава, како што е најавено, ќе се погрижат ДНК, Андријана Јаневска, Лина Пејовска и Огнен Здравковски.