Според најновото истражување во Хрватска на Агенцијата за заштита на пазарната конкуренција (АЗТН), најважните трговци на мало, вкупно 44 од нив, лани оствариле приход од 7,73 милијарди евра, што е 1,07 милијарди евра или 16,1 отсто повеќе во споредба со 2022 година.

Со споредување на податоците за изминатите неколку години, евидентно е дека тој раст на приходите, што секако беше под влијание на инфлаторните движења, е брз, јавија хрватските медиуми. Од 2022 година, процентот на раст на малопродажниот пазар на намирници, имено, почна да се изразува во двоцифрени износи. Официјалните податоци на АЗТН покажуваат дека во 2018 година растот на приходите во тој сектор во однос на претходната година бил 7 отсто, во 2019 година бил 6 отсто, во 2020 година бил 0,8 отсто, а во 2021 година - 8,4 отсто во однос на претходната година. Споредено со 5,76 милијарди евра, што ги постигнаа најважните трговци од примерокот на АЗТН, во 2021 година, нивниот приход ќе скокне на 6,6 милијарди евра во 2022 година, што е зголемување од 15,7 отсто, а тој тренд на раст од минатата беше уште посилен оваа година.

Кога ќе се соберат и одземат, приходите во продавниците за малопродажба во Хрватска во изминатите две извештајни години скокнале за речиси две милијарди евра номинално - од 5,76 на 7,73 милијарди евра остварени лани, наведуваат медиумите во Хрватска.

Прашан дали Владата планира некако да помогне, бидејќи има информации дека ФЗО е во долгови, Мицкоски рече дека долгови има насекаде.

- Долгови има насекаде. Тие се бројат во милијарди денари. Состојбата со ФЗО беше долг од пет милијарди денари. Видовте дека за помалку од 100 дена, за нешто повеќе од 80 дена, со заштедите и со доброто менаџирање, обезбедени се две милијарди денари од тие пет милијарди, да биде вратен долгот. Очекувам следната година до крајот веќе таа состојба да биде еднаква на нула, одговори Мицкоски на новинарско прашање за време на посетата на општина Кавадарци.

Тој кажа и дека со ребалансот на буџетот, биле обезбедени една милијарда денари, наменети за исплата на К-15 на повеќе од 83.000 вработени во јавната администација, иако, како што рече, тие не биле предвидени претходно.

- Обезбедивме повеќе од 1,2 милијарди за исплата на земјоделците. Долгови стари покрај редовните, што тие не ги предвиделе. Обезбедивме пет милијарди денари редовна исплата на пензиите на пензионерите, што тие не ги предвидоа. Плус, од 1 октомври, пензионерите ќе добијат еднократно зголемување од две и пол илјади денари, што си продолжува и понатаму и уште две и пол илјади денари согласно Законот на 1 април за март. Практично цело време, ветувањето што го имавме од тие пет илјади денари во првата година, го реализираме во првите девет месеци, дури и порано. Ќе потсетам дека, тоа е многу значајно, особено овде, дека вработените во АД „Водостопанство“ и АД „Национални шуми“, кои немаа земено плата со месеци, добија плата. И тука од страна на ребалансот, беа обезбедени околу половина милијарда денари, рече Мицкоски.

Премиерот додаде дека мора одвреме-навреме да се повторува што било оставено, во случај „криминалци од поранешната влада“ да играат на таа карта и „повторно да го потценуваат сопствениот народ“.

- Ќе потсетам дека сметката на Владата на 24 јуни, што беше прв работен ден, беше минус двесте милиони евра, то ест, минус дванаесет милијарди денари. Тоа на ниедна влада, откако ние како држава, Македонија е независна, не ѝ се случило. Дури и по конфликтот во 2002 година, сметката беше позитивна, нагласи Мицкоски.

На 24 јуни, сметката била минус дванаесет милијарди денари, а тој најави дека очекува овој месец или прва половина на октомври, да се дојде до позитивна нула.

- Да го вратиме сето тоа и така се работи домаќински. И да се реализираат проекти и да се штеди, тоа е целта на оваа влада, истакна премиерот.

Во сите храмови на Македонската православна црква изутринава се одржуваа литургии, а централната света архијерајска литургија со која чиноначалствуваше Архиепископот Охридски и Македонски г.г Стефан се одржа во храмот Рождество на Пресвета Борогодица во Скопје.

- Бројните верници се поклонија пред иконата на Пресвета Богородица и посакаа здравје, мир и единство на сите луѓе.

- Господ нека даде здравје и мир. Ни го трасира патот. Богородичка ни помогна и големиот Син нејзин, да тргнеме по правиот пат. Фала и на нејзе и фала и на синот Божји да ни даде среќа и здравје и љубов меѓу нас без разлика на вера.

- Здравје, напредок на луѓето, државата да биде во ред, да се спојуваат сите луѓе да бидат заедно.

- Сега дојдов да си запалам свеќа и да си посакам се најубаво, прво здравје после се. На овој голем ден само здравје, да дава на нас постарите, на фамилијата, на помладите синови снаи, ќерки.

Според Христијанските преданија Пресветата Богородица Дева Марија е дете на Јоаким и Ана, скромни луѓе кои помагале на сиромасите и болните. Долго време немале деца, а ќерката ја добиле по пет децении брак. Бог слушајќи ги нивните молитви, не им подарил само ќерка туку и Божја Мајка. Верниците денеска го празнуваат токму нејзиното раѓање , еден 3те родендени кои се слават во Православната црква - објаснува отец Спасе Таковски. Преку Божјата мајка, Спасителот Исус Христос примил човечко тело, за на верниците да им го покаже патот до спасението, но Богородица е и мајка и заштитничка на целото човештво- вели отец Спасе.

-Богородица е заштитница на сите и заштитничка и на градот Скопје. Секој православен Христијанин прво треба да се моли за сопствено здравје и спасение, потоа за здравје и спасение на сите останати блиски роднини и пријатели, знаени и не знаени , значи Богородица помага секому,- -отец Спасе Таковски.

Одбележувањето на празникот во храмот Рождество на Пресвета Богородица во Скопје започна вчера, каде во попладневните часови од стотици верници свечено беше пречекана Богородичната икона „Троеручица“ од светогорскиот манастир Хиландар. Идентичната копија на Иконата беше внесена во храмот на осветување, по што традиционално беше извршена Литија низ центарот на Скопје. Иконата беше донесена од свештеномонаси и хиландарскиот игумен архимандрит Методиј и трајно ќе остане во храмот.